Чан цIийи тир йис

Я бахтавар кьуьдни гатфар,
ЦІийи йисан ярар ятІа?
Сивел къведай ширин гафар,
Ашкъи галай гарар ятІа?

ЦІийи йисуз цІийи бахтар,
ТІалабзава Аллагьдивай.
Вуч гуьзелбур я и вахтар!
Пияла яд булахдавай.

ЦІийи йисуз девлетлу гад,
Берекатдин зул къведа чаз.
Гьар са гуьзел мехъер-мел шад,
Гьар са нямет бул къведа чаз.

Ша, ЦІийи йис, ша, чи кІвализ,
ЦІийи бахтар-багъишар гваз.
Пара кІан я вун чи рикІиз,
Ви гуьзел тир нехишар гваз!

***
Яру туп

Чан зи гъвечІи яру туп,
Хъуькъвен кьилер цІару туп!
Цавуз акъудзамазди,
Гваз катзава гару туп.

Хуш ван туна куьчеда,
Вун чахъ галаз дуст жеда.
Къугъун акьалтІ хьайила,
Вун чахъ галаз суст жеда.

Ксайлани ахварай
Анжах са вун аквада.
Бес я ксун, фад къарай,
Чун мад шад яз къугъвада!

Ви къене вуч ял ава?
Зи рикІени тІал ава.
Мани тир шад гьавадин,
Ваз бахшнавай чІал ава.

Гьар йифиз вун ахварай,
Аквада вун, аквада.
Бес я ксун, фад кьарай,
Чун мад шад яз къугъвада!

***
Чан лацу лиф

Хажалатар кун патал цІув,
Вили цава гузвани лув?
Къизил гуьллер бул авай рув,
Ашукь я вал, чан лацу лиф!

Уьмуьрдин дад ийиз ширин,
Багъишзава на чаз хъуьруьн.
Ислягьвилин акьул дерин,
Ашукь я вал, чан лацу лиф!

Руьгьдин михьи авай къашар,
Жуьреба – жуьр авай яшар,
Гьам адаяр, гьамни рушар,
Ашукь я вал, чан лацу лиф!

Чи мурадар тухуз кьиле,
Гьар са кІвалах яхъ ви гъиле.
Чи ислягьвал кІани къеле,
Ашукь я вал, чан лацу лиф!


Офиц. сайт С.Саидгасанова - sajidin.narod.ru
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 691
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 27
Мугьманар: 25
Иштиракчияр: 2
Alpangirl, Бой_манкрутам

Сегодня нас посетили: