Поддержим Лезгинский бизнес
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 680
Реклама
Реклама
Катетер фолея 2 ходовой женский - женский катетер www.unicmed.ru.. Как правильно выбирать мешки для мусора stometrovka.com.ua.
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 8
Мугьманар: 7
Иштиракчияр: 1
Roma

Сегодня нас посетили:

 
Главная » 2013 » Ноябрь » 17 » Владик Батманов: «Лезги халкьдин хва я зун!»

11:18
Владик Батманов: «Лезги халкьдин хва я зун!»

Владик Батманов: «Лезги халкьдин хва я зун!» Владик Батманов: «Лезги халкьдин хва я зун!»
Гьуьрметлу чи ЛезгиЯр сайтдин иштиракчияр, къе чна жегьил шаир Владик Батмановахъ галаз хьайи суьгьбет куь фикирдиз гъизва.

Жегьил шаир, публицист, ДГУ-дин ва социально-педагогический колледждин студент, Владик Нафирович Батманов 1995-йисан 16 октябрдиз Мегьарамдхуьруьн Хуьрелрин хуьре дидедиз хьана. Ам «Билбил» ктабдин кирам я.

- Владик стха, Куь къелемдикай хкатай сифте шиир квекай хьана? 

За жуван сифте шиир 2010-йисан декабрдин эхирдай кхьейди зи рик1ел хъсан алама. Къейд авуна к1анда хьи, зи сифте шиир вичи даим верц1и ванцел элдин гуьгьуьл хурам ийизва, бахтавар билбилдикай хьана. А шиир 2011 – йисан февралдин вацра чи райондин «Самурдин сес» газетда чапна. Лезги эдебиятдин диб кутур Етим Эминан ва дуьньядиз машгьур хьайи «ХХ – асирдин Гомер» Ст1ал Сулейманан сифте шииррни билбилдикай тир. Зун аламат я. Им дуьшуьшдин кар туш.

- Куь чапдай акъатай «Билбил» ктабдин кьет1енвилерикай  са ихтилат ая.

«Куьредин ярар» т1вар алай медениятдин маканда зи «Билбил» т1вар алаз улуб басма авуна. Ктабдин рецензия машгьур шаир-сатирик Сажидинан къелемдикай хкатна. Улубдин  редакторвал шаир Ахмедпаша Ахмедпашаева вичин хивез къачуна.Ктаб пуд паюникай ибарат я:

1 – «Шиир кхьихь, Владик!»
2 – «Муьгьуьббатдин вилаятда»
3 – «Багъшаза за»

Сад лагьай паюна ватанпересвилин, инсанпересвилин, т1ебиатдин темайриз майилвалзава. Кьвед лагьай паюна к1елчи муьгьуьббатдин гьиссерихъ галаз таниш жезва. Пуд лагьай паюна Дидедиз, шаирриз, ашукьриз бахшнавай эсерар гьатнава.

Ктабдиз «Билбил» т1вар гунин себеб ам я хьи, жуван сифте шиирни билбилдикай тир. И кар себеб яз за жуван улубдизни «Билбил» т1вар гана. Инанмиш я зун к1елчийри ктабдиз акъатнавай шиирар хуш кьабулунал.

- Куь яратмишунра муьгьуьббатди еке чка кьазва. Квевай Куь эсериз хас тир муьгьуьббатдикай вуч лугьуз жеда?

Муьгьуьббатди гьар инсандин яшайишда кьет1ен роль къугъвазвайди шак алач. Муьгьуьббатдикай шиир кхьин тавур, адан т1ал дамарра къекъуьн тавур шаир дуьньядал бажагьат ала. И кар себеб яз, зи яратмишунрани бахтсуз ва бахтлувилин атир квай шиирри сирнавзава. Лагьана  к1анда хьи, заз даим бахтсуз темадиз хас тир шииррикай лезет гуда. Лагьай фикирдиз къуват яз лугьун хьи, «Ярдин т1ал», «Бахтсуз муьгьуьббат», «Эхиримжи гуьруьш», «Агата зав», «Зи яр», «Ярдин ният», «Сувун т1ула» ва маса эсеррин т1варар кьаз жеда. Анжах гуьрчег, яргъи кифери далу гатазвай лезги рушарин тарифар квай эссерар яратмишзава. Къуй бахтлу хьурай рик1е пак муьгьуьббат авай жегьилар. Аминь!

- Квехъ илгьам кутазвай, куь рик1е чка кьазвай к1ани руш авани? Владик стха, и суал чи иштиракчийриз пара итижлу жедайди я лугьунал зун ягъалмиш жеч.

Эхь, ава захъ зи жегьил рик1из илгьам гъизвай руш (т1вар кьун кутугнаваз аквазвач заз) чуьнуьхдач за. Адан муьгьуьббатдиз хас тир шиирри зи яратмишунрин хазинада зурба чка кьазва. Гьатта,адаз бахшнавай «Муьгьуьббатдин ханум» т1вар алай цикл зи шииратдин вилаятда кьил цава кьуна къекъвезва. Ам хизандин чешнедиз диганвай руш я. Гележегда адахъ галаз хизан арадал гъунал зун Аллагьди гъидайди инанмиш я.

- Къуй гьа куь кьведан рик1ериз к1андайвал хьурай, стха. Нубатдин суал Азербайджан пата уьмуьрзавай лезги шаиррикай я. Куьн гьихьтин алакъада ава?

Азербайджан пата къелем хци, рик1 михьи лезги шаирар гзаф ава. А жергедик Вагиф М, Эйваз Г, Билал А, Сархан Я,Римма Гь, Лале С. ква лагьайт1а зун ягъалмиш жеч. Шаиррихъ галаз за интернет бинедалаз алакъа хуьзва. И мукьвара заз зари Вагиф Муьшкуьрвиди «Лезги поэзиядин антология» ктабдик вичи зи кьве шиир кутунвайди муштулух гана. Ихьтин муштулухри зи алакъадин сергьятар Азербайджан патан шаиррихъ галаз мадни гегьеншарзава.

- Алай вахтунда Куьне шиирар анжах Дидед ч1алал кхьизва. Куь шиирар маса ч1алариз таржума ийизвани?

Эхь,ийизва. Зи шиирар урус ч1алаз таржума авунал Гюзеля Гасанова, Бести Нифтиевв ва Сулейман Ахцегьви машгъул я. Заз абуруз пара кьадар сагърай лугьуз к1анзава. Абурувай зи гьиссер агакьариз жезва.

- Квехъ Куь яратмишунрикай ибарат тир «Билбил» ктаб авайди малум я чаз. Алай вахтунда Куьне нубатдин ктабдин винел к1валахзавани?

Лезги халкьдин хва я зун. Халкьдиз къуллугъ авун, жуван шииррал гуьгьуьл хурам авун зи кьилин ферз я. Завай шиир кхьин тавуна акъвазиз жедач эхир. Шиир  зи нефес я. «Шаир дуьньядиз шиирар гваз къведа» - лагьанай заз ч1ехи зари Эйваз Гуьлалиева. Дугъридани, кьел квай, гьакъикъи гафар я. Сагърай Вич! Ктаб акъудун шарт1 туш. Дерин,мана квай, к1елчидиз тагьсирдай шиирар арадал гъун гьам шаирдин кьегьалвал я. Заз исятда ктаб акъудунин рекье серфдай декьикьаяр авач. Аллагьдихъ умуд кваз 3-4 йисалай ктаб акъуддай ниятар ава захъ.

- Гележегда Квехъ гьихьтин фикирар ава?

За алай вахтунда очно ДГУ-дин филфакдин 1 курсуна ва заочно социально-педагогический колледждин 3 курсуна жуваз чирвилер къачузва. Пешедин жегьетдай рахайт1а, захъ гьар жуьредин фикирар ава. Авайвал лагьайт1а, заз эвел жуван тержиба хкажун, жуван чирвилерин сергьятар гкгьенш авун зи алай вахтунда мурадни макьсад я. Амма гележегда гьихьтин пешедин иеси жедат1а чаз, гьелбетда, вахтуни къалурда.

- Жуван чирвилер артухарзавай, дат1ана к1елунал машгъул тир вахтунда чаз интервью гуниз азад вахт жагъурунай сагърай Куьн. Квехъ агалкьунар хьун лезги халкьдин мурад я.

Куьнни сагърай.

Сайт «ЛезгиЯр»

Лезги халкьдиз къулугъзавай,
Чун дуьньядиз къалурзавай,
Зи ч1ал, тарих машгьурзавай,
Лезги халкьдин Сайт «ЛезгиЯр».

Элдикай чи хабарар гуз,
Чи гьар са кар вилик тухуз,
Авазва вун йифиз-юкъуз.
Лезги халкьдин сайт «ЛезгиЯр».

Лезги халкьдин портал





Ниже приведены схожие материалы:

Похожие новости по теме:

Категория: Лезгины в России | Просмотров: 3198 | Добавил: LezGiYar | В материале упоминаются: Владик Батманов
 
 
17.11.2013 19:22
 
Аллагьди хуьрай вун чи лезги жегьил шаир:-):-)вахъ мадни еке агалкьунар хьурай:-):-):-)
Ответить       +4  
Спам

2 Sivas  
 
 
19.11.2013 11:00
 
интересная фамилия
Ответить       0  
Спам

3 КIук  
 
 
19.11.2013 14:44
 
" ..... Нубатдин суал Азербайджан пата уьмуьрзавай лезги шаиррикай я. Куьн гьихьтин алакъада ава?"

Кьулан вацIун а пата авай лезгийри садани Азербайджан пата уьмуьр ийизвайди туш. Лезгияр чпин хайи чилерал, чпин ивини руьгь квай ватанда я авайди. Кьибле патан Лезгистанда авай Лезгияр къе цIапарикайни, курдрикайни, еразрикай икрагь хьанва. Кьибле патан Лезгистандиз чи душман халкьар цIапарин гьукуматдин чIехибуру гъиз чи чилерал ахъайзава.ИкI хьайитIа са къад йисалай Лезги чIал я КцIара, я маса лезги хуьрера ван хъжедач.
Ответить       0  
Спам

 
 
20.11.2013 18:09
 
...Азербайджан пата уьмуьр ийизвайди туш.

яшамиш жезвай лагьай гаф я.(синонимы)

вуч к1ант1ани хьуй зи гафни гьа и арара аваз хьуй лугьузвайбур я куьн..
Ответить       +2  
Спам

 
 
20.11.2013 18:21
 
Уьмуьрзавайбур звучит так, как будто Лезгины там пришлые. Умуьрзавайбур могут быть в Москве, в ХМАО и так далее.

"вуч к1ант1ани хьуй зи гафни гьа и арара аваз хьуй лугьузвайбур я куьн.."
Ваз тахьайтIа гьамиша ина ви дуст юнисан гаф хьана кIанзавани????
Ответить       -1  
Спам

 
 
20.11.2013 18:29
 
зи кьил т1а ийимир..

Ваз тахьайтIа гьамиша ина ви дуст юнисан гаф хьана кIанзавани????

кими тахьун зурбаз я квехъ галаз
Ответить       +2  
Спам

9 MIRSAMIR  
 
 
20.11.2013 18:30
 
Если мы будем соблюдать правила сайта ЛезгиЯр,проблема не будет не у кого и будем мирно общаться,без оскорбление ! Спасибо за внимание !
Ответить       +1  
Спам

 
 
19.11.2013 23:47
 
A имя вообще супер. Один раз мы обсуждали его имя советовали как нибудь поменять свое имя. Мало того, что пригнорировал так еще раз здесь появился. Что делать, Аллагь нам судья
Ответить       0  
Спам

 
 
20.11.2013 17:44
 
вуч хьанва адан т1варц1из?
Ответить       +1  
Спам

17 Leks  
 
 
21.11.2013 21:09
 
леки анжах латын ч1алал
Ответить       -1  
Спам

10 Leks  
 
 
21.11.2013 00:23
 
Лезги ч1алал кхьин тавурбуруз за экъуьгънава
Ответить       0  
Спам

 
 
21.11.2013 10:43
 
Владиказ Лезги халкьдин хва хьун патал чна адаз ахпа Лезги тIвар гуда!
Ответить       0  
Спам

 
 
21.11.2013 10:44
 
Владик хъсан гада я!
Ответить       0  
Спам

 
 
21.11.2013 10:44
 
Владик пис гада туш!
Ответить       0  
Спам

 
 
21.11.2013 10:47
 
...гьикI кхьидатIа чизвач Владиказ!
Ответить       0  
Спам

 
 
11.05.2015 16:53
 
чизадя адаз гьик! кхьизат!а
Ответить       0  
Спам

 
 
21.11.2013 10:49
 
Чна Владиказ цIийи тIвар гайила, адаз чир жеда гьикI кхьидатIа!
Ответить       0  
Спам

 
 
21.11.2013 10:50
 
Аваз хьурай Владик!
Ответить       0  
Спам

avatar