Статистика Форума
Обновленные темы
Популярные темы
Активные лезгияр
Новые пользователи
Уроки лезгин... Ответов [ 69 ]
Кино какое п... Ответов [ 16 ]
Шиирар Ответов [ 245 ]
Статьи на ак... Ответов [ 38 ]
Выдающиеся л... Ответов [ 41 ]
Вопросы-отве... Ответов [ 1154 ]
Анекдоты Ответов [ 383 ]
Загадка-Логи... Ответов [ 355 ]
Красивые кар... Ответов [ 331 ]
Без гласных Ответов [ 328 ]
Слезинка Постов [ 2616 ]
Лань@Админ Постов [ 664 ]
LezGiYar Постов [ 594 ]
Ярушк@ Постов [ 489 ]
Lek5 Постов [ 328 ]
АзаевДата [ 08.12.2016 ]
Spartak09Дата [ 08.12.2016 ]
NannaДата [ 07.12.2016 ]
AlpangirlДата [ 07.12.2016 ]
liaДата [ 03.12.2016 ]
Новые сообщения · Участники · Правила форума · Поиск · RSS
Страница 7 из 9«1256789»
Модератор форума: ДозаСчастьЯ, Ярушк@ 
Форум ЛезгиЯр » Общий форум » Жуван чlалал » Шиирар
Шиирар
 
Сообщение 28.04.2013, 21:29
Сообщение #181


Ц1ийи кас
Группа: ЛезгиЯр
Сообщений: 7
Регистрация: 25.04.2013
Из: Азербайджан
Пользователь №: 924
Отсутствует

 
Пад жеда хьи

РикIе авай гафар лугьуз суза гана рикI пад жеда хьи.
Пара хьайтIа ихьтин дердер уьмуьрдин эхир фад жеда хьи.

Кар чизвачир, рехъ чизвачир, кула кьунвай пар чизвачир,
ЧIуру ксарин рекьин юкьвал чIуру фикирар къад жеда хьи.

Мерд инсанриз терс элкъвена дуьнядин чархар бахт чуру я,
ЛаматIариз цигел хьайи язухдин уьмуьр хад жеда хьи.

Виш авайдаз виш тIал жеда пулини дердер кьезиларда,
Чарх элкъвена са дерд хьайтIа кесибдин йигар дад жеда хьи.

Какур рекъяй фад фидайбур, эхир элкъвена рехъ квадарда,
Рехъ чин тийиз вич квадарна, рикIе авайбур яд жеда хьи.

Уьмуьрдин сир чир хьанайтIа дердиниз дарман жагъурдачир,
Амачирдаз фикир чIуриз рикI чанда авай сад жеда хьи.

Лагь кван вуна вуч ийин за иман амачир заманадиз,
Гьар са кIвалах туьквей чIавуз Сарханан рикI шад жеда хьи.

Сархан Ярагьмедов


--------------------
Перейти в начало страницы
 
 
Сообщение 29.04.2013, 07:02
Сообщение #182


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
браво, браво))) хорошее стихотворение)))


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 29.04.2013, 13:34
Сообщение #183


Ц1ийи кас
Группа: ЛезгиЯр
Сообщений: 7
Регистрация: 25.04.2013
Из: Азербайджан
Пользователь №: 924
Отсутствует

 
Чуькьуьзва зун

Инсанарин уьмуьр фани, сал авуна дуьнья гъвечIи,
Чуькьуьзва зун и уьмуьрди, кьуд цал я заз дуьнья мичIи,
Зулумди заз гъил яргъийиз, хуш хиялрин бахтар ичIи,
Я инсанар рекъе физвач, яни и зун рехъ физавач.

Гьар са жуьре чин алайбур, гзаф акуна уьмуьрда заз,
Парабуру гьахъ гвадарна, фуак вичин гьарам кутаз,
Инсанвални кьенва гила, сур жагъизмач кучудиз к1анз,
Я заз жуваз жагъиз авач, яни мад жагъур жезавач.

Секин хьана рикIин хиял, я рахадач, я фикирдач,
Уьмуьрни къвазна са чкадал, кIвач къачуна вилик фидач,
Къвезвай уьмуьр пешкеш гуда, алатай йикъар жагъидач,
Я зун рагьат ийизавач, яни мад чанхуькезавач.

Сархан Ярагьмедов


--------------------
Перейти в начало страницы
 
 
Сообщение 07.05.2013, 19:12
Сообщение #184


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
«Диде, кIвал ва чуьнгуьр»

Йисар физва уьмуьрдин,
ВацIай яд хьиз, хабарсуз.
Эй, бахтавар жегьилвал,
Тазва на зун куз-хъукъуз.

Акурла махпур хьтин
Шалбуз дагъдин тепеяр,
Яргъаз фида, гана лув,
Зи хиялрин лепеяр.

И дагъларин къужахда
ГъвечIи са хуьр ава, дуст.
Аскан кIвалин цлахъни
Седеф чуьнгуьр гала, дуст.

Садни ана кьил рехи
Дидеди рехъ хуьзва зи.
Им себеб яз, эй дустар,
Хиял кIвализ физва зи.

Диде, валай мегьрибан,
Къени инсан жедани?!
Лагь кван, дустар, дидедлай
КIани инсан жедани?!

Забит Ризванов


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 07.05.2013, 19:13
Сообщение #185


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Басня. ЦIицIни цегв. (Стрекоза и муравей)

ЦIицре, лугьуз манияр,
Гатун йикъар акъудна.
ХъуьтIуь адав бейхабар
Вичин къаяр агудна.
Мани къведан фикирдиз,
Мегер руфун ичIи яз!
Цекврен патав минетиз
Ам фена, дерт кIеви яз:
- Къунши, тамир гишила,
Рекьизва зун мекьила!
Гатфар алукьдалди тек
Хуьх вуна зун, це куьмек.
Цеквре адаз лагьана:
- Къунши, мягьтел я зун вал!
Гатуз на вуч кIвалахна?
- А чIавуз заз авай кар
Къацу векьел къугъун тир;
Хъуьрез, лугьуз манияр
Югъди кьуьлер авун тир.
- Агьан, гьам тир ви кеспи,
Лугьун гьамиша мани?
ЯтIа алад, на гила
Кьуьлер ая гишила.

И. Крылов


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 07.05.2013, 19:14
Сообщение #186


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Басня «Маймунни харат устIар».

Садра тама маймундиз
Пакаман са береда
Акуна: гъвар атIузвай,
Тахта ийиз, Агьмеда.

Са зур метри атIана,
КIун язавай хъиткьердиз.
Муькуь падни атIана -
Мад цIийи кIун а фердиз.

Гуьзетзавай чинеба
Маймунди кар харатдин:
Иеси жез кIан хьана
Адаз ихьтин сенятдин.

Агьмед гъвечIи геренда
Къайгъу аваз къекъечIна.
Маймун адан чка кьаз
Далдадикай хкечIна.

КIунар вири акъудна
Вири санлай, атана.
Агат хъувур хъиткьерда
Маймундин тум акIана.

Алакьнач тум хкудиз,
ЦIугъдай кьван туьд галатна.
КичIе хьана бегьемдиз,
Маймун гьалдай аватна.

Кьулухъ хтай Агьмедаз
Язух маймун акуна,
Тум рикIелай фидайвал
Адан дуван авуна…

Гьамзатан и хкетди
Гузва ихьтин насигьат:
ЭкечIдалди са кардик,
Чира адан гьакъикъат.

Гьамзат ЦIадаса


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 07.05.2013, 19:14
Сообщение #187


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Хайи манияр...

Хайи мани –халкьдин мани
Гьикьванни я вун чаз кIани!
Девиррилай гел хьиз амай
Лезгивилин кьел галамай!
Низ чидач вун «Перизада»?!
Мел-мехъерриз алатна ван
РикIерик гьикI лув кутада:
«Перизада, Перизада,
Перизада гьай гуьзел яр»
Кьурсар къунвай чи дамарда
Тамир вуна къай гуьзел яр..
Атурай кван «Пейкер баха»
Къалурдайвал чаз ярдин кIвал.
Ихтилатрай вичин заха
Секинаррай рикIевай тIал:
«Гъваш сумавар чайин чна
Дердер –гъамар пайин чна»…
Эвер гана гъин «Суна чан»,
Лугьурай чаз бендер хъсан!
Бес гьинава чи «Шагьсенем»?
Лугьуз мажал авач къелем,
Цуз ама жал ярдиз перем?
Фенва ви яр белки «Сувал»
Муьшкуьр патан файтунар гуз ?
Мулдин цуьквер туна къавал ,
Ярдин кIвале хьурай лугьуз …
Деринармир вуна дердер,
Шез амукьда «Магьи дилбер».
Ягь я устар «Лирик мани»,
Къуй шад хьурай «Мулейлини»,
Икърар чIурай «Алагуьзлуь» ,
Ахъа хьуй ви гуьгьул куьлуь,
МичIи тахьуй дуьня экуь !
Хтурай гьам «Лачинан хва»
Буругъдай нафт акъудзавай,
«Зугьре ханум» лугьуз хьурай:
«Я гада» вун нин гада я
Чар кхьидай къелем хьтин?
Ихтилатрай «Ширин –ширин»:
На къизилдин хад твах гада,
ТухузватIа фад твах гада!
«Кьакьан дагълар» мад кьакьан хьуй,
«Билдирханар» иниз хтуй.
Лугьуз къулухъ акъвазмир вун:
Паласада ама «Тайгъун» -
Яхъ са чуьнгуьр, ягь «Абдуллагь»,
Манидалди саламар лагь !
Акурла куьн вири санал
Шад жедачни Далагь Билал?
Зани кхьин мани квекай
ЦIрадайвал ругьера къай!

Билал Адилов


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 09.05.2013, 21:57
Сообщение #188


Ц1ийи кас
Группа: ЛезгиЯр
Сообщений: 1
Регистрация: 09.05.2013
Из: Российская Федерация
Пользователь №: 942
Отсутствует

 
Байрам Лезги(Фарзалиев)
(шуточное стихотворение)

Диде къари кучеяр экъвез,
Гьар кlвачагъ са гирвенка къвез,
Тlэкъвей йифиз кlуьд кlвал экъвез.
Хьупl ярашухь хьана ,диде,
Ирид йигъ кlувализ тlахьтlана,диде.

Диде къари мукьал-мукьал,
Гъиле къуна нисид ккал,
Хуьре тlэкъвей тадач са кlвал.
Хьупl ярашухь хьана ,диде,
Ирид йигъ кlувализ тlахьтlана,диде.

Алагуьз баде хьана масан,
Умажуртlан(и) туна тlасан(а),
Квач лугьуз вичик нухьсан.
Хьупl ярашухь хьана ,диде,
Ирид йигъ кlувализ тlахьтlана,диде.


--------------------
Перейти в начало страницы
 
 
Сообщение 10.05.2013, 14:44
Сообщение #189


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Прощанье (М.Ю.Лермонтов)

-Жегьил лезги, хъфимир вун ватандиз,
Вучиз гала къалабулух ви рикIик?
Дагъдава циф, тади фенва балкIандиз
И патар хуш я ваз, секин са кIвал хьиз,
Зазни я вун кIани гьикI!

Фенани бес гьакI ракъинин гелеваз,
Женнет хьтин, кьве йифен хуш байихар;
Кесиб я зун: авач савкьат гудай ваз,
Амма ихьтин ругь халикьди ганва заз,
Гьа ви ругьдиз тир ухшар.

Серин юкъуз атанай вун и патаз;
Кьежей кавал, гъам квахьзавай са чин гваз;
Бегем икьван рагъ кIани тир чIавуз заз,
Ваз хуш яни, гьар гьамиша мичIер тваз
Сефилвал гъин и йикъаз?

Килиг вуна, кьуд пад кьуна ава сув,
Кьакьанвилив саки винел къведай хьиз;
Ракъин нурар кулар адан ярашугъ;
Азад я чун; вучиз хиял, гана лув,
Физва чара уьлкведиз?

Ватан я чил , аватIа чаз муьгьуббат;
Чалахъ хьухь ша , гуьзетдач вун дигеда,
Хъуьруьн галай вилиз амач а ният.
Гьич тахьайтIа, амукьа са югъ, сят
Яб це вуна! Легьзеда!

-Авач заз гьич я ватан, я дустарни,
БалкIандилай, хенжелдилай са чара;
Бахтавар я зун акваз ви къастарни,
Амма зун таз, авахьзавай накъварни
Ажуз я гьикI инара.

Руьгь патахъна ивидал за кьин къуна,
Шумудни йис и къайдада квахьна кьил,
Душмандилай кьисас къахчун тавуна ,
Гьич лугьудач зи пIузарри : кIан хьана.
Им ваз жаваб: къачу гъил.

Б. Адилов


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 10.05.2013, 23:13
Сообщение #190


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
ВЕСИ

Майрудин Бабаханов

Лугьуз жедач, кьейитIани денбеден,
Жуван веси виликамаз тазва за:
Хайи чилиз къурбанд хьурай зи беден,
Руьгьни хайи халкьдиз хиве кьазва за.

Сад тир хциз амукьрай зи къени тIвар,
Рушаризни – шиирравай цIун ялав,
КIани ярдиз, тахьуй вичин рикIиз тIар,
Весият я – сурун чка зи къвалав.

Дустариз за тазва рикIел хкунар
Кеферикай, чна санал чIугур кьван.
Душманризни – пехилвилин рахунар,
Рушарикай зи къужахда акур кьван.

Хъвадайбуруз – гьар жуьре туьнт чехирар,
Дишегьлийриз – кьил элкъуьрдай атирар!
МетIел кьадай хтуларни - бубайриз,
Чеб ва чпиз кIани сусар – субайриз!

Чубарукар багъиш хьурай гатфариз,
Зулуз – цифер, хъуьтIуьз – живер къалин тир.
Бул бегьерар - гатун адлу марфариз,
Гьар стIалдиз - вичихъ цIигел къуьлуьн цIир.

Ракъиниз - чиг, рюмкайраваз цуькверин,
Тарариз – бахт, сегьне жедай нуькIверин!
Цавуз – гъетер, цавар тирвал чкIана,
Булахриз – яд, чIутхваррай къвез ацIана.

…Жувахъ икьван затIар авай дуьньядай,
Ахмакь яни, зун вучиз фад хъфирай?
Са виш йисуз мадни камар хъияда,
Весияр къуй зи душманри кхьирай.
©




--------------------
Перейти в начало страницы
 
 
Сообщение 14.05.2013, 18:26
Сообщение #191


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
ЛЕЗГИНСКИХ ЖЕНЩИН ИМЕНА…
Наедине, в тиши, я тайно
Сквозь полушёпот музы сна
Произношу благоговейно
Лезгинских женщин имена…

Века смешали беспощадно
Холсты народные времён.
Кого судить в борьбе нещадной
За обезличенность имён?..

О, мой язык народа древний!
В истоках слов – следы огней,
В судьбе аулов и селений –
Судьба загробная камней.

И всё ж, в тиши ночной я тайно,
С душой расцветшей, как весна,
Произношу благоговейно
Лезгинских женщин имена… автор: Фахреддин Оруджев


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 14.05.2013, 18:32
Сообщение #192


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 

ЛЕЗГИНКА

Я знаю: от древней албанки
Гордая поступь у ней,
Строгая нежность осанки,
Взлёт острокрылых бровей.

В говоре – отзвуки мифов,
Отблески предков - в очах.
Ордам сарматов и скифов –
Недостижима в горах.

И кто только алчущим взглядом
Тобой насладиться б не рад:
И дикий кочевник с отрядом,
И тюрок, и перс, и араб.

И всё ж на полотнах истории
Гордость албанки – у ней.
Выдумки ж недругов спорные –
Будто налёт и елей. автор: Фахреддин Оруджев


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 14.05.2013, 18:34
Сообщение #193


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
МАТЕРИ

Шорох листьев пустынного сада
И тоскливый молебен морской…
Ночью мне сквозь бессонниц прохладу
Колыбельную, что ли, напой.

Здесь чужое мне всё, незнакомое,-
Показная фальшивая муть…
Ты шепни мне родная, далёкая,
Как былую наивность вернуть.

Помоги, когда друг отвернётся,
Когда воет с надрывом душа,
А прохожий с чего-то смеётся,
Будто недруг, угаром дыша…

Фахреддин Оруджев


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 19.05.2013, 20:57
Сообщение #194


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Эхир гаф

АцIанавай чи хуьруьн ким,
Атана фир дуьнья я им.
Зи гафаркай татуй квез хъел,
Чун алайд я вири рекьел.

Сува фена зи къар, варцар,
Зав рахана нуцIар, гъуцар.
Чилерин кьил чир хьанач заз,
Цавар вичин сир ганач заз.

Тапрукь Менди алцурайд я,
Ракъин цIарар элкъуьрайд я.
Азиз урд я цIай-лапанд ван,
Вине къурд я Ватан жуван.

Чка тайла кьурд я яракь,
Мягькемвилиз хьайд я чан ракь.
КукIарайд я ягъи михьиз,
Къирмишайд я лап чIуьтер хьиз.

Акурд я заз канвай хуьрер,
АцIайд я зи видив вилер.
Гилани зи атIанвач агь,
Гьунарин ким гьинватIа лагь.

РакъурнатIан за уьмьур икI,
ВикIегьзама мазанан рикI.
Хайи хьантIан зи чандиз чил,
Сарахъ къведа зи эхир кьил.

Килиг куьне заз хтулар,
Япара тур чан штулар,
Зи руьгьдин муг хьайитIан цава,
Зи гьахъ рекьел куьн алама.

Куь рикIер гьич тахьуй пашман,
АкъатайтIан зи тандай чан.
Ял акIана кьейтIа Далагь,
Куь арадай фейтIа Далагь.

СтIур Далагь



--------------------
Перейти в начало страницы
 
 
Сообщение 19.05.2013, 21:17
Сообщение #195


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Лезгистан

Зи патав вун инкъилаблин,
Яру эквер гваз атана.
Чирун патал цIийи уьмуьр,
Зи назик гъил кьаз атана.
Гьич садрани заз ван тахьай,
Илим кьиле тваз атана.

Хважамжамдин рангаривди,
Безетмишна къужахар зи.
Шуьрбет цана ацIурна на
Гьич яд такур булахар зи.
Алахъна вун хкажиз мад,
Зи яшайиш,кIвалахар зи.

Вун себеб яз зун уьмуьрдин,
Зи кьисметдин иес хьана.
Хайи халкьдив рахун патал,
Захъ дилавар тир мез хьана.
Гьахъни нагьахъ алцумзавай
РикIикай зи терез хьана.

Азиз дагълар,зи Лезгистан,
Вунни хайи диде я заз.
Ви тIвар кьаз за хкажда кьил,
Къадир-гьуьрмет вине я заз.
Вавай къачуз илгам михьи,
Мани кхьин пеше я заз.

Хкем Джамалдин




--------------------
Перейти в начало страницы
 
 
Сообщение 19.05.2013, 21:20
Сообщение #196


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Лезги чIал

Лезги чIала сесер ава ширинбур,
Авазар яз алахьда ви мецелай.
КIанивилин кьин хьиз, мана деринбур,
Дидед нек хьиз, алат тийир рикIелай.

А сесерихъ къуват ава ажаиб,
Чим хьана вун живе хьтин хкаждай.
А сесерихъ къуват ава ажаиб,
Мекь хьана, вун векь хьиз таза акIаждай.

Тажублу я сесер лезги гафарин:
Наши касдиз - кьас тежедай къелеяр.
Дуст паталди къизилгуьлрин кIунчIар я,
Душман патал - къайи, залан гуьллеяр.

Лезги сесер гьинай къвезва? Яб це на
Рагукай къван аватдайла дерейриз.
Самур вацIун ширин лайлай йифериз
Хкаж жерла кьилихъ галай гуьнейриз.

Лезги сесер къвезва дагъдин булахрай,
Рекьин тийиз, рагъул тежез авахьир.
Лезги зуьрне рахада хупI дамахдал,
Гагь марф хьана, гагь хъвер хьана алахьир.

Лезги сесер дидеди заз багъишна
Сифте мани лагьайла зи кьепIинихъ.
Лезги сесер, за квез бахшда рикI жуван,
ГьикI бахшнатIа Саидани Эмина.


Мердали Жалилов



--------------------
Перейти в начало страницы
 
 
Сообщение 19.05.2013, 21:54
Сообщение #197


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Зи КцIар

Кьуд пад тамар дамар-дамар,
Серин кIамар, саки гамар.
Кьилихъ- кьилер рехи дагълар,
Ценер - вири къацу багълар,
Деред сиве цуьк я КцIар.

Сатин хьтин вили цава
Атирдин ни, секин гьава.
Шагьнабатдин ширин аваз
Йифиз-юкъуз япараваз.
Цуьквед сиве чиг я КцIар.

Мугьман кIани, ният къени
Мад гьа ихьтин шегьер женни?!
Агъзур пата кIанид авай,
Къарабулах манидавай
Зи ван, зи чан, рикI я КцIар.

Мад сеферда ахъайна вил,
Фагьумна за дагъ, дере, гьуьл.
Цавун чердин хунча яз чил,
Гуьрчегвилел гьейран я зун.
Герчеквилел гьейран я зун.

Чилин винел, цавун кIаник,
Каспид къуьнел, Шагьдин гиник
Са район ква, саки са цуьк,
Вич теквилел гьейран я зун,
Гуьрчегвилел гьейран я зун.

Са кьил дагъ я, са кьил аран,
Беден багъ я, вич экв Яран.
Юкь чи рагъ яз Суван, Ларан,
ТIвар я адан КцIар район;
Герчеквилел гьейран я зун.

Ина дагъдин багъман я рагъ,
Ина багъдин Лукьман я рагъ.
Инаг ам вич авай саягъ
Район тушиз женнет я кьван,
Дагълар адан зинет я кьван.

Ина цуьк я чуьлдин лифер,
Ина чиг я кьиблен кефер…
Инаг, йиф яз йикъан кефер.
Вич гуьзелдин суьрет я кьван.

Ина кьакьан дагълар гуьзел…
Ина йикъан багълар гуьзел…
Инаг чил я халкьар гуьзел…
Гуьзелвилин рикI я КцIар,
Вич са гъвечи цуьк я КцIар.

Мад сеферда рамна къелем,
Фагьумна за вири алем.
КцIар хьтин гуьзел, бегьем
Гьич са чилни акунач заз.
Гьич са чуьлни акунач заз.

Бейкеф тахьуй Азербайжан,
ГьакIни чIехи къадир Ватан.
Къведни рикIиз ятIани кIан,
КцIар вилин нине я зи.
КцIар хайи бине я зи.

Чилин винел, цавун каник,
Гьуьлун къуьнел, дагъдин гиник
Са район ква- саки са цуьк.
ТIвар я адан КцIар район.
Герчеквилел гьейран я зун.

КцIар - зи рикI, КцIар - зи чан.
КцIар - зи цуьк, КцIар - зи ван.
Даим жаван КцIар жуван
Гуьзел хьунал гьейран я зун.
Гуьзелвилин къурбан я зун.


Лезги Нямет



--------------------
Перейти в начало страницы
 
 
Сообщение 20.05.2013, 09:43
Сообщение #198


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
Зи хиялар физва яргъаз

Зи хиялар физва яргъаз, аквазва заз Лезги чил!
Вили Каспи, кьакьан синер, рехи жезвай цlвелер Ви!
Вун гьинава, зи кlаниди, вил хьанва зи пара вахъ!
Це заз жаваб, жемир яргъа, датlана вил ала Вал!

Дарих тир зун, яргъи йифди ахвар хьанач заз,
Ви къаматди, Ви шикилди кьарай ганач заз.
Ифей пlузар зурзазавай Ви тlвар кьадайла,
Чlулав вилер кьежизавай на гьай талгьайла.
Мад са залум йиф алатна Вун рикlе аваз,
Экуьн гарун къужахдава зун куьцуьган гваз.


--------------------
Если Аллах со мной, какая разница, кто против меня?
Перейти в начало страницы
 
[Прикрепленный файл 4037067.jpg(396Kb) ]
 
Сообщение 25.05.2013, 15:59
Сообщение #199


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Зи шиирар

Зи шиирар кIел тавурай алчахри,
Гьабур патал йифен ахвар ханач за,
ЦIай кутуна хура авай чахмахри,
Жегьил уьмуьр гьабур патал канач за.

Гьабур патал экъечIнач зун майдандиз,
Гьар сеферда кIудиз рикIин дапIарар.
Шиирралди къуллугъна за ватандиз,
Яру хьана ифидалди дамарар.

Четин тирла, кьил кIевера акIайла,
Лагьанач за,- Багъри ери такIанда.
Къекъвенач зун гъейри къулай чкайрихъ,
Кесибвална жуван кесиб ватанда.

Зи шиирар кIел тавурай ажузри,
КIелайтIани, бажагьат чеб шад жеда:
Тади гана зи сергьятсуз ажугъди,
Валлагь, чпин гъвечIи рикIер пад жеда.

Темягь фена, чими ийиз агатай,
Куда абур зи ашкъидин цIаяри.
Къерех хьурай, квахьна санихъ алатрай,
Бахтикъара тавурай чеб гьавая.

Зи шиирар кIел тавурай авамри,
И дуьньядин писни хъсан такунвай.
Келле буш яз, мекер расиз, цIалцIамриз,
Уьмуьрдин тек шад терефдихъ агъунвай.

Зи чIаларал гагь хина, гагь кьел ала,
Гагь вирт я, гагь туршивал гва къвакъварин,
Зи чIаларал чIур тежедай гел ала
Зи ширин дуст Шабатован накъварин.
Зи шиирар кIел тавурай хаинри-
Беденда бунт къарагъарда ивиди,
Гьелекда чеб гьар сеферда ифинри,
РикIел хкиз ватан маса гайиди.

Зи чIаларихъ ни гала зи ватандин,
Зи чIаларал хайи чилин ад ала,
Зи чIаларал, кIантIа хьуй чеб гьулдандин,
Гьар душмандин хур къазундай яд ала.

Къизилар хьиз, акъудзавач чувалрай,
Кхьизва за гафар рикIяй къведайвал.
Зи шиирар кIелрай анжах кьегьалри,
Хайи чилин къаравулар жедайвал.

Майрудин Бабаханов©


--------------------
Перейти в начало страницы
 
 
Сообщение 26.05.2013, 13:10
Сообщение #200


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
Цитата (Слезинка)
Кесибвална жуван кесиб ватанда.

МашаАллагь, пара хъсан шиъир я!!!


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 05.06.2013, 15:39
Сообщение #201


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Алакьнач

Мурадарив агакьайла жаванар,
Югъ куьруь йиз кlан хьана заз, алакьнач.
Жанавурни са-садав туькlуьрна,
Кьвед санал хуьз кlан хьана заз, алакьнач.
Дуьняд нямет виридаз пай авуна,
Ажуз, къудуз са-садаз тай авуна,
Етим авай кумада цlай авуна,
Рагъ мукьув гъиз кlан хьана заз, алакьнач.

Вучиз хьана и гишинбур, яванар?
Сад Аллагьдив авуна за дуванар.
Дуьня туна суруз физвай жаванар,
Рекьинкай хуьз кlан хьана заз, алакьнач.
Вучиз дуьня икl са-садак какахьна,
Етимарин дердер-гъамар алахьна.
Агакьнавай къуьлуьн никlер акахьна.
Вахтунда гуьз кlан хьана заз, алакьнач.

Кьакьан дагъдиз тамашзавай тепедиз,
Куьлгедик квай гардан шуькlуь цуькведиз,
Вичелай фад бала кьейи дидедиз,
Шиир кхьиз кlан хьана заз, алакьнач.

Алимурад СтIурви


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 05.06.2013, 15:40
Сообщение #202


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
Я зун

Къваз тавуна йифиз-юкъуз авахьна,
Мурадарив агакь тавур яд я зун.
Зун тахьайтlа зун хьиз кайид амукьдач,
Дуьнядилай финиз гьеле фад я зун.
Фелекди зун зелилбуруз юлдашна,
Дуьняди заз душманвилив тамашна.
Берекатар гарар-марфар тарашна,
Агакьнаваз кlватl тахьай са гад я зун.

Писвал авун хъсанвилиз жаваб я,
Садаз гунагь, садаз и рехъ суваб я.
Дуьняд крар сад дуьз ятlа, вад таб я,
Зазни чидач дуьняда квел шад я зун.
Фелекди заз дуьня гана, пай ганач,
Гьарайна за- дустарини гьай ганач.
Зи гъилевай муьгьуьббат заз тай хьанач,
Муьгьуьббатди етим авур сад я зун.

Бахтарикай сад якьуна, вад квахьай,
Уьмуьрдикай са югъ, са йиф шад тахьай,
Дердерикай виш чуьнуьхна сад кхьай
Гагь Сизиф я, гагь Алимурад я зун...

Алимурад СтIурви


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 15.06.2013, 13:33
Сообщение #203


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Ахъайна за рикIин сир...

Билал Адилов
Ваз кIанивал икьван къизгъи цIай галай,
АкI хьанай  заз, вилерай чир  жедай  хьиз.
Низ чидай хьи, къведа са кьуьд къай галай,
Маргъал ягъаз  ашкъи  авай зи рикIиз…

Вал чепелукь  шемдал хьиз элкъведай,
Байихначни бухахдал гьейран вуна?
Гьар акурла  кIвач алтадиз къекъведай,
Чара тежез вун хьтин  жейран туна.

Ви гьар са гаф жавагьир хьиз азиз тир,
Тух жедачир  гафаривай а  верци,
Геж  ят1ани,ахъайна  за  рикIин сир,
Лугьумир на, зари  я ман сив херци...


--------------------
Сагърай Лезгияр!
Перейти в начало страницы
 
 
Сообщение 15.06.2013, 21:16
Сообщение #204


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Ватан,агъзур сеферда,
Ваз баркалла,хъсанди!
Чаз чи хайи диде кьван
Играмиди,масанди!

Етим жеда иридра
Инсан,диде кьейила ,
Ц1удра етим жеда ам,
Вавай яргъа хьайила.


--------------------
Сагърай Лезгияр!
Перейти в начало страницы
 
 
Сообщение 20.06.2013, 16:58
Сообщение #205


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
автор: Аташов Тачир МЕХЪЕР Я ХУЬРЕ.

Вуч иер я гатун бере.
Уях хьанва кье чи дере.
Алатна ван далдам - зуьрне.
Къенин юкъуз мехъер я хуьре.

Котхьанава хуьр са гъенел.
Хуш гафар ала гьардан сивел.
Жегьил рушар, хунча кьилел.
Къенин юкъуз Мехъер я хуьре.

Гум алахьиз хуьрекдин ни.
Ягъиз шишер - ягъиз вишер,
Гъвеч1и- чехида ийиз кьуьлер.
Къенин юкъуз кефер я хуьре.

Свас иер, я бишме алаз:
Вичин сивел мили хъвер алаз.
Свас авай машин, цуьквер алаз.
Къенин юкъуз мехъер я хуьре.

Нянин кьиляй жезва демер.
Манийрин хуш къвезва сесер,
Ярдихъ галаз ийида кьуьлер.
Къенин юкъуз Мехъер я хуьре!!!
22:24
Гьикьван уьлчуьяр ракъурна за ваз?
Гьар сеферда,вуна " ваъ" лугьана заз?
Бесрай наз гайиди, вун акъваз.
К1анда лагьай гаф це вуна заз.

Гьикьван вахт я, вун рик1еваз.
Вун такур йукъуз, ава рик1 зи т1аз.
Вун са цуьк я, зи гъиле ак1анва цаз.
К1анда лагьай гаф це вуна заз.

Гьар акурла, хъел галаз рахаз.
Зи гафарикай зарафатар кьаз.
Мад заз чизавач, вуч айидат1а ваз.
К1анда лагьай гаф це вуна заз.

Вун атайла булахдал, квар къуьне аваз.
Ава зун вилеривди вун рекъе хутаз
Зи гьалдикай вуна хабар такьаз.
К1анда лагьай гаф це т1ун вуна заз.

Мадни ракъурда за уьлчуьяр ваз.
На терсвал ийиз ваъ лугьумир заз.
Са к1ус регьим ая, вуна Тачираз,
К1анда лагьай гаф цет1ун вуна заз.


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 20.06.2013, 17:05
Сообщение #206


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
автор: Аташов Тачир
САМУР ВАЦ1.
Дагъларай авахьна, зверзава ятар.
Юзуриз вилик квай къванерни-тарар.
Шагьдагъдин винеллай къайи тир шагьвар,
Чи элдин кьегьалвал ква вак САМУР вац1.

Шур шур ван алаз гьикван авахьдавун?
Санлай хкахьиз, санлай акахьда вун.
Са кьил фена гьуьлуьк акакьда вун.
Ч1ехи крар ква вак
САМУР вац1.

Хкизмач вуна а к1иви селер.
Эцекна ви винел цийи мекъвер.
Кьве патани, яракь гваз акьознава, инсафсуз рик1ер.
Дердер ква вак САМУР вац1.

3и Лезги чил, Диде ватан.
Са пад Кц1ар, са пад Дагъустан.
Къве ц1уькведин юукьва, вич са билбил якьон.
Йифиз юукьуз ван ква вак САМУР вац1.

Авахьна физва вун лезги чилелай.
Ви йатари ц1ар ягъаз, са шумуд хуьрелай.
Ви ятар алахьиз дерин вирелай.
Берекатар ква вак
САМУР вац1!!!


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 03.07.2013, 13:57
Сообщение #207


Маналу
Группа: ЛезгиЯр
Сообщений: 61
Регистрация: 06.11.2011
Из: Российская Федерация
Пользователь №: 252
Отсутствует

 
ЗИ ЛЕЗГИ Ч1АЛ. автор: Аташов Тачир

Вун зи рик1 я, зи чан я.
Вун зи рахун, зи ван я.
Вун зи рик1из, масан я.
Чан зи багьа, Лезги ч1ал.

Зун са гъвеч1и аял тир,
Дидеди чирдайла ч1ал.
Вун дат1ана герек я, Къачузвай гьар камунал.

Зун цавара са Лекь хьиз,
Ашукь я чи чилерал.
Вун цавара са гъед хьиз,
Экв жез ава вилера.

Шукур хьурай Гъуцариз,
Шад я зун шаир хьунал.
Рахаз хайи эллерив,
Лезги шиир кхьунал!!!


--------------------
Гаф ава виртедлай щирин, гаф ава дустар гъакъудин.
Перейти в начало страницы
 
 
Сообщение 06.07.2013, 12:51
Сообщение #208


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
ЯРДИЗ 

Ракъинин нур галукьайла, 
Къавараллай жив ц1рада,
 Чан к1ани яр вун такурла, 
Зи къеневай рик1 кьурада. 

На къадамар тек-тек къачуз, 
Гьикьван на зун гьейранарна, 
Хъуьрез,ц1ару вилер,къалуз, 
Зи сефил рик1 на шадарна.


--------------------
Сагърай Лезгияр!
Перейти в начало страницы
 
 
Сообщение 18.07.2013, 10:57
Сообщение #209


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Жедачни бес..

Билал Адилов
Накъваривди ацIудачни вилер бес,
Чин чиналлаз са салам кьван тагайла ?    
Хайибур хьиз галатдачни гъилер бес,
Ялав  галай  рикIе са къван  гьатайла?

Жедачни бес пеле бириш какахьна,
Вун масадан патав нагагь   акурла?
КIанивилин карвандин рехъ  акахьна …
Тал къведачни   кьил бес  цла  акьурла ?

Нуш жедани  гуьлуьшандин яйлах бес,
Рагъ хъфена   мичIи цифер атайла?
Кьурадачни зи ильгьамдин булах бес,
Кьисметди икI  залумди хьиз   гатайла?


--------------------
Сагърай Лезгияр!
Перейти в начало страницы
 
 
Сообщение 20.07.2013, 16:16
Сообщение #210


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 


--------------------
Перейти в начало страницы
 
Форум ЛезгиЯр » Общий форум » Жуван чlалал » Шиирар
Страница 7 из 9«1256789»
Поиск: