Лента новостей
ОПРОС
На основе какого алфавита должен существовать лезгинский язык?
Всего ответов: 371
Поддержка проекта «ЛезгиЯр»
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 34
Мугьманар: 33
Иштиракчияр: 1
LezGiYar

Сегодня нас посетили:

 
Главная » 2019 » Апрель » 3 » Хизри Хизриев — Девирдин духтур

12:02
Хизри Хизриев — Девирдин духтур

Хизри Хизриев — Девирдин духтур Хизри Хизриев — Девирдин духтур
Алай девирдин инсанри интернетдин соцсетрикай гегьеншдиз менфят къачузвайвиляй, чеб яшамиш жезвай чкайрилай аслу ту­шиз,­ багърийрин, ватанэгьлийрин арада датIана сих алакъаяр жезва, цIийи танишвилер арадал къвезва…

Мукьвара зун Москвада урологиядин хиляй духтур яз кIва­лахзавай жегьил лезгидихъ — Хизри Закирович Хизриевахъ галаз таниш хьана. Ам 1989-йисан 18-августдиз Кьурагьа дидедиз хьана. Ана мектеб куьтягьай жегьил 2007-йисуз Дагъустандин медицинадин академиядик экечIна, 2013-йисуз вуз агал­кьун­ралди куьтягьна. Хизри духтуррин хизандай я лагьайтIа­ни же­да: адан дидеди Москвада — терапевт, ваха Дербентда акушер-гинеколог яз кIвалахзава.

Жегьил духтурди медицинадин рекье субут хьанвай Европадин ва Америкадин къайдайрал амалзава. Ам тестикь та­хьан­­­вай «аламатрин» чIалахъ туш, кIвалахда ахьтинбурукай мен­фятни къачузвач. И ерийри ам илимдал кIевелай машгъул хьуникай, жегьил ятIани, тежрибалу пешекар тирдакай лугьузва. Алай аямдин медицинадин кIвалахда кьулухъ галамукь тавун патал пешекар датIана цIийи чирвилерин къайгъуда ава.

Москвада ада вичи кIвалах­за­вай клиникада агьалияр кьа­бул­зава. Маса чкайра яшамиш жезвай ксариз Хизриди, Whats­App ва интернетдин маса такьатар ишлемишуналди, онлайн къайдада хийирлу меслятар гузва­.

«Алай вахтунда Европада, Аме­рикада «телемедицина» лу­гьу­дай къайдадикай гегьеншдиз менфят къачузва. Зун гъалатI туш­­тIа, анра агьалийрин 30 процентди, духтурдин патав финин нубатра акъваз тавуна, онлайн тегьерда медицинадин куьмек къачузва. Им хъсан кар хьуниз ки­лигна, зани жуван тежрибада менфят къачузва, хейлинбуруз онлайн жуьреда медицинадин рекьяй куьмекар ганва», — лугьуз­ва Хизри Хизриева­.

Хизри Закирович Европадин урологрин ассоциациядин член я. 2015-йисуз ада урологиядин рекьяй Россиядин кьилин идара тир Москвадин Н.А.Лопаткинан тIва­р­у­нихъ галай урологиядин НИИ-да агалкьунралди ординатурани, 2018-йисуз ана профессор, Россиядин кьилин андрологрикай сад тир Е.А.Ефремован регьбервилик кваз аспирантурани куьтягьна. 2018-йисалай пешекар урологди Москвадин хсуси клиникайрикай сана кIва­лахзава.

Алай вахтунда ада «Мужское бесплодие при низком тестостероне» темадай илимдин макъалаяр кхьизва. Илимдинни ахтармишунрин институтдин пешекаррихъ галаз санал ада урологиядиз ва итимрин сагъламвилиз талукь илимдин гзаф кьадар ахтармишунар кьиле тухузва.

Интернетда: («Честная урология» тIвар алаз YouTube-ка­нални кардик кутунва. Ана Хизриди жуьреба-жуьре азаррикай ихтилатзава, инсанар чпин гьалдин гъавурда акьун па­тал­ тежрибадин меслятарни гузва­.

Жегьил пешекарди цIи диссертация хуьн лазим я. Къуй ам мадни еке дережайрив агакьрай!

Куругъли Ферзалиев, «Лезги газет»






Loading...

Ниже приведены схожие материалы:

Похожие новости по теме:

Категория: Лезгины в России | Просмотров: 1035 | Добавил: LezGiYar | В материале упоминаются: Куругъли Ферзалиев, Хизри Хизриев

Оставьте свой комментарий!
avatar