Статистика Форума
Обновленные темы
Популярные темы
Активные лезгияр
Новые пользователи
Кино какое п... Ответов [ 16 ]
Шиирар Ответов [ 245 ]
Статьи на ак... Ответов [ 38 ]
Выдающиеся л... Ответов [ 41 ]
Музыкальное ... Ответов [ 200 ]
Вопросы-отве... Ответов [ 1154 ]
Анекдоты Ответов [ 383 ]
Загадка-Логи... Ответов [ 355 ]
Красивые кар... Ответов [ 331 ]
Без гласных Ответов [ 328 ]
Слезинка Постов [ 2616 ]
Лань@Админ Постов [ 664 ]
LezGiYar Постов [ 594 ]
Ярушк@ Постов [ 489 ]
Lek5 Постов [ 328 ]
Spartak09Дата [ 08.12.2016 ]
NannaДата [ 07.12.2016 ]
AlpangirlДата [ 07.12.2016 ]
liaДата [ 03.12.2016 ]
ШахбановДата [ 02.12.2016 ]
Новые сообщения · Участники · Правила форума · Поиск · RSS
Страница 2 из 2«12
Модератор форума: ДозаСчастьЯ, Ярушк@ 
Форум ЛезгиЯр » Общий форум » Жуван чlалал » Владик Батманован яратмишунар. ("Билбил" ктабдиз акъатнавай шиирар)
Владик Батманован яратмишунар.
 
Сообщение 15.11.2013, 20:37
Сообщение #1


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 


Жегьил шаир, публицист, «Билбил» ктабдин кирам (автор), тамада, ДГУ-ди студент,«Куьредин Ярар» тlвар алай медениятдин макандин член, почетный сотрудник Международного Союза Литераторов «Гюлистан» Батманов Владик Нафирович 1995 йисан 16 октябрдиз Дагъустан Республикадин Хорельрин хуьре дидедиз хьана. Гъвечlи чlавалай халкьдин манийрал, махарал, мисалрал, мискlалрал рикl алаз чlехи хьайи жегьилди эдебиятдиз вичин сифте камар вегьезва...
http://lezgi-yar.ru/news....14-1451
http://lezgi-yar.ru/news....17-1857


Шиир кхьихь,Владик!

Рикlе халкьдин тlал аваз,
Адан дерди-гьал акваз,
Мецел дидед ч1ал алаз,
Шиир кхьихь Владик!

Гьар са хъсан кардикай,
Ракъин экуь зардикай,
Вафалу тир ярдикай,
Шиир кхьихь Владик!

Суьруьйрикай дагъдавай,
Даим дамах-чагъдавай,
Билбилрикай багъдавай,
Шиир кхьихь Владик!

Жагъур ийиз гуьзелар,
Тесниф ийиз гъезелар
Машгьур ийиз Хуьрелар
Шиир кхьихь Владик!

Гуьзлемишиз акъвазмир,
Шиир кхьиз галатмир
Дуьз рекьелай алатмир
Шиир кхьихь Владик!



--------------------
Перейти в начало страницы
 
 
Сообщение 21.12.2013, 00:54
Сообщение #31


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Самур вац1


Къванер гатаз,физва Самур
Хайи хуьруьн къвалавай
Хъел ква адак,вучиз ят1ани
К1ан жемир физ патавай!

Сад Аллагьдиз зикирзава
Яшар хьанвай дидейри
Лезгийрикай фикирзава
Секинсуз тир лепейри...

Яраб,юкьвай кьац1 авунвай
Зи халкь мад сад жедат1а?
Самур вац1,вуе тахсир кьунвай
Гьакимриз ван къведат1а?

Нил вац1ни заз а ви къвалав
Лап гъвеч1и тир булах я
Владикани,къвез ви патав,
Ийизвайди дамах я.

Чизва:к1ан я,азадвал гуз
Ваз кьве патан инсанриз
Самур,вуна,эхир са къуз
Къван гудайди часпарриз!


--------------------
Перейти в начало страницы
 
 
Сообщение 21.12.2013, 01:01
Сообщение #32


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Чуьнгуьр


Зи рик1 пашман хьайи ч1авуз
Ч1угвада за вун зи хуруз
Вахъ галаз са мани лугьуз
Заз лап к1ани кар я,чуьнгуьр.

Атайла ви ван япариз
Шад жеда,пагь,чи рушариз
Килиг садра куьн туп1ариз
Билбилдиз ухшар я чуьнгуьр.

Буш тахьурай гьич ви симер
Пехил тахьуй къунши эллер
Гурлу ийиз мелни мехъер
Чаз гьар югъ сувар я,чуьнгуьр.

Кьуд патахъди чук1уриз ван
Манидал гъиз зи ширин чан
Симер алай ви нехиш тае
Ашукьрин сардар я чуьнгуьр.



--------------------
Перейти в начало страницы
 
 
Сообщение 21.12.2013, 01:12
Сообщение #33


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Дуьньяда

Эй,дуьнья,чаз вакай мус хьуй чара?
Къекъвезва вун девлетлуяр кьаз к1ула
Вучиз кесиб бамишзава,тваз фура
Пул квайбуруз девран яни дуьньяда?

Гьахъ ксарин гафар тийиз гьич саймиш
К1анзавани ваз абур ийиз бамиш
Ша зи патав,гьахъвал ая на дадмиш
Кесиб бес ваз гьайван яни дуьньяда?

Дуьнья,гьикьван вун зал жеда гьавалат
Гуз гьамиша, анжах,заз хуп1 хажалат
Яргъаз хьухь вун,залай асантдиз алат
Гьахъвал квай кас душман яни дуьньяда?

Кьазвач вуна кесибди гай саламни
Тарашзава кесиб,течиз гьарамни
Сад Аллагьди алажда гьа ви хамни
Чун вири мугьманар я и дуьньяда!



--------------------
Перейти в начало страницы
 
 
Сообщение 21.12.2013, 01:19
Сообщение #34


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Ашукь Абдул

Ви гуьзел ван атайла зи япариз
Гамиша шад жедайди тир гуьгьуьлар
Куллугънай на ви лезги пак халкьариз
Ашукь Абдул,ви сес ама япара.

"Темпелар" мани ягъайла сегьнедал
Пехил,алчах душман хьана хаин вал
Амма душманриз къалурнач зайифвал
Ашукь Абдул,ви сес ама япараю

Симер т1арам чуьнгуьр кьуна на хурал
Гуьзел сес гваз экъеч1дай вун сегьнедал
Чепер дагъдин къалурзавай гуьзелвал
Суьрет ама чи вилера,Абдул,ви.



--------------------
Перейти в начало страницы
 
 
Сообщение 21.12.2013, 01:26
Сообщение #35


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Баде
(Рабият бадедин экуь къаматдиз багъишзава)

Лай-лай ягъиз йифиз-юкъуз зи кьеп1ин к1ане
Ахвар хана,гелкъведай вун захъ,азиз баде
"Ксус.бала,азиз бала,вун я зи куьрпе..."
Лугьуз,мани ягъиз,жедай вун чуплах к1вале.

Кашни мекьни эхна вуна четин вахтарин
Зун к1уллалаз къайгъу ч1угваз жедай къушарин
Акунач ваз са югъ регьят къецин суварин
Залан парар ялна вуна уьмуьрдин къене.

Буржлу яз зун уьмуьрлухда амукьдайди я ваз
Гьалал ая вуна ч1угур а зегьметар заз
Мани вакай лугьуда за,хурал кьуна саз
Нур къурай ви,чан зи баде,женнетдин к1вале!



--------------------
Перейти в начало страницы
 
 
Сообщение 21.12.2013, 01:31
Сообщение #36


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Гатфариз

Гьар жуьре ахъайна цуьквер
Иер жеда тамни чуьллер
Туна хуьре ванер-сесер
Хкведа къушар гатфариз.

Пашман жедач гьич гатфариз
К1ани вахт я гатфар рик1из
Гьар экуьнахъ мани ягъиз
Цел фида рушар гатфариз.

Атай ч1авуз гъенел гатфар
Тешкил жеда "Яран сувар"
К1валахрив эгеч1да халкьар
Жеда чаз эквер гатфариз.



--------------------
Перейти в начало страницы
 
 
Сообщение 21.12.2013, 01:36
Сообщение #37


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Шарвили


Лезги халкьар душманрикай хвенай на
Халкьари ваз "игит" лагьай т1вар гана
Валай чешне къачузва къе гьар сада
Туруналди дагъ пад авур Шарвили.

Чи тарихдин нетижайрин к1ват1 я вун
Гьар са жегьил аскердин къуват я вун
Чи игитар лигимардай чад я вун
Игит халкьдин эпос хьанвай Шарвили.

Гьар са йисуз вун рик1ел гъун сувар я
Гьар са лезги Шарвилидин лувар я
Душманриз ам лап дак1ан тир ахвар я
Ви рекье чун авазва къе,Шарвили.



--------------------
Перейти в начало страницы
 
 
Сообщение 21.12.2013, 01:45
Сообщение #38


ЛезгиЯр
Группа: ЛезгиЯр
Сообщений: 2616
Регистрация: 02.12.2011
Из: Российская Федерация
Пользователь №: 284
Отсутствует

 
Кьве ц1арар

Къулугъ ая на ватандиз
К1ан жедайвал вун ви халкьдиз.


Ибадат ая Аллагьдиз
Дарман жедайвал дердиниз.


Ч1уру хесетар квай инсан
Гьич садазни жедач масан.


Душман чилел атай ч1авуз
Хци тур гваз алад хуруз.


Атайла ви чилел душман
Гьайиф къвемир чан гуз жуван.


Гъурбатдикай жедач ватан
Лагьайт1ани ваз,вун я к1ан.


Газур ят1а халкьдин рекье
Душмандин вун къекъуьгъ геле.


Гъурбатдай ваз,эй,мусурман
Дар жедайди я сурун лакьан.


Ктабдивай тежен яргъаз
Ам гьамиша куьмек я чаз.


Ктабдикай хкуд лезет
Ви ругь патал ам я девлет.


--------------------
Перейти в начало страницы
 
 
Сообщение 15.12.2014, 18:44
Сообщение #39


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Вун иер я

Рик1ик гъейрид гьич акатзвач, 
Мад рушарив зун рахазмач, 
Маса рушар заз аквазвач, 
Валай иерд акунач заз!

Гьуьруь хьтин икьван иер, 
Лацу чинал яру хъуьхъвер
П1узарални алай пак хъвер ,
Валай иерд акунач заз!

Кифер дабан гатазавай, 
Ширин мецел рахазавай, 
Т1авус къуш хьиз аквазавай,
Валай иерд акунач заз!

Вун гуьрчег я цуькверилай, 
Цава авай гъетерилай, 
Вун вегьеч за гъилерилай, 
Валай иерд акунач заз!

Чи вахт къведа ая сабур, 
Т1армир зи рик1 ,хуьх зи хатур, 
Рушарикай икьван акур 
Валай иерд акунач заз!


--------------------
Сагърай Лезгияр!
Перейти в начало страницы
 
 
Сообщение 15.12.2014, 18:46
Сообщение #40


Марифатлу
Группа: ЛезгиЯр
Сообщений: 489
Регистрация: 04.05.2012
Из: Российская Федерация
Пользователь №: 500
Отсутствует

 
Гъамлу я рикl...


Гьижрандив кlур гуз тамир зи гьиссерриз.
Зи багьади,рекьида чи муьгьуьббат.
Ахъайна на зун баябан чуьлериз,
Агудмир зав муьгьуьббатдин мусибат.

Гъамлу я рикl гьар вун рикlел хтайла.
Ви гелериз килигиз,агь,шехьзава.
Ви милайим сес япариз татайла,
Къаргъиш ийиз илгьамди зун нехьзава.

Жегьил уьмуьр акъатна зи гъилерай,
Кар алачиз ви гуьгъуьна серфна за.
Вун рикlеваз нагъв авахьиз вилерай,
Цlуь накъвариз гьакl гьавайда гана за.

Хъуьрез-рахаз даим гъейри инсандив,
Гъамлу я рикl вун яргъалай акурла.
Гьижрандин пар агатзава зи чандив,
Хъуьрез-рахаз вун захъ галаз такурла.

Гъамлу я рикl агатнава дердер зав,
Адет хьанва вакай фикир авун заз.
Рикlин къене бахтсузвилер хьанва дав,
Атай йикъар физва даим гьижран гваз.

Зун,Владик,бахтлу касдал пехил я,
Ярдихъ галаз гъилер кьуна къекъвезвай.
Айиб мийир бахтсуз хьайи жегьил я,
Нагъв рикlеваз винелай гагь хъуьрезвай.


--------------------
Сагърай Лезгияр!
Перейти в начало страницы
 
Форум ЛезгиЯр » Общий форум » Жуван чlалал » Владик Батманован яратмишунар. ("Билбил" ктабдиз акъатнавай шиирар)
Страница 2 из 2«12
Поиск: