Саид Агьмед


Саид Агьмед (XVIII век)

Шехьрай

Уьмьуьр куьтягь жезва са югъ такуна,
Зи гьал чириз, диде пашман шехьрай захъ.
Дава тежер залан дерт за чIугуна, -
Кьуд пата тваз ишелдин ван, шехьрай захъ.

Кьисмет чпин даим бедбахт хьанвайбур,
Къуй атурай къара жигер канвайбур,
Зин хьиз чпин чан туьтуьниз гъанвайбур,
Эхиз жезмач завай гьижран, шехьрай захъ.

Багъ кутуна, за емишар атIанач,
Ярдихъ галаз ширин кьве гаф раханач.
Сагъ тир чIавуз хийир-шийир кьатIанач,
Партал, пурар, гьакI зи балкIан шехьрай захъ.

Фелек хьана зун паталди зулумкар,
ЦIигел я зун акваз кIанз дуст, юлдаш, яр,
Зи юлдашрин патав гвай ядигар,
Ктаб, дафтар, къелемдашни гехьрай захъ.

Агьмед я зун, фанадихъ зи гала вил,
Эхиратдихъ элкъуьрнава за майил.
Эхир нефес я зин факъир, гьакI сефил,
АватIа рикI кудай инсан, шехьрай захъ.

Источник ©

Лента новостей
ОПРОС
Кто из этих национальных героев больше всего повлиял на ход истории?
Всего ответов: 1057
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 52
Мугьманар: 52
Иштиракчияр: 0


Сегодня нас посетили: