Статистика Форума
Обновленные темы
Популярные темы
Активные лезгияр
Новые пользователи
Уроки лезгин... Ответов [ 69 ]
Кино какое п... Ответов [ 16 ]
Шиирар Ответов [ 245 ]
Статьи на ак... Ответов [ 38 ]
Выдающиеся л... Ответов [ 41 ]
Вопросы-отве... Ответов [ 1154 ]
Анекдоты Ответов [ 383 ]
Загадка-Логи... Ответов [ 355 ]
Красивые кар... Ответов [ 331 ]
Без гласных Ответов [ 328 ]
Слезинка Постов [ 2616 ]
Лань@Админ Постов [ 664 ]
LezGiYar Постов [ 594 ]
Ярушк@ Постов [ 489 ]
Lek5 Постов [ 328 ]
АзаевДата [ 08.12.2016 ]
Spartak09Дата [ 08.12.2016 ]
NannaДата [ 07.12.2016 ]
AlpangirlДата [ 07.12.2016 ]
liaДата [ 03.12.2016 ]
Новые сообщения · Участники · Правила форума · Поиск · RSS
Страница 6 из 9«12456789»
Модератор форума: ДозаСчастьЯ, Ярушк@ 
Форум ЛезгиЯр » Общий форум » Жуван чlалал » Шиирар
Шиирар
 
Сообщение 27.01.2013, 23:30
Сообщение #151


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
МАРФ

Билал Адилов          
Марф къвезава  зи дакIардиз
Шуьшейрилай   стIал -стIал
Гьижрандин тIал гъизва рикIиз
Кутаз  руьгьдик  са  къал магъал…
Зи  дакIардин вилик галай,
Ахъа я кеф тутун тарцин .,
Къуразавай чимивиляй
Акваз  гила   булахар    цин …
Алатнани валай са пар?
Мад вуч кIанда ваз тутун тар
Хьана гила   хупI  бахтавар?
Акьад  гила   гъавурда вун!
Чир хьанани ваз  заланвал
Яр гуьзетиз акъвазунин ?
Гьикьван чIав тир  рекьеллай вил…
Зазни кIанда ашкъидин гьуьл!...
Белки вав гва  ,яб це стIал
KIанидакай   зи  са хабар?
Белкини  куьн ятIа  ярдин
Гьикьванни саф , гьикьван ухшар
Вилин накъвар инжи хьтин?
Яраб шехьиз амазматIа …
Тутун тар хьиз тамарзу яз
Белки ада ракъурнатIа 
Вун булутдив вугана  заз?


--------------------
Сагърай Лезгияр!
Перейти в начало страницы
 
 
Сообщение 28.01.2013, 13:31
Сообщение #152


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
пара хъсан шиъир я!)


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 29.01.2013, 21:36
Сообщение #153


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Къекъвезва рикI

Билал Адилов

Расу  чIарар, цIару вилер,  лацу   перем..
Гъиле авай шумуд ктаб , дафтар- къелем

 Акъвазнавай са пипIе ам  кхьиз -   кIелиз,
Гаф лагьайтIа  гьазурди хьиз гьасят хъелиз…

Гагь гагь  патахъ  килигзавай хкажиз кьил,
Гагь явашдик     алтадзавай  чIарарал гъил.

Къекъифнавай лацу хъуьхъвер  акъатна  яр
 Са легьзеда  зи чанда гьикI   гьатна цIаяр..

Садра акун бес хьана жал  кIан хьун патал ?
Чалахъ   тушир  и кардал зун   икьван чIавал

 За лагьана ,эгь, алатда рикIелай ам 
Жегьилзамаз  чIугвадач хьи  ацукьна  гъам?

Алахъна зун    алудна  вил  акъатна физ
Амма   рикIе  са тIал хьана  юкъуз- йифиз….

Ингье гила шумуд йисар алатнава,
Зун рикIикай ,  рикIни закай галатнава .

Фад –фад гила  са суалди эгъвезва гьикI    
   АхквадатIа яраб лугьуз къекъвезва  рикI  :

Расу  чIарар, цIару вилер , лацу  перем,
Жув жувакай хабар тушиз    хьана    Керем..


--------------------
Сагърай Лезгияр!
Перейти в начало страницы
 
 
Сообщение 03.02.2013, 23:13
Сообщение #154


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Дуьнья тирвал гьарайна за

Булахдилай хкведай хьи
Ви кIвализ зун квар къачуна.
Вун зи вилик къекъведай хьи
Хъуьрез-хъуьрез, тар гъилеваз, яр.

Чун кьвед бес кьве хуьре хьайила,
Мани лугьур гьевес гьинай гъин?
Чи ашкъидин лувар хайи
Сефил нуькIрез кьефес гьинай гъин?

За цаварай кьазва хабар
Ашукь хьунухь тахсир я жал зи,
чара хьунни авур къабар
Зи рикIелла, эхир я жал зи?

Дуьнья тирвал гьарайна за,
Зун кIанидаз кьисмет хьанач мад,
Сир виридаз ахъайна за,
Зи гафарихъ къимет хьанач мад.


Ст1ал Саяд


--------------------
Перейти в начало страницы
 
 
Сообщение 08.02.2013, 15:07
Сообщение #155


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
5 лагьай классдаен, яни 6 лагьай классда - ин шиъир чирнавайтир за " Дуьнья тирвал гьарайна за")))))


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 08.02.2013, 15:35
Сообщение #156


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
Гаф

Иесивал ая, буба, аялдин.
Иесивал ая, инсан, гафунин,
Гафуниз на пар це сифте хиялдин,
Гафуниз на яд це сифте гьахъунин.
Ахпа а гаф акъуд жуван п1узаррай,
Гьулдандин тур акъуддайвал къакъарай,
Акъуддайвал къазармадин варарай
Дивизия барут хьана къарагърай.
Ахпа а гаф акъуд вуна уьлкведиз,
Ватандал рик1 алай игит велед хьиз.
Фирай вичиз сергьятрилай алатна,
Дуьнья тирвал сиягьатда аваз хьуй,
Ник1ин тум хьиз маса рик1из аватна,
Вичин гьайбат артух ийиз рахаз хьуй.
( И.Гь.)


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 08.02.2013, 15:53
Сообщение #157


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
Йикъан лишанар

Лекь дагъларарл элкъвезват1а,
Серт хьанва цава.
Бап1иш синел къекъвезват1а,
Умун я гьава.

Кьвед гуьнедик эглеш ят1а,
Хуьзва шарагар.
Свал цаварлай эхвич1нат1а,
Гьава я пайгар.

Лиф ч1ередал къугъвазват1а,
Циф къвезва к1амуз.
Ч1имч1ир багъда аквазват1а,
Рагъ жеда, шаксуз.

Дурнайрин ц1иргъ чк1анват1а,
Т1урфан къарагъда.
Ч1агъ мукунал алгъанват1а,
Серин я дагъда.

Билбил йикъа рахазват1а,
Гад жеда мублагь.
Лиф хуьруькай яргъазват1а,
Хьанва са гунагь.( Ч. К.)


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 08.02.2013, 16:45
Сообщение #158


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Цитата (Лечетви)
5 лагьай классдаен, яни 6 лагьай классда - ин шиъир чирнавайтир за " Дуьнья тирвал гьарайна за")))))


пара хъсан шиир я..Тельманаз манини ава гьа и шиирдикай


--------------------
Перейти в начало страницы
 
 
Сообщение 09.02.2013, 04:45
Сообщение #159


Жуванди
Группа: ЛезгиЯр
Сообщений: 213
Регистрация: 03.03.2012
Из: Албания
Пользователь №: 434
Отсутствует

 
яб акална к1анда, мани авай ч1ал чизвачир заз))


--------------------
Дагъдин синел акъуда зун,
Зи дердиниз чара жервал.
Лезги чилел кучука зун!
Са капаш нукьв пара жервал...
Перейти в начало страницы
 
 
Сообщение 09.02.2013, 14:18
Сообщение #160


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
акала,хорошая песня)


--------------------
Перейти в начало страницы
 
 
Сообщение 16.02.2013, 19:31
Сообщение #161


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Вучда за?

Шадвалда за,зун вахъ таниш хьайидал,
Пагь,дамахда за,ви гуьрчег абурдал,
Анжах вакай икьван ачух дуьньядал,
Заз вафаллу яр тахьайт1а,вучда за?

Чи кьисметдал ч1улав ипек аватна,
Чи к1анивал лап яргъариз тек катна,
Агь,уьмуьрлух чун чавай лап къакъатна,
Чаз бахтсузвал кьисмет хьайт1а,вучда за?

Ша,азизди паркара чун къекъведа, Ширин
рахаз,гъилер кьуна элкъведа.
Чи ашкъидин аваданлу уьлкведа,
Чlулав цифер лап гьатайтlа,вучда за?

Владик Батманов



--------------------
Перейти в начало страницы
 
 
Сообщение 17.02.2013, 20:47
Сообщение #162


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Диде

Зи уьмуьр ви уьмуьрдикай са тагъ я,
Гагь шадарна, ширна за вун гагь, диде.
Ви рехи кьил жив ацукьай са дагъ я,
Завай ятIа вун кьуьзуь хьун, лагь диде.

Чун шехьун ваз азаб гун тир, чидачир,
ЧидайтIа зун гьич садрани шедачир.
Ингье, гила икI перишан жедачир,
Мумкин ятIа гъвечIи хъхьун, лагь диде.

Чун паталди ксун тийиз, йиф чIичIиз,
Акъудзавай кьепIин патав йиф вучиз?!
Мез лал хьурай: - Вун амачиз, кIвал ичIиз,
АмукьайтIа, гьикI жеда зун, лагь диде.

Ви ашкъиди хкажна зи кьил цавуз,
Акваз кIандач аватна ви кьил агъуз.
Рази я зун, чандилайни гъил къачуз,
Таквадайвал вуна чIугун агь, диде.

Мегьамед Мегьманов


--------------------
Перейти в начало страницы
 
 
Сообщение 17.02.2013, 20:49
Сообщение #163


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Кар хьана къе

Дуьшуьш хьана са иер руш,
Заз гьич тахьай кар хьана къе.
Килигайла зи чиниз хуш,
Гегьенш дуьнья дар хьана къе.

Жейран хьтин къекъведай вич,
Хъуьхъвер яру Къубадин ич.
РикIивай ял тежедай гьич,
Гзаф залан пар хьана къе.

Жуван сир гьикI ахъайин ваз,
РикIин куьлег масадав гваз?!
Раха тежез акваз-акваз,
Зи рикI гзаф тIар хьана къе.

Ширин гафар мийир вуна,
Зи гьалдикай хабар кьуна.
Ви гьар са гаф, иер суна,
Зи кьилел къвай хар хьана къе.

Вучиз вун зал дуьшуьш хьанай?!
Лугьуз рикIяй агь чIугвазвай,
Мегьамедан ви дердинай,
РикIин са гъал кIар хьана къе.

Мегьамед Мегьманов



--------------------
Перейти в начало страницы
 
 
Сообщение 17.02.2013, 20:51
Сообщение #164


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Самурдал

Лезги чилин Шагь-дамардиз
Часпар гьикI лугьун?
Юкьва авай Шагь-дамариз
Чапар гьикI лугьун?

Дуьнья тирвал эцигдайла
Дуствилин муькъвер,
Чна вучда? ГецитIдани
Стхайрин рекьер?

Са тар тирла - дувулар сад,
Емишарни сад,
Лагь кван, чIехи акьулар, заз
Тар гьикI ийин пад?

Гьи пад гьахъдиз акъудин за?
Гьи пад я патанд?
Гьи ягъидал авудин за
Чи сад тир Ватан?!

Са пад гьалал, са пад гьакьван
Хьанвани гьарам?
Иблисрин фенд мегер икьван
Хьанвани тIарам?..

Лезги чилин Шагь-дамардиз
Часпар гьикI лугьун?
Юкьва авай Шагь-дамариз
Чапар гьикI лугьун?..

М. Жалилов



--------------------
Перейти в начало страницы
 
 
Сообщение 18.02.2013, 22:10
Сообщение #165


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
К1аниди

Чина ви нур ава,вилерани наз
Заз к1ан я гьамиша вун хъуьрена заз
Чун кьвед къацу багъда ашкъидив къугъваз.
Чи рик1ер шад хьана,уьмуьр бахтлу яз.
Вун масадан ч1алахъ жемир к1аниди,
Яргъа хьайит1ани вун рик1е ава зи,
Уьмуьрда вун патал зи рик1е чка,
Ваз гаф гузва жеда гьамиша


--------------------
Сагърай Лезгияр!
Перейти в начало страницы
 
 
Сообщение 04.03.2013, 22:34
Сообщение #166


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Я чарадаз несиб хьай яр,
За ваз мехерд гам храдач.
Зун ватанда, вун гъурбатда,
Зи рикIевай гъам цIрадач.

Дагъларилай экъечIай Рагъ,
Рагъ жедани чим авачир?
Жуван хуьруьхъ вил акъатда,
Им вуч хуьр я ким авачир?

Туьрез яни, гъар гузавай,
Я гуьнедал акъатдай гар.
Вун авачиз зи гьал чIур я,
Ватандивай къакъатай яр.

Яр ватанда, зун яргъара,
Эха гила эх жедатIа.
Гъурбатдикай ватан кьурдан,
Яраб рикIиз рехъ жедатIа?

Суварин къар серинди хьуй,
Хуьруьв чIимел агат тийиз.
Ярдин гафар ширинди хьуй,
Зун адавай къакъат тийиз.

Агъадикай Рагъ экъечIда,
Рагъ экъечIда гар галазди.
Винидикай яр хкведа,
Кьилел пекдин шал алазди.

Агъадикай экъечIай Рагъ,
Вун гар галай гуьнедихъ ша.
Чан зи рикIи кьур гуьзел яр,
Суваралди хуьруьз хъша.

Агъа Къуба, вини Къуба,
Чи Къубада кIелер ава.
За ваз гьикьван дадин, буба,
РикIе ашкъид гелер ава.

Гьайиф тушни чан къайи яд,
Къацу векьин кIаникай физ.
Инад тушни чан кIани яр,
Рахан тийиз, виликай физ.

Кьакьан синел чардах ая,
Чардах ая, вун чубан я.
Дердерикай булах ая,
Ваз жедалди дегь заман я.

Лампадаллай шуьшедиз хьиз,
Ваз гуьзелвал гана, дилбер.
Яргъал къекъвез, патав текъвез,
Вуна зи рикI кана, дилбер.

Кьакьан синел цан цазава,
Лацу яцра викIиник кваз
Муьгьуббатдин лежбер ятIа,
КIаниди, вун кьиле акъваз.

Гунгардай хьиз яд атана,
Яд атана бугъ алахьиз.
Агъадикай яр атана,
Кьве вилелай нагъв алахьиз.

Жибиндавай вин квай калар,
Вин квай калар шекер яни?
Са суракьни амачир яр,
Вун фейи пад шегьер яни?

КIамун къене къацу дере,
Кам вегьейла гел жедани?
Я гада, вав рахуналди,
Чун ярдивай хъел жедани?

КIамун къене са яд ава,
Къван вегьейла рагъул тежер.
Рушан рикIе мурад ава,
Рекьидалди лугьуз тежер.

Ичин тарар са жергеда,
Ич тагъидай тар жедани?
Чун кIанидаз тагай буба,
Эхиратда пай жедани?

Кьакьан синел сил цада за,
Сил цада за, къушариз гуз.
За жибинда ичер тада,
Булахдаллай рушариз гуз.

Гуьнедаллай къайи булах,
Чаз шуршурдин ван къвезава.
Къурбатдавай чан гуьзел яр,
Зун ви ванцихъ къекъвез ава.


--------------------
Перейти в начало страницы
 
 
Сообщение 14.03.2013, 12:03
Сообщение #167


ЛезгиЯр
Группа: Модераторы ЛезгиЯр
Сообщений: 594
Регистрация: 03.03.2010
Из: Азербайджан
Пользователь №: 1
Отсутствует

 
ЯРАН СУВАР АТАЙЛА

Яран сувар атайла къарагъ экуьн яралай,
Хъсан ният т1алабна, алук1 пекер яр алай.
Няни хьайла к1ват1 хьана бубад къулан къерехдив,
Гьарда са сив уф гана ялав кутур ц1верек1див.

Аяларни галаз вач, чеб са-садаз чир хьурай,
Абруз баде эвлия, бубад къул са п1ир хьурай.
Гьал-агьвал яхъ са-садавай, пай вугана, пай къачу,
Бубад къулан ц1аюкай, ирид къулаз ц1ай къачу.

Ирид к1анч1 куг гьар къула, ирид афар, гит1 чраз,
Ирид махни ахъая, ирид цк1ан къулаллаз.
Бадедик акатрай лув, гъурай вилик калар, сав,
Ада буюрмишайла хтулар хьуй ц1ай - ялав:

-Чан балаяр, шемер куг, селемадин т1ачар хъухъ,
Ч1ахарин аш к1андат1а гъилин регъве ч1ахар ч1уг.
Шемер гвайда ик1 лугьуй: «Ура, ура, ура хьуй!
Чи данаяр «ханд векье», душмандинбур цура хьуй!»

К1ерецарни паквар гъваш, шуьмягъарни къакъвар гъваш.
К1ат1адавай гъуьр гахчу, исит1адиз нагьар гъваш
Т1анур ифенва вахар, тинид къене хвех кутур.
Заферанди, хвешхвешди т1унут1диз гъида абур,
-
Ик1 лугьуз, буюрмишиз вири рик1ел хкурай,
Хъилец1риз туьнбуьгьаррай, садани хъел тавурай.
И къулалай фенавай руьгьериз рагьмет гъурай,
Къафун къулал тамадаз руьгьерин т1варар кьурай

Эфруз Регьимова


--------------------
В ЛС к администратору обращаются только с административными вопросами!
Перейти в начало страницы
 
 
Сообщение 19.03.2013, 08:47
Сообщение #168


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
Дидед чIал виридалайни ширин я.

Дидед чIал кIан хьухь.

Дидед чIал тийижир инсан чIехи бахтуникай магьрум я.

Дидед чIал эбеди япара авай лайлай я.

Жуван чIал усалармир.

Жуван чIалак рехне кутамир.

Жуван чIалан таъсиб чIугу.

Хайи чIал инсандин къуват я.

Хайи чIал хьун кьегьалвал я.

Хайи чIалав къведай нямет авач.

Хайи чIалакай ягьанатдай кас иеси кьадай кицIиз ухшар я.

Хайи чIалан къадир хьухь.

Хайи чIалан тIеам масад я.

ЧIал акьулдин булах я, акьул — чIалан дамах.ЧIал инсандин дамах я.

ЧIал рахайла иер я.

ЧIал тийижирдаз дидени чир жеч.

ЧIал халкьдин девлет я.

ЧIал хвейида элни хуьда.

ЧIал хвейиди чIалани хуьда.

ЧIал чидайди аpифдаp я.

ЧIалаз вад-цIуд падеж жеда, сиясатдиз-виш.


--------------------
Если Аллах со мной, какая разница, кто против меня?
Перейти в начало страницы
 
 
Сообщение 19.03.2013, 08:52
Сообщение #169


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
Адет квахьна, тухузмач «К1аруяр».
Баят хьанва п1инид багъдин паруяр.
«Цуьквер сувар» муьгьуьббатдин хиял хьиз,
Карагзава диде квахьай аял хьиз.
- Гьар уьлкведа артух жезва эгьлияр-
- Уьмуьр генг тирвиляй я.
- Телеф жезва, телеф жезва жегьилар -
- Уьмуьр женг тирвиляй я.
Халкьдал зигьин квадра лугьуз алахъмир,
Яд ч1алалди къадра лугьуз алахъмир.
Алакьначт1а хайи чилиз темен гуз,
Хайи диде гадра лугьуз алахъмир..


--------------------
Если Аллах со мной, какая разница, кто против меня?
Перейти в начало страницы
 
 
Сообщение 20.03.2013, 09:19
Сообщение #170


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
Лезги ч1ал
Багьа я заз, уьмуьр хьиз, зи лезги чlал,
Ифирнавай чатухъандин къати цlал.
Рекьидалди акъат тийир кlарабрай,
Туруни хьиз, акъуддай зун азабрай.

Чlала тунва чи сивера мез ширин,
Ада чирна алуд ийиз дерт серин,
Къуват гана, гъалиб жедай, женгина,
Гьахьна рикlе, къизмишвилин ялав хьиз,

Ам къекъвезва зи манид гьар бендина.
Дуствилелди, стхавилин къулав гъиз,
Руьгь кутуна чак садвилин, ашкъидин,
Чим гузава мерд рикlиз гьар лезгидин.

Рахурзава чlагъан, чуьнгуьр, далдам, тар,
Машгьурзава хуш авазрал чи патар.
Эминанни Сулейманан ял галай,
Тарихдал чан хкиз авай, зар алай.


--------------------
Если Аллах со мной, какая разница, кто против меня?
Перейти в начало страницы
 
 
Сообщение 22.03.2013, 15:40
Сообщение #171


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
Зи Кьулан вацl
Зи Кьулан вацl, дакlанни я кlанни заз
Халкь кьве патал паяди заз гьикl кlан хьуй?
Гьа кьве падни рикl я, кьведни чан я заз,
Лагь, зи рикlни зи чан заз куьз дакlан хьуй?

«Дакlанда вун», - лугьузвай туш рикlяй за.
Эх тахьайла дерт я винел акъатдай.
Гила часпар физватlани рекьяй чи,
Са вахт жеда патар садав ахгатдай.

Чара жер туш халкь ятарвай, вацlарвай,
Акъуд женни мефтl кьилевай инсандин.
Рик1 мурадрив, чан къастарив ац1анвай,
Са мез авай, са чlал авай хизандин.

Зи Кьулан вацl, чи Шагьдамар, дамах зи,
Вун чи кьисмет, вун чи муьгьуьр, виждан я.
Заз к1анзава вун хьана къе чlалахъ зи,
Кьве патани авайбур сагъ, са чан я.


--------------------
Если Аллах со мной, какая разница, кто против меня?
Перейти в начало страницы
 
[Прикрепленный файл 1347742.jpg(88Kb) ]
 
Сообщение 10.04.2013, 10:28
Сообщение #172


Жегьил
Группа: ЛезгиЯр
Сообщений: 14
Регистрация: 02.04.2013
Из: Азербайджан
Пользователь №: 885
Отсутствует

 
Лезги гимн

Зи лезги ватан, зи лезги чилер,
Кьакьан дагъларал элкъвезвай лекьер.
Хуррам лезги эл, цlаяр алпандин,
Иесияр тир абад ватандин.
Дербен, Арас вацl, Къав дагъ,Касрин гьуьл,
Девлетлу чилер, хкаждай гуьгьуьл,
Азад тир диде ватан хьана чахъ,
Баркаллу ватан Алпан хьана чахъ.
Мидяйрин вилик алпадин эллер,
Хьана мерд лекьер, цlаярин хьелер.
Хвена чи курар, хвена чи варар,
Ягъийрин хура лигимна турар…
Агат, алпанар, гъилин са тупlар,
Даим хци хьуй бубайрин турар!
Ч1ал хуьх, лезгияр, кьуьл хуьх лекьерин,
Зуьрнени далдам мехъер-мелерин!
Рухваяр, рушар гьар са хазанда
Шарвилидин къаст авайбур чанда.
Зи лезги ватан, зи лезги чилер,
Кьакьан дагъларал элкъвезвай лекьер.
Хуррам лезги эл, цlаяр алпандин,
Иесияр хьухь абад ватандин!


--------------------
Перейти в начало страницы
 
 
Сообщение 11.04.2013, 12:07
Сообщение #173


Жегьил
Группа: ЛезгиЯр
Сообщений: 10
Регистрация: 23.03.2013
Из: Российская Федерация
Пользователь №: 867
Отсутствует

 
Даг.злита.
Вуч пехъи я урусдин къаз
кваз кьазмач гьар лагьай кас
Са тула пай туртlа вичиз
гьазур я чун тергиз михьиз
Халкьдин кьилиз сух хьай куквар
чкlурзавай чlуру азар
Хупl хуш я квез инсан ялтах
куьн хайинрин дестек даях
Дакlан я квез жуьрэтлу кас
къилих авай итимдиз хас
Гзаф хьайтlа чаз кьегьалар
кичlе я квез нефес жез дар
Квхьнава куьн гъейрат намус
кеиб касдин манат атlуз
Гьисс хъийизмач я дуст душман
виридалай пул я масан
Ша АЛЛГЬдиз килига куьн
гьич хъсан туш кьадарсуз тlуьн
ХЪсан яквез уртlа тауба
хкведа гьаааа Кlири буба.l


--------------------
Перейти в начало страницы
 
 
Сообщение 25.04.2013, 18:43
Сообщение #174


Ц1ийи кас
Группа: ЛезгиЯр
Сообщений: 7
Регистрация: 25.04.2013
Из: Азербайджан
Пользователь №: 924
Отсутствует

 
Чан Диде я

Вил ахъайна дуьня акваз чан гузавай чан Диде я.
Диде лугьуз балад мецел ч1ал гъизавай чан Диде я.

Бурж амукьда и дуьняда чан гайитIан дидед рекъел,
Гьар са тIалдиз тебиб хьана тан хуьзавай чан Диде я.

Виле накъвар хара жеда атай чIавуз лайладин ван,
Балад уьмуьр вичин кула пар хьиз авай чан Диде я.

Хьурай къадир веледариз къуй дидедин гьар береда,
Чаз дуьняда гьахъ женнетдин рехъ чирзавай чан Диде я.

Са касдизни уьмуьр гьич диде авачиз несиб тахьуй,
Балад уьмуьр дуьз тахьайла рикI тIарзавай чан Диде я.

Уьмуьр фена жив хьанавай а ч1арариз кьий ви рехи,
Чи дуьнядиз нав хьиз михьи рагъ жезавай чан Диде я.

Зун Сарханаз авач гьунар диде гафунин мана лугьуз,
Вичин тIварцIел гьахъ кIалубрин сир хуьз авай чан Диде я.

Сархан Ярагьмедов


--------------------
Перейти в начало страницы
 
 
Сообщение 25.04.2013, 18:54
Сообщение #175


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует



--------------------
Если Аллах со мной, какая разница, кто против меня?
Перейти в начало страницы
 
 
Сообщение 25.04.2013, 19:11
Сообщение #176


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
ЗИ КЬИНИКЬ



Ажалдихъай кичIе туш,
Анжах са кар тахьурай,
Зун, чилел чан хтайла,
Гатфариз кьин тавурай.

Гатфар къведа цуьквер гваз,
Зи пай адак акатдач –
ЦIийиз атIай сурал зи
Гьич са цуькни акъатдач.

Амма са кар заз чида –
Зун гатфариз рекьида...



--------------------
Если Аллах со мной, какая разница, кто против меня?
Перейти в начало страницы
 
 
Сообщение 25.04.2013, 19:12
Сообщение #177


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
ПIИНИЯР ВА НАГЪВ

1

Яру жезва чи тараллай пIинияр.
Зи гуьгъуьниз диде салаз атанва:
- Им, хва, ажеб вахтунда вун хтанва,
Яру жезва чи тараллай пIинияр.
АкIурнай ам гьа вун фейи йикъара,
ЧIехи хьанва, гъизва ада емишни,
Амма вуна абур къени дадмишни
Авунвач, хва, ягъи хьана яргъара.
Эхир ингье чидайди хьиз хтанва,
Яру жеда абур гьа и мукьвара.

-Хаз кIан тушир, диде, заз ви кефияр,
Чуьнуьх жедай кар туш хьи, зун хъфизва.
Вахт авач заз, цIал кузва зи дердияр.
Ингье диде зи хурудал алкIизва:
-Я чан хва, вун икьван фад куьз хъфизва?
Аквазвани, яру жезва пIинияр.
Акъваз хъия са кIус, - минет ийизва,
Амма,
Амма зун экъечIна хъфизва.

Кьил алудна, посылка ква вилик зи,
Хайи патай, дидедилай хтанвай,
Яру-яру пIинийривди ацIанвай.
ПIинийрални кирс цIарарин чар ала,
Чарчелни нагъв,
Зи вилелай атанвай...


--------------------
Если Аллах со мной, какая разница, кто против меня?
Перейти в начало страницы
 
 
Сообщение 25.04.2013, 19:22
Сообщение #178


Марифатлу
Группа: ЛезгиЯр
Сообщений: 310
Регистрация: 14.03.2013
Из: Российская Федерация
Пользователь №: 848
Отсутствует

 
СОНЕТ

Гьуьжетрава йикъарни йифер,
Гагь экуьз, гагь гуя куьмуьр я,
На, ачухиз, кIватIзавай кифер,
КIаниди, чи физвай уьмуьр я.

Чи вил ала дигмиш хьунал ич,
Ракъинин ам тарциз эмир я.
ВацIни, гьуьлуьхъ галчIурзавай вич,
КIаниди, чи физвай уьмуьр я.

Пешинихъай куьрс хьанва стIал,
Ам кьунвайди гьа са гъиргъир я.
Цавал юзай циферин гапIал,
КIаниди, чи физвай уьмуьр я.

Вири крар чаз акур, чизвай,
КIаниди, чи уьмуьр я физвай…


--------------------
Если Аллах со мной, какая разница, кто против меня?
Перейти в начало страницы
 
[Прикрепленный файл 9510365.jpg(6Kb) ]
 
Сообщение 27.04.2013, 16:28
Сообщение #179


Ц1ийи кас
Группа: ЛезгиЯр
Сообщений: 7
Регистрация: 25.04.2013
Из: Азербайджан
Пользователь №: 924
Отсутствует

 
ГьикI кхьида

Кхьида за, гьахъ кхьида, бес и нагьахърикай гьикI кхьида?
РикI тIарзавай дердерикай, сузайрикай гьикI кхьида?

Дидед чIални, бубад чил я, гьахъ касдин намус-гъейрат,
Чил квадарна, ч1ал чизмачир алчахрикай гьикI кхьида?

Чи бубайри пак ивидив , кхьенава чилел тарих,
Дидед чIалал гаф чизвачир, лезгийрикай ьикI кхьида?

Акализ лезги чIалахъ ч1ал чIурзавай чIуру гафар,
Кьвед-пуд чIалал мурмурзавай чIурубрикай гьик1 кхьида?

Лезгидин чIал суван пелел ван алай лекьрен ван я,
Пехъери хьиз къув язавай хахайрикай гьикI кхьида?

Чи бубайрин цIвагъ галаз хьуй, лезги хва ви рахунар,
Бес рахазвай рикIиз къайи гафарикай гьикI кхьида?

И Сарханан хци гафар зуракIбуруз жеда дак1ан,
Нагьахъбуруз гьахъ гузавай итимрикай гьикI кхьида?

Сархан Ярагьмедов


--------------------
Перейти в начало страницы
 
 
Сообщение 27.04.2013, 22:52
Сообщение #180


Жегьил
Группа: ЛезгиЯр
Сообщений: 10
Регистрация: 23.03.2013
Из: Российская Федерация
Пользователь №: 867
Отсутствует

 
КЪЕНИН ЙИКЪАЗ
Аламатдин заманаяр атанва,
Халкь-жемятдин илаж ,мумкин атlанва.

Угърияр я гьукумдарар Ватандин,
Чуьнуьхзавай чи девлетар"закондив".

Ббегьер амач,- тухузва а "кьифери",
хевлет чlавуз,цифкъалин тир йифериз.

Иесияр,-лежбер,фяле алцуриз,
Жибин,подвал,мешокарни ацlуриз....

Намус,къирет алуднава рикlелай,
Килигайла инсанар я винелай.

Ягъиз, рекьиз девлет патал чпи-чеб,
Кесиб халкьдин къачуж лянет,къаргъиш себ.

Акъваз,Алпан,гьахьмир вун а арадиз,
тефена тач вакlар чиркин кьарадиз.

Ша килигин кардин дибдиз кlевелай,
Дуьнья гьикl тир фад вахтара,эвела?!

Вучиз хьанай революция ,-къаришугъ?!
Вири дуьнья какахьай бед цlай ,шулугъ?

Гьа Сталин,гьаЛенинни ,Марксни,
Ни кваз кьазвай ,гьисабзавай лагь кван ни,-

Кардин себеб-къанихвал я инсандин,
Яб тагузвай къадагъадиз Кьуръандин

Нефсикаррин финиф патал вягьтедай,
Дуьнья гьатда мад ивидин лахтада.

МУРСАЛ АЛПАН-"ДАР ЮГЪ"ктабдай.


--------------------
Перейти в начало страницы
 
Форум ЛезгиЯр » Общий форум » Жуван чlалал » Шиирар
Страница 6 из 9«12456789»
Поиск: