ДИДЕДИН ПАТАВ ХКВЕДА…

ТIурфандин юкьваз аватайтIани,
Дагълара селдик акатайтIани,
МичIи тама рехъ алатайтIани,
Ажалдин вилик жедач зун ажуз,
Дидедив за кьил ийиз тач агъуз.

Кеферда варцар акъудайтIани,
Гьуьлуьн деринриз авудайтIани,
Са кIвач атIана галудайтIани,
Зайифардач за зи рикIин ялав,
Хкведа азиз дидедин къвалав.

Хкаж жеда зун дагъларин кукIвал,
Яд уьлквейризни акъатда яргъал,
Амма кьатI тийиз кIанивилин гъал,
Гьамиша рикIе жеда хайи хуьр,
Дидедин патав хкведа эхир.


ДИДЕДИН РИКI

Ажалдиз месе гьатнава диде,
Йифериз адал къаравул я хва.
Гьат тийидайвал гатун кар хъуьтIе,
Гьар са инсандиз герек я арха.

Дидедихъ амач гьич юзадай гьал,
Хва къайгъудар яз гва адан къвалав.
Са геренда хва фена ахварал,
Уях хъхьана кваз рикIик ялав.

Мягьтел хьана ам – вичин винелай
Аладарнавай акуна яргъан.
Азарлувални фена рикIелай,
Дидеди хциз кърбанзава чан.

Алачиз яргъан агаж хьанавай ам
Тадиз, аял хьиз, къжахламишна,
Нефесдив чими ийиз кIараб, хам,
Хци адаз рикIин ифин багъишна.


ДИДЕДИН АХВАР


ЦIайлапан ягъиз, рахазва цавар,
Жегьил дидедин ширин я ахвар.
Тахърахъ авуна ахъайна ракIар,
Юзанач диде – ширин я ахвар.

Итимдин гъиляй аватна къапар,
Ксанва диде, ширин я ахвар.
Вя-вяна, куьрпе юзана са чIар.
Хьана дидедиз гьасятда хаба
р.
Поддержим Лезгинский бизнес
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 679
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 6
Мугьманар: 6
Иштиракчияр: 0


Сегодня нас посетили: