Статистика Форума
Обновленные темы
Популярные темы
Активные лезгияр
Новые пользователи
Кино какое п... Ответов [ 16 ]
Шиирар Ответов [ 245 ]
Статьи на ак... Ответов [ 38 ]
Выдающиеся л... Ответов [ 41 ]
Музыкальное ... Ответов [ 200 ]
Вопросы-отве... Ответов [ 1154 ]
Анекдоты Ответов [ 383 ]
Загадка-Логи... Ответов [ 355 ]
Красивые кар... Ответов [ 331 ]
Без гласных Ответов [ 328 ]
Слезинка Постов [ 2616 ]
Лань@Админ Постов [ 664 ]
LezGiYar Постов [ 594 ]
Ярушк@ Постов [ 489 ]
Lek5 Постов [ 328 ]
Spartak09Дата [ 08.12.2016 ]
NannaДата [ 07.12.2016 ]
AlpangirlДата [ 07.12.2016 ]
liaДата [ 03.12.2016 ]
ШахбановДата [ 02.12.2016 ]
Новые сообщения · Участники · Правила форума · Поиск · RSS
Страница 9 из 9«12789
Модератор форума: ДозаСчастьЯ, Ярушк@ 
Форум ЛезгиЯр » Общий форум » Жуван чlалал » Шиирар
Шиирар
 
Сообщение 03.04.2015, 19:01
Сообщение #241


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Дегиш хьанва дуьнья михьизВладик Батманов
  • Папа хьрак фу чразмач,
    Йифериз гьич гам хразмач,
    Кьеб  эч1ягъиз свас аквазмач,
    Дегиш хьанва дуьнья михьиз
    Гьич регъуьвал амач чиниз.

    Ришветрихъни авач кьадар,
    Пул гвачирдаз дуьнья я дар,
    Фасикьрини ийиз кп1ар,
    Дегиш хьанва дуьнья михьиз
    Гьич регъуьвал амач чиниз.

    Катзава эл к1валахдикай, 
    Дуст кьунава дамахдикай,
    "Фекьи" хьанва алчахдикай,
    Дегиш хьанва дуьнья михьиз,
    Гьич регъуьвал амач чиниз.

    Лап "акьуллу" хьанва жегьил,
    Кьац1ай кардик  кутазмач гъил.
    Мехъерини авач тум-кьил,
    Дегиш хьанва дуьнья михьиз,
    Гьич регъуьвал амач чиниз.

    Чи жегьилар гьатнава хъваз,
    Дустар галаз йифди ч1угваз,
    Дидедин гьал ава ц1раз,
    Дегиш хьанва дуьнья михьиз,
    Гьич регъуьвал амач чиниз.

    Кьей, Владик, санал акъваз,
    Ша, жемир вун икьван рахаз.
    Вуч хьанват1а чизвачни ваз?
    Дегиш хьанва дуьнья михьиз,
    Гьич регъуьвал амач чиниз.

    Владик Батманов



--------------------
Сагърай Лезгияр!
Перейти в начало страницы
 
 
Сообщение 03.04.2015, 19:02
Сообщение #242


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Азизди...
Ильясов Камалдин

Ви шикил за кьурла гъиле,
Ракъинин нур гьатна виле,
Михьи ният гьатна рикlе,
Чан вилериз, хуш  азизди.

Рушарикай иер-гуьрчег ,
Мез ширин я, рахун керчек.
Вун такуна, рикl яз гьелек
Тежез ама буш, азизди.

Ви сивелай хъвер бахша заз,
Яр лагьана, тагана наз.
Цуьк хьиз хуьда хатур тахаз
Муьгьуббатдин къуш, азизди.

Вилериз тек вун аквазва,
Ширин мецел вав рахазва,
Ахварай заз чун аквазва,
Зи рикlиз я, нуш азизди.

Къазуна хур гуда рикl ваз,
Кlанивал чи, жеда зурбаз,
Варз жеда вун, Камалдиназ,
Хъартасхуьруьн руш азизди


--------------------
Сагърай Лезгияр!
Перейти в начало страницы
 
 
Сообщение 03.04.2015, 19:14
Сообщение #243


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Заз хайи югъ мубарака диде чан

Зарина Мустафаева

Хайи югъ зи мукьвал ала диде чан
зун атана  сурал ала диде чан
Къарагъа вун ацукьа т\ун суфрадихъ
Мубарака хайи югъ ви баладиз!

Т\уб-т\уб накъвар авахьзава вилерлай
Гьисаб кьурт\а дерин жеда гьуьлерлай
Кам ягъна зун фидайди туш гелерлай
Къарагъ диде мубарак заз хайи югъ!

Къад яшар зи тамам хьанва къенин къуз
Зун лагьайт\а амазма хьи куз хъкъуз
Амукьна мад хьана сефилни  ажуз
Къарагъ диде лагь са гаф ви баладиз!

Зун ви бала икьван хьайила ялгъуз
Къекъвезва зун кьил авуна лап агъуз
Ширин диде ваз минет я къарагъа
Са келима на баладиз гьарагъа!

Шад межлисар мелер хьуй куь к\валера
Сивелни хъвер звер хьурай куь к\вачера
Герек хьайла заз гьамиша эвера
Бахтар даим аваз хьурай рик\ера
ДИДЕЯРНИ АЛАЗ ХЬУЙ ЧИ КЬИЛЕРАЛ!!!!


--------------------
Сагърай Лезгияр!
Перейти в начало страницы
 
 
Сообщение 13.06.2015, 17:22
Сообщение #244


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Владик Батманов
Чуьнуьх жедач муьгьуьббат
Некьи хьтин ви п1узариз
Темен гай югъ сувар я заз.
Жемир артух вун гафарриз
Ви рик1икай хабар я заз.

Пак муьгьуьббат рик1е авай
Чуьнуьх ийиз жедач яргъал.
Вун акъайдач гъиле авай
Чи ашкъидин кьат1 тахьуй гъал.

Ваз кхьизвай шиирар зи
Шуьткьвен тийир цуьквер я,руш.
Владиказ к1анивал ви
Рик1ин са пай,вилер я, руш.


--------------------
Сагърай Лезгияр!
Перейти в начало страницы
 
 
Сообщение 24.09.2016, 21:52
Сообщение #245


Ц1ийи кас
Группа: ЛезгиЯр
Сообщений: 1
Регистрация: 24.09.2016
Из: Российская Федерация
Пользователь №: 1911
Отсутствует

 
Просьба нашедшего полный текст стихотворения выложить здесь или редактировать  
Заранее благодарен))). Такс взят из газеты 2006-2007 годов выска "Лезги газет" (по моему) 
Запарился набирать )))

 Хциз .... ( или Веси .... ???)
 

1

Уьмуьр са кIунчI я гьар ......... (текст утерян) 
Амма а кIунчI кьаз чир хьана кIанда, хва.
Вун илчи я адан четин ркьерин, 
Ви рекьел бахт гъиз чир хьана кIанда, хва. 
2
Бахтсузвал я яшамиш хьун дуьньяда 
Уьмуьрдихъ са тайин метлеб авачиз.
Кхунмир, хва, гаф лагьайла чарада, 
Ркгъуьн гъетIгъетI хьиз рахамир алачиз. 
3. 
Ажалдихъай кичIе жемир садрани, 
Акатдач, хва, гуьлле, викIегь хьайитIа. 
Ватан патал женг чIугун я зурба бахт, 
Несилри тIвар хуьда ви, хва, кьейитIа. 
4. 
Сят къанлу я гьисабзавай уьмур ви, 
Буш фейи югъ уьмуьрдикай кьамир, хва. 
Жув чирагъ хьухь уьмуьр патал девирдин, 
Гьич жувакай масдан кефи хамир, хва.
5. 
Тарцин къимет ийиз жеда гьар зулуз, 
Килигайла ада гъайи бегъердиз. 
Хва, ви санни акваз жеда гьар юкъуз, 
Килигайла на кьил хуьзвай тегьердиз. 
6.
Яшайишда вуна гъалатI авуртIа, 
Несилрал гел тада, хва, ви гъалатIди, 
Алчах касдихъ ви ажузвал акуртIа, 
Шадвал ийиз алахъда а ламатди. 
7.  
Лацу гъилер буш жибинда хвейитIа, 
Гьелбетда вун и девирдин инсан туш. 
ПIапIрус чIугваз, ичкидиз худ гайитIа, 
Вун ява я, явакьанвал хъсан туш. 
8. 
Бубайрин са мисал мад на рикIел гъваш - 
"Хва, зи никIихъ къизилар ква!" - лугьудай. 
Гьар са мисал ви уьмуьрдин рекьел гъваш, 
Жув инсан хьухь валай чешне къачудай. 
9. 
Зегьмет чIугун гьар са касдин буржи я, 
На цайиди вуна гуьнни хъийида. 
Им бубайри рухвайриз тур веси я - 
Хъсан касдиз халкьди гьуьрмет ийида. 
10. 
Эгер, хва, на бегьерлу багъ кутуртIа, 
Адан бегьер винни халкьдин девлет я. 
Ватан патал гьикьван зегьмет чIугуртIа, 
Уьмуьрда ваз куьтягь тежер девлет я. 
11.  
Чарадалай фитне ийиз тахьуй, хва, 
А фитнеди яд чимда ви кьилизни. 
Куьне хирер дегьне хъийиз тахьуй, хва, 
Эхир са къуз тIар жеда ви рикIизни. 
12. 
Жуван кIвалах гьар къуз вилик чIугу, хва, 
Чара касдал гьич пехилвал гъиз тахьуй. 
Мерд касдилай вуна чешне къачу, хва, 
Ваз ша талгьай межлисдиз вун физ тахьуй. 
13. 14. (куплеты утеряны)  
15.

КIвализ мугьман атайла хва, ... (последнее слово не читаемо)
Мугьман кIвалин берекат я лугьуда. 
Гьич хизандив вун къал алаз рахамир, 
Веледрини валай ибрет къачуда.
16.
Къараткен кьецIил гъиле кьаз тахьуй, 
КIвач гадра, хва, на ви къулаз килигна. 
Кандуда гар, бармакда зар тваз тахьуй, 
ЦIил храмир ктIай кьатIар гилигна. 

Конец.


--------------------
Перейти в начало страницы
 
 
Сообщение 11.11.2016, 21:08
Сообщение #246


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Гьайиф, Диде куьзуь жез...
Владик Батманов

Сагъ тежер хер авазва хьи зи чанда,
Кьуьзуь жезвай Диде акваз пашманда,
Ам амукьна кIан я кIвале, ватанда
Гьайиф, гьайиф къе зи Диде кьуьзуь жез
Адан чIулав,яргъи чIарар рехи жез…

Зи мехъер югъ акурай ваз чан Диде,
Ви тостунин ван гьат хьурай чи хъуьре,
Эхь, амукьда ви акунар чи рикIе
Гьайиф, гьайиф къе зи Диде кьуьзуь жез
Адан чIулав,яргъи чIарар рехи жез…

Диде…Валай мукьва касни заз авач,
Вун хьиз ширин гьич са инсан зав рахач,
Ви хьиз рикIел зун саданни гьич алач
Гьайиф, гьайиф къе зи Диде кьуьзуь жез…
Адан чlулав, яргъи чlарар рехи жез.

Аял чIавуз вичин чими къужахда
Чун ксуриз хьанай Диде кIвалахда.
За Дидедал гьамишанда дамахда,
Гьайиф, гьайиф къе зи Диде кьуьзуь жез
Адан чIулав, яргъи чIарар рехи жез.

Яхц1ур йисав агакьнава яшар ви,
Физва уьмуьр рехи жезва ч1арар ви,
За гьамиша хуьда рик1е пак т1вар ви,
Гьайиф,гьайиф къе зи Диде кьуьзуь жез
Адан ч1улав,яргъи ч1арар рехи жез.

Владиказ кIанда Диде нефес хьиз
Багъда авай билбилдиз хупI гьевес хьиз..


--------------------
Сагърай Лезгияр!
Перейти в начало страницы
 
Форум ЛезгиЯр » Общий форум » Жуван чlалал » Шиирар
Страница 9 из 9«12789
Поиск: