Статистика Форума
Обновленные темы
Популярные темы
Активные лезгияр
Новые пользователи
Уроки лезгин... Ответов [ 69 ]
Кино какое п... Ответов [ 16 ]
Шиирар Ответов [ 245 ]
Статьи на ак... Ответов [ 38 ]
Выдающиеся л... Ответов [ 41 ]
Вопросы-отве... Ответов [ 1154 ]
Анекдоты Ответов [ 383 ]
Загадка-Логи... Ответов [ 355 ]
Красивые кар... Ответов [ 331 ]
Без гласных Ответов [ 328 ]
Слезинка Постов [ 2616 ]
Лань@Админ Постов [ 664 ]
LezGiYar Постов [ 594 ]
Ярушк@ Постов [ 489 ]
Lek5 Постов [ 328 ]
АзаевДата [ 08.12.2016 ]
Spartak09Дата [ 08.12.2016 ]
NannaДата [ 07.12.2016 ]
AlpangirlДата [ 07.12.2016 ]
liaДата [ 03.12.2016 ]
Новые сообщения · Участники · Правила форума · Поиск · RSS
Страница 1 из 212»
Модератор форума: ДозаСчастьЯ, Ярушк@ 
Форум ЛезгиЯр » Общий форум » Жуван чlалал » яратмишунар-рик1 аладарунар (вири яратмишарунал рик1алайбуруз теклифзава)
яратмишунар-рик1 аладарунар
 
Сообщение 27.03.2012, 15:59
Сообщение #1


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Яран сувар

Гьуьжетдава кьуьдни гатфар:
-Къуватдама мекьер, къаяр,
Ажугъ кумаз къвезвач ахвар,
Къурда живер, кьурда мурк1ар!

-Арадавай хатур гьуьрмет
Квадармир, кьуьд, мийир къелет,
Халкьар хьанва вакай икрагь,
К1амач аяз, зун я панагь.

Атанва вун гьеле зулуз,
Зур гваз, ганач бегьер вахчуз,
Мислятдалди вахце нубат,
Чандал хкин за т1ебиат.

Гьахьнавайбур к1аз хьиз къенез,
Чимивилихъ хьанва муьгьтеж,
Вахт я цадай картуф келем,
Гуда вуна зарар бегьем.

Килиг садра, мягьле-мягьле,
Адет яз чаз амай куьгьне,
К1анч1арикай кьакьан пара
Чка-чка кьунва хара.

Жуьреба-жуьр т1уьнри дадлу
Къумбарнавай кефи яшлу,
Жегьил, гъвеч1и, ч1ехи вири
Калтугда, кьуьд, жемир пехъи.

Югъни-йифни сад хьай бере
Палдумар гваз жерге-жерге,
Гьараяр гуз «ахлад, ахлад»,
Кьада стха, кьуьд, ваз инад.

Бесрай, ксус жуван муьгьлет,
Ви зегьметдиз ганва къимет,
Мартни, апрель, май зи варцар-
Яшамишрай Яран сувар!

Март 2012 йис

Добавлено (27.03.2012, 15:59)
---------------------------------------------
Прагада яшамиш жезвай Самур патан руш Зубера Гьамзатовадихъ галаз зун «Стихи.ру» сайтда таниш хьана. Зуберади шиирар, гъвеч1и гьикаяяр урус ч1алал теснифзава. Адан, чи патан къарасу, хъвана тух тежер гьамга яд хьтин михьи ц1арар к1елай касдиз абур мад ва мад к1елиз к1ан жезва. Ингье, абурукай сад «Пака зун Лезгистандиз хъфизва» шиир за Зубера Гьамзатовадин эхтиярдалди лезги ч1алаз таржума авунва:

Я завтра еду в Лезгистан...

я завтра еду в Лезгистан,
где самурские родные долины,
не могу унять я боль,
что храню все эти годы…
мой милый край, моя отрада,
где звезды по ночам поют,
упаду к твоим ногам я
и тихо Богу помолюсь…
седые горные вершины
часто снятся мне во сне,
храни, Господь, и дай мне силы,
чтоб живой вернулась я к тебе...
о, как болит душа и ноет,
судьбой забытая вдали,
не дай, прошу, погаснуть пламени,
храни, Господь, меня, храни!...

Praga
04/12/2011
Пака зун Лезгистандиз хъфизва

Хъфизва зун Лезгистандиз
Самур патаз, зи ватандиз,
явашариз жезвач хьи т1ал,
чанда гьатай йисарлай (йи)сал…
азиз макан, дарман, дава,
манидалай гъетер цава,
къужахиз вун къаткид чилел,
Аллагьдин т1вар алаз мецел…
рех янавай дагълар к1ук1уш,
зи гьар йифен ахварин дуст,
Аллагь тала, хуьх, це къуват,
агакьара , к1андач гъурбат…
пехъи я т1ал, сузадалла
кьисметди зун тунвай яргъа,
хкадармир зи ялав ц1ун ,
Аллагь тала, хуьх вуна зун!... март 2012йис


--------------------
Перейти в начало страницы
 
 
Сообщение 28.03.2012, 10:44
Сообщение #2


Марифатлу
Группа: ЛезгиЯр
Сообщений: 305
Регистрация: 15.11.2011
Из: Беларусь
Пользователь №: 264
Отсутствует

 
Оо, как хорошо, что Вы пришли на ЛезгиЯр! smile


--------------------
они за все заплатят
Перейти в начало страницы
 
 
Сообщение 30.03.2012, 00:05
Сообщение #3


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Абатхийирар ва чухсагъул! "Ша, лезгияр,чун лезгидал рахан"- зи девиз къуватда ама.Nazimlek,вуна заз и карда куьмек це!


--------------------
Перейти в начало страницы
 
 
Сообщение 31.03.2012, 00:26
Сообщение #4


Жегьил
Группа: ЛезгиЯр
Сообщений: 35
Регистрация: 21.03.2012
Из: Российская Федерация
Пользователь №: 454
Отсутствует

 
И ч1аван хийирар! Ихтияр авани жуван таржума квез къалурдай? Хъел къведачни?
(Правда, это экспромт, прочитала, понравилось, решила перевести)

Хъфизва зун Лезгистандиз,
Самур дерейрин ватандиз,
явашриз жеч т1ал рик1евай,
икьвансара за хуьзавай….
азиз ватан, зи хвешивал,
гъетер манид ван цававай,
чилериз ви за икрамда
Аллагьдивай за т1алабда…
дагъдин рехи тир кук1ушар
фад-фад жеда зи ахвара,
Аллагь, куьмек, це къуватар,
мад жедайвал чи патара
агь, чандава хъц1ур гуз т1ал,
кьисметди зун ялна яргъал,
туьхуьз тамир, минет я, ц1ай
Хуьх, я аллагь, куьмек вакай!

Квезни аллагь куьмек хьуй! Агалкьунар!!!


--------------------
Перейти в начало страницы
 
 
Сообщение 31.03.2012, 12:19
Сообщение #5


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Чухсагъул,Гюзеля! Зун шад я вунани и шиир таржума авунал.Ик1 хьайила таржумайрал алахъиз генани ашкъи къведа.Зуберадин и шиир зи сифте таржума я.


--------------------
Перейти в начало страницы
 
 
Сообщение 31.03.2012, 13:33
Сообщение #6


Марифатлу
Группа: ЛезгиЯр
Сообщений: 328
Регистрация: 27.01.2011
Из: Норвегия
Пользователь №: 62
Отсутствует

 
http://www.youtube.com/watch?v=YDIaCu2m6xA&feature=player_embedded
Килиг садра чаз гьич хабарни авачир, Зуберади хъсан шиирар кихьизва. ok
http://www.youtube.com/watch?v=8MlQM6Bmd6I&feature=colike


--------------------
Перейти в начало страницы
 
 
Сообщение 31.03.2012, 16:46
Сообщение #7


Жегьил
Группа: ЛезгиЯр
Сообщений: 35
Регистрация: 21.03.2012
Из: Российская Федерация
Пользователь №: 454
Отсутствует

 
Чан сагърай, ynga909! Таржумаяр давамар ая, агалкьунар квез!
Зуберадин шиирар хъсан манадинбур я, вучиз лагьайт1а ада рик1ин сидкьидай кхьизва вичин фикиррикай, вичин дердерикай. Гъурбатда яшамиш хьун зарафатдин к1валах туш, заз чида, зунни ватандивай яргъал я. Адан шииррин ц1арар, дердер зазни мукьва я.

Lek5! Клипрай сагърай. Килигна, ватандин шикилар акурла, рик1из чими хьана ok


--------------------
Перейти в начало страницы
 
 
Сообщение 31.03.2012, 17:43
Сообщение #8


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Кавказ!О,дивный лик.
Аж слеза подкатила...(


--------------------
Перейти в начало страницы
 
 
Сообщение 01.04.2012, 04:29
Сообщение #9


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Хкин уьлкве гуьнгуьниз

«Квадрай, гъиляй вегьей несил»-
Лугьузва чаз, балайриз,
-«Шел-хвал ийиз,квел хьана вил?», -
Суал я чи бубайриз.

-Аяларин авур вердиш
Килига квез туьгьметриз,
Куь гъалат1риз тежер багъиш,
Эцигзавай къиметриз:

Шехьмир, лугьуз авач хатур,
Диде-буба саймиш туш-
Кьуьзуьбурун хьанвай какур
Хатур хуьнихъ таниш туш!

Алаш-булаш девирд ч1авуз,
Тербидиз амукьнач вахт,
Садбуру фан жагъурна к1ус,
Муькуьбру - девлетни тахт.

Тарашунар, чуьнуьхунар,…
Гьасил тийиз вахчуз дул,
Вучиз ганай эхтиярар
Чк1уриз чи мягькем къул?

Къалурначт1ан чаз кашни-мекь
Алвер ийиз шейэрал,
Чирнач къадир зегьметдин, гьекь
Акъатнач чи пелерал.

Аттестатни диплом яру
ВУЗ-дин такур вилериз
Вахкуз санал, тежез шаклу
Т1ал акъуднач кьилериз.

Кар алакьдай акьуллуяр
К1валахрихъ куз-хъукъвазва,
Ябуяр тир «халуд хваяр»
Къуллугъарал аквазва.

Бейкарарин куьчейраваз,
Югъни- йифни какахьна,
Вахт рекьизвай хъвазни ч1угваз,
Мефт1ер михьиз ацахьна.

Ачух хьана и арада
Рекьер «тамун стхайриз»,
Гьахъни-нагьахъ «гьакъикъатда»
Тестикьардай «архайриз».

Агъзурралди жегьил жаван
Желбзвайбуру кьушунриз,
Чеб кьулухъ жез шумуд хзан
Ясда тунва алцурриз.

Ватан патал чи таяри
Душманриз ц1ай гайид я,
Лагь,къугъвадай автоматри
К1валер нибур кайид я?

Фялевилиз, лежбервилиз
Фидай амач зегьметкеш,
Т1ебии шей жегъин тийиз,
Азарар я чаз пишкеш.

Девлетлу, къуватлу макан
Кесибвилиз вегьезва,
Махлукьатдин авурла сан
Россиядал хъуьрезва…

Вахтунинбур я суалар,
Гьахълубур я арзаяр-
Агакьнава куь балаяр,
Хьанва чакай бубаяр.

Несил гъиляй вегьей тегьер,
Амукьайт1а бала я,
Ихьтин "техил "бегьер-зегьер
Тумуниз тун хата я.

«Вуч цайит1а, экъеч1да гьам»,-
Мисал ава атайрин,
Гъалат1рикай менфят тамам
Хкудин чи бубайрин.

Ватанперес миллионар,
Ша, экъеч1ин женгиниз,
Ватан к1ани, ша юлдашар,
Хкин уьлкве гуьнгуьниз!

Март 2011 йис.


--------------------
Перейти в начало страницы
 
 
Сообщение 01.04.2012, 11:34
Сообщение #10


Жегьил
Группа: ЛезгиЯр
Сообщений: 35
Регистрация: 21.03.2012
Из: Российская Федерация
Пользователь №: 454
Отсутствует

 
Ватанперес миллионар,
Ша, экъеч1ин женгиниз,
Ватан к1ани, ша юлдашар,
Хкин уьлкве гуьнгуьниз!


ok :


--------------------
Перейти в начало страницы
 
 
Сообщение 01.04.2012, 11:46
Сообщение #11


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Гюзеля, вун захъ галаз рази я. Гила зун тек туш, чна кьведа женг ч1угвазва. Мад жегъидат1а чаз юлдашар?


--------------------
Перейти в начало страницы
 
 
Сообщение 01.04.2012, 13:49
Сообщение #12


Жегьил
Группа: ЛезгиЯр
Сообщений: 35
Регистрация: 21.03.2012
Из: Российская Федерация
Пользователь №: 454
Отсутствует

 
Жегъидайди я. Цаз къекъвезвайдан к1вачиз акьахда.)))))
агалкьунар чаз!


--------------------
Перейти в начало страницы
 
 
Сообщение 01.04.2012, 15:06
Сообщение #13


Марифатлу
Группа: ЛезгиЯр
Сообщений: 328
Регистрация: 27.01.2011
Из: Норвегия
Пользователь №: 62
Отсутствует

 
Йа рушар эхтияр куьд йа, са ихьтин куьн хьтин инсанар иниз акъатда лагьана фикирар авунай. Цацарни бегьем юзан тийизвай Лезгийрин дабанра эцягъна гьабурни юзурна кlанда. smile


--------------------
Перейти в начало страницы
 
 
Сообщение 03.04.2012, 23:54
Сообщение #14


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Эхь, хьайид я чахъ гьунарар!...
Гьихьтин чидай мублагь вахтар!...
Аквадат1а мад а бахтар!...
Гьайиф, лацу жезва ч1арар!...

Ша, къарагъ

Ша, ахварай ават халкьар,
Бесрай ч1угур гьайифд гъамар,
Къакъаж гъилер,ийин крар,
Пад-пад жезва куьгьне сурар!

Атайрилай атайралди
Женг ч1угурд я яргъаралди,
Къачурди туш са югъ муьгьлет,
Декьикьадиз авай къимет.

Гьазурандал аватайбур,
Асайишдик акатайбур,
Гуж тагана ахкьалтайбур,
К1вач галк1ана тан гьалчхьайбур!

Зегьметкешри авур вердиш,
Тухудани ик1 яшайиш?
Хьана к1анда чаз утанмиш,
Къазанмишиз анжах къаргъиш!

Вегьедалди къат руг винел,
Къарагъ, гьикьван къаткин чилел!
Геж тахьуй кьил хкиз кьилел,
Амукьдач чун садан рик1ел!

Добавлено (03.04.2012, 23:54)
---------------------------------------------
Гьуьрметлубур! За квевай за кхьенвай и шиир гьи чи лезги хуьруькай ва гьи шаирдикай ят1а лугьун теклифзава.Килигин лезги литература низ хъсан чизват1а:

Къужахдавай тик гуьнейрин
Кьве жерге яз к1валерин ц1иргъ,
Пуд пад пуд вац1 тир са хуьрел
Каф ятари язава диргъ.

Зарб кваз катиз, акъваз тийиз,
А вац1ари гьуьжетзава,
Хуьруьн юкьвал машгьур шаир
Югъди-йифди гуьзетдава.

Вилив хуьзва ада рекьер,
Рагар падиз тухвай вичи,
Къе шегьреяр хьанвай гьяркьуь,
Яргъал мензил, къекъвей к1вачи.

Куьруь, пара четин уьмуьр
Кьисмет хьайи, турдаз девлет,
А шаирдиз гьайиф, гьайиф,
Гила анжах гана къимет.

Маканда сур жагъун тавур,
Вучиз адал я зун пехил,
Алакьдат1а халкьдиз жуван
Жез гьам хьтин завай векил?


--------------------
Перейти в начало страницы
 
 
Сообщение 04.04.2012, 17:06
Сообщение #15


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Зи хуьруькай туш)шаир Кь.Саид яни?


--------------------
Перейти в начало страницы
 
 
Сообщение 04.04.2012, 21:09
Сообщение #16


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Жаваб дуьзди туш.Генани фагьума.


--------------------
Перейти в начало страницы
 
 
Сообщение 04.04.2012, 21:38
Сообщение #17


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
'фагьума'-вуч лагьай гаф я?


--------------------
Перейти в начало страницы
 
 
Сообщение 04.04.2012, 21:55
Сообщение #18


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Пуд вац1 авай хуьр гьи райондик акатзавайди я?)
Как я поняла,Макан-Родина.Гзаф шаирар Махачкалада кучукнава,чаз гьинай чир хьуй ам гьи шаир ят1а?


--------------------
Перейти в начало страницы
 
 
Сообщение 05.04.2012, 00:07
Сообщение #19


Марифатлу
Группа: ЛезгиЯр
Сообщений: 328
Регистрация: 27.01.2011
Из: Норвегия
Пользователь №: 62
Отсутствует

 
Ст1ал Сулейман ят1а, адан сур Мах. паркуна ава.


--------------------
Перейти в начало страницы
 
 
Сообщение 05.04.2012, 00:21
Сообщение #20


Марифатлу
Группа: ЛезгиЯр
Сообщений: 328
Регистрация: 27.01.2011
Из: Норвегия
Пользователь №: 62
Отсутствует

 
Кьве вац санал акахьиз Усугъчайдал акуна белки ана пуд лагьайдини ава? unsure


--------------------
Перейти в начало страницы
 
 
Сообщение 05.04.2012, 11:55
Сообщение #21


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Шиирда вац1арилай гъейри ганвай лишанар мад ава.Фагьум ая.


--------------------
Перейти в начало страницы
 
 
Сообщение 05.04.2012, 14:51
Сообщение #22


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Уфф...Амай куплетрин зун гъавурда акьунач)


--------------------
Перейти в начало страницы
 
 
Сообщение 15.04.2012, 11:43
Сообщение #23


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Винидихъ ганвай шиир за Алибег Фатаховакай кхьенва.Адан хайи хуьр Цмуррин хуьруьн патаривай пуд вац1 авахьзава: Гюльгери-чай, Мехкер вац1 ва Ричал вац1.

Мад заз куь фикирдиз Зубера Гамзатовадин за урус ч1алай таржума авунвай "Багъишламиша" шиир гъизва, гьуьрметлу сайтдин иштиракчияр:

Багъишламиш ая, вуна, азизди,
Багъишламиш, физва текдиз туна вун,
Уьмуьр гурай ваз аллагьди яргъалди,
Амма садран эхиримжи йикъалди
Ви рик1из т1ар тавурай гьич са т1алди...

Багъишламиш ая, вуна, азизди,
Рекье тамир вилералди сефил тир,
Чизвач кьилел къведайди, бейхабар я...
Шезва зи рик1, къвезвайдини къагьар я,
Къвазвайбурни селлер галай марфар я...

Багъишламиш ая, вуна, к1аниди,
К1амач уьмуьр табдин юкьва авай заз,
Тефиз ви сес ван текъвезвай ахвариз,
Ина садбур къув яз, садбур гьарайиз,
Жезвач завай сак1ан т1алдиз давайиз...

Эвера заз, эвер вуна азизди,
Куьчери луж яз хкведа патав ви,
Гатфар бере сегьер-сегьер пакамахъ
Рик1ин мани тамарзу яз кузвай вахъ,
Мад яда за ваз, азизди, хьухь ч1алахъ...

прага 2011


--------------------
Перейти в начало страницы
 
 
Сообщение 15.04.2012, 12:16
Сообщение #24


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Сагърай ynga909 вах,чаз пара бегенмиш хьана)


--------------------
Перейти в начало страницы
 
 
Сообщение 09.05.2012, 04:56
Сообщение #25


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Cт1алар

Дамахзава гьарда вичин макандал
Акъвазиз к1анзавач зазни гуьгъуьна,
Пуд Ст1алар алхишзавай Шагь дагъдал,
Фонарар хьиз гуьнейралла куьк1уьна.

Ст1алрикай гзаф ава манияр,
Ст1алрин т1вар машгьурди я дуьньядиз
Пуд Ст1алар- пуд стха я, архаяр,
Сад галачиз тежедайбур ярамиш.

Сифте къвезва зи хайи хуьр, Винист1ал,
Къайи гьамга къарасуйрин чешме тир,
Гьейран жеда аватайла межлисрал
А жемятдал, хатур хуьниз чешне тир.

Кьуланст1ал, юкьва авай багъларин
Еришар ви лайихлу я тарифриз,
Ягъанва вун ви стхайрихъ, гьунаррин
Къелейрихъ хьиз, кутугнавай игитриз

Шииратдин Мекке Агъаст1алар
Гьар гатфарихъ ухшар жеда куьнуьдиз,
Алт1ушзавай вирт1ед пар гвай мугьманар,
Къимет гузвай ширин лезги манидиз.

Вуч гуьрчег я ст1ал сегьер чигедин
Рап-рапзавай нур чук1уриз ракъина,
Зи Ст1алар алмасар я Куьредин
Къагьриманрин тураравай женгина.

Дугунарни, паласарни Къазмаяр
Какахьнавай авадан я Ст1алар,
Сергьятсуз я океанар авахьай
Пуд Ст1алрин Кпул ятар, булахар.

Заз куьнени куь хайи маканрикай тарифдин ц1арар кхьена к1анзава. Ни давамарда?

Добавлено (28.04.2012, 18:00)
---------------------------------------------

Гатфарин гуьзел апрелдин варз куьтягь жезва, играмибур!Элкъвена килиг кьуд патахъ! Т1ебиатдин гуьрчегвал вуча!!!

Апрель 2012

Апрелдин варз. Цуьк авунва тарари,
Гуьзелвилел гьейранзава инсанар.
Къвазин легьзе, атир ч1угван, крари
Гатфар бере гузвачт1ани мажалар.

Ингье, машмаш акъвазнава гваз дамах,
Шумуд йис тир инсаф тийиз къаяри,
Шефтел, п1ини, алучаяр, хват, чахчах
Безетмишай кьунвай сиренд валари.

Инал ша вун!- галч1урзава гьуьжетиз,
Килиг, зи ни атирлу я, нефеса!
Пагь, рангарин ичин цуьквер! Гуьзетиз
Сусар хьиз я чуьхвер тарар ц1арц1е са.

Катзава зун и хилелай а хилел:
Тухар ийин- цуьквед уьмуьр я куьруьд,
Кьада емиш гьарда вичин. Са цуьрцел
Гьисабна за ширван п1ини ц1емуьжуьд.

Берекатлуд хьурай и йис. Шазанда
Шадарначир зуламаз кьуьд атана.
Кьурай ч1улав хурма, инжир бустанда
Ама гьеле ат1уз зи гъил татана,

25.04.2012 flirt :flirt: flirt

Добавлено (09.05.2012, 04:56)
---------------------------------------------
Гьурметлубур, квез виридаз Гъалибвилин сувар за рик1ин сидкьидай мубаракзава. Чи игит ч1ехи бубайриз за ихьтин ц1арар бахшзава:

Игит бубайриз

Иштиракнач за дяведин ц1аяра
Кашни мекьни кужумнач зи жендекди,
Гъалибвилин югъ алукьдай йикъара
Дамахдин фурс гьиссзава гьар белегди.

Зи яшдавай, зи аялрин яшарин
Таяр тир куьн жегьил рушар, гадаяр,
Гьа куьне хьиз, ягъугъ, гьахълу крарин
Рекье чан гуз гьазур я чи балаяр.

Уьмуьрдин са пай хьайи чи къулайди
Куь гьунар я, къуватни я, агалкьун,
Муькуь пай чаз имтигьан я. Вахкайди
Ахтармишдай акьул вуч я, алакьун.

Багъишламиш ая куьне азизбур,
Агакь тавур гьакъи ч1угур зегьметдин,
Гьахъвилихъни гьахъсузвилихъ танишбур
Сагьибар тир халкьдин еке гьуьрметдин.

Инанмиш хьухь, ч1ехи дявед аскерар
Кьадар гила гьисабзавай туп1арал,
К1ват1ал жеда гьар 9-майдиз дестеяр
Алхишзавай Гъалибвилин суварал!!!


--------------------
Перейти в начало страницы
 
 
Сообщение 09.05.2012, 19:12
Сообщение #26


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
ynga909 вах,пара хъсан шиир я.Сагърай Куьн)


--------------------
Перейти в начало страницы
 
 
Сообщение 31.10.2012, 20:47
Сообщение #27


Ц1ийи кас
Группа: ЛезгиЯр
Сообщений: 6
Регистрация: 28.10.2012
Из: Азербайджан
Пользователь №: 627
Отсутствует

 
Инсан я зун...Инсанвал заз
Куьтягь тежер девлет я зи,
Инснвилин къилих квайдаз
Гьуьрмет аву хесет я зи.

Абдул Муталибов.


--------------------
ЯРГУНВИ
Перейти в начало страницы
 
 
Сообщение 02.11.2012, 13:45
Сообщение #28


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Яргунвидиз(Абдул Муталибоваз) жаваб

Инсанвал квай инсанар чахъ
Пара тирдахъ инанмиш я,
Кьилин лишан гьахъни нагьахъ
К1ватзавайдахъни таниш я.

Шад я гьакьван и гуьруьшдал,
Зи бендери авунал ван,
Яратмишин, гьалтда туьшдал,
«Лезгияр» сайт я чи макан.

Къилих садбур, хесет садбур
Къуват я женгинин рекье,
Жергеяр хьуй, ша мад, буюр,
Инсанвал квай гьар са бенде.


--------------------
Перейти в начало страницы
 
 
Сообщение 02.11.2012, 14:58
Сообщение #29


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
...Лезгийрин насигьатар...

Абур маса гумир

Агъур ацукьна,агъур къарагъ.

Алакь тийир кардик экеч1мир.

Алачир гаф лугьумир.

Аялрин арада тафават твамир.

Вилиз такур кардихъ агъамир.

Вилер амаз,чинал кап эциг.

Вири гана чил къачу.

Гаф адан къадир авай инсандиз лагь.

Гзаф кьинер кьазайдахъ агъамир.

Гзаф яб це,т1имил рахух.

Гимичи гимидай акъудмир.

Гешила рекьиз хьайит1ани,чуьнуьхмир.

Гъиле кьур кар кьилиз акъуд.

Душмандиз лук1вал ийимир.

Жанавурдал хеб тапшурмишмир.

Кар туьк1вейла,базарда акъвазмир.

Кьулан вац1у хьиз,кьве падни ямир.

Мугьмандиз чин чурмир.

Рекьидайлани итимвал хуьхи

Тар кьурайт1а,цил хуьх.

Цавук гурар кутамир.

Ч1арч1ин ц1илинал цуьк эк1ямир.

Яракь хциз яхъ.


--------------------
Перейти в начало страницы
 
 
Сообщение 02.11.2012, 16:14
Сообщение #30


Жегьил
Группа: ЛезгиЯр
Сообщений: 27
Регистрация: 27.03.2012
Из: Российская Федерация
Пользователь №: 460
Отсутствует

 
Накъвадин ст1ал, хъсан жедай, эгер гьарда вич мисалдин гъавурда гьик1 акьазват1ани кхьенайт1а.

месела, "цавук гурар кутамир" мисалдин гъавурда вун гьик1 акьазва?


--------------------
Перейти в начало страницы
 
Форум ЛезгиЯр » Общий форум » Жуван чlалал » яратмишунар-рик1 аладарунар (вири яратмишарунал рик1алайбуруз теклифзава)
Страница 1 из 212»
Поиск: