ГьикIин?

Са касдихъ гьи ар авачтIа, жедач эсер, бес гьикIин?!
Къвахдин тIар ятIан гужлу, гудач ббегьер, бес гьикIин?!

Са инсандик итимвилин квачир бере са лишан,
Гудач халкьдиз хийир, гъиляй къвез виш гьунар, бес гьикIин?

Иллагьи, заз гьич садрани юлдаш тахьуй намерд кас,
Намерддин тавханада рикI жеда тIар, бес гьикIин?!

Пис кас эгер духтур ятIа, адан дарман зегьер я,
Йифди-югъди къваз туртIани абу-кевсер, бес гьикIин?!

Ви кIаниди чиркинд ятIа, амал чIуру, кьатIун бед,
Адан къилих туькIуьриз жеч цунал вацар, бес гьикIин?!

Адан хура авайд рикI туш, хиялдиз рикI туькьуьл яз
Ам ширин жеч алукIналди къизил-камар, бес гьикIин?!

Ягъалмиш яз адан патав суьгьбет ийиз фейтIа вун,
Карда вакай русвагь ийиз къацу гуьллер, бес гьикIин?!

Ахцегь шаир, а ви гафар тек бед касдиз жед такIан,
Пис кар варз хьиз акуртIани, гуз туш эквер, бес гьикIин?!


Къеледай

Гьейран ийиз вири алем, экуьн ярар къеледай,
ЭкъечIна ам, лацу чинал хъуьрез пIузар, къеледай,
Вилер цIару, вич къизилгуьл, гузвай атир къеледай,
Чилелай физ шабалатдин ранг алай чIарар, къеледай.
ЭкъечIда зун Мажнун хьиз, Лейли аквар къеледай.
А мубарак минарадай экъечIда ам рагъ хьтин,
Экуьн гарал наз гузавай, гьар пад дуьзмиш багъ хьтин,
Чин къалурна цIувад йикъан тамам вацран чагъ хьтин,
Гьар жуьредин цуькверивди дуьзмишнавай дагъ хьтин,
ЭкъечIда ам, вири дуьнья ийиз серсер, къеледай.
Лацу чинал хъуьрез-хъуьрез кьелечI пIузар къеледа,
На лугьуди лалидин нур гьатна вири къеледа,
Дуьньядавай гуьзеларин шагь хьиз ама къекъведа,
Иллагьиди халкь авур и тек затIунихъ элкъведа,
Жанлу алем, умудлу яз акун сувар къеледай.
Бахш авуна, я иллагьи, зи гуьзел ярдиз камал,
Квахьна гьарнихъ зи сабурни, зи акьулни, зи хиял,
Ам гудачтIа, заз герек туш, я гьуьруь, дуьньядин мал,
КIандатIа це женнетдин юкь заз, заз виже къвеч а амал
Тур вуна зун и авай гьал, къвез серин гар къеледай.
Ашкъидин шайда на хьурна, квахьнава, рабби, зи кьил,
Гъам-хажалат хьанва зи пай квехъ агакьрай мад зи гъил,
Хьурна кьисмет, яр, ая шад Ахцегь Назиман гевил,
Селди гьална зи чинал, нагъв къвез ажуз хьана кьве вил,
Заз акваз хьуй гьар юкъуз зи рикI алай яр къеледай.


ЗатI туш

Яр, ви чинин ранг акурдаз, экуьн чIаван ярар затI туш,
Магьид рангунин гардан алай дуьньядавай рушар затI туш.

Китайдин хьуй, кIантIа Римдин пачагьар ви гуьзелвилин
Есир хьана, лугьузва, вав Цезарарни Кирар затI туш.

Магьидин ви сарарикай хкатзавай хуш сесери,
Чан гъизвайдаз якъутдин селдив ацIанвай вацIар затI туш.

Гьихьтин назлу либасдивди дуьзмишнава гуьзел беден,
Наз гунивди ви паиав гьич вири малайикар затI туш.

Ашукь я вал Ахцегь Назим чаз ван хьайи Керем хьтин,
Эсли вуч я вав гекъигиз, ви патав Лейли затI туш.


Темпел лукIраз меслятар ийир кас

Темпел лукIраз меслятар ийир кас,
Дуьзбур туш ви фикирар гьич са кIусни,
Илим чира, ви мефтIерал ала пас
Акур туш вун марифатлу са касни

Вуна гьакIан къундармаяр туькIуьрмир,
Лавгъа касдин эхир кIевез аватда,
Марифатдин нурар вири туьхуьрмир,
Гьахъ гьикI хьайитIан садра винел акьалтда.

Дустарин тариф авун кьулухъ тур вуна,
Гьахъ гъиле яхъ, гьадахъ далу акала,
Илимлудахъ гьар чIавуз гьуьжет ийиз
А нубатсуз рахазвай сив агала.

Поддержим Лезгинский бизнес
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 688
Реклама
Реклама
Источник: http://zapilili.ru/rubric/v_kazani_prestupnik_udaril_devushku_otvertkoy_v_grud/.
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 38
Мугьманар: 36
Иштиракчияр: 2
leggi, Alpangirl

Сегодня нас посетили: