Статистика Форума
Обновленные темы
Популярные темы
Активные лезгияр
Новые пользователи
Лезгинские с... Ответов [ 37 ]
ЛЕКАРСТВА — ... Ответов [ 1 ]
Знакомства д... Ответов [ 37 ]
Ашрафов Камр... Ответов [ 9 ]
Собираемся Ответов [ 2 ]
Вопросы-отве... Ответов [ 1150 ]
Анекдоты Ответов [ 383 ]
Любимые или ... Ответов [ 257 ]
Шиирар Ответов [ 245 ]
Музыкальное ... Ответов [ 213 ]
Слезинка Постов [ 2159 ]
Лань@Админ Постов [ 643 ]
LezGiYar Постов [ 565 ]
Ярушк@ Постов [ 376 ]
Lek5 Постов [ 326 ]
BahtiДата [ 03.03.2024 ]
Alpanvi_177Дата [ 01.03.2024 ]
СултанДата [ 28.02.2024 ]
MFetiyevДата [ 26.02.2024 ]
DmitriusikДата [ 03.12.2023 ]
Новые сообщения · Участники · Правила форума · Поиск · RSS
  • Страница 1 из 2
  • 1
  • 2
  • »
Модератор форума: ДозаСчастьЯ, Ярушк@  
Форум ЛезгиЯр » Общий форум » Жуван чlалал » Владик Батманован яратмишунар. ("Билбил" ктабдиз акъатнавай шиирар)
Владик Батманован яратмишунар.
 
Сообщение 15.11.2013, 20:37
Сообщение #1


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 


Жегьил шаир, публицист, «Билбил» ктабдин кирам (автор), тамада, ДГУ-ди студент,«Куьредин Ярар» тlвар алай медениятдин макандин член, почетный сотрудник Международного Союза Литераторов «Гюлистан» Батманов Владик Нафирович 1995 йисан 16 октябрдиз Дагъустан Республикадин Хорельрин хуьре дидедиз хьана. Гъвечlи чlавалай халкьдин манийрал, махарал, мисалрал, мискlалрал рикl алаз чlехи хьайи жегьилди эдебиятдиз вичин сифте камар вегьезва...
http://lezgi-yar.ru/news....14-1451
http://lezgi-yar.ru/news....17-1857


Шиир кхьихь,Владик!

Рикlе халкьдин тlал аваз,
Адан дерди-гьал акваз,
Мецел дидед ч1ал алаз,
Шиир кхьихь Владик!

Гьар са хъсан кардикай,
Ракъин экуь зардикай,
Вафалу тир ярдикай,
Шиир кхьихь Владик!

Суьруьйрикай дагъдавай,
Даим дамах-чагъдавай,
Билбилрикай багъдавай,
Шиир кхьихь Владик!

Жагъур ийиз гуьзелар,
Тесниф ийиз гъезелар
Машгьур ийиз Хуьрелар
Шиир кхьихь Владик!

Гуьзлемишиз акъвазмир,
Шиир кхьиз галатмир
Дуьз рекьелай алатмир
Шиир кхьихь Владик!



--------------------
Перейти в начало страницы
 
 
Сообщение 15.11.2013, 20:57
Сообщение #2


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Билбил

Гьар са инсан я вал гьейран
Чагъдава вун гьализ девран
Акурлахъди дигай бустан
Хкажда на ви сес,билбил!

Виринра ви ава тариф
Куьтягь жезвай гатфар гьайиф
Тахьурай гьич ви ван зайиф
Чи гуьгьуьлдин гьевес,билбил!

Гьикьван хьурай кьакьан тарцел
Ша зи патав,ацукь къкьнел
Вавди рахаз ширин мецел
К1анзава зи рик1из,билбил.

Гьиниз физва,лув гуз цавуз
Туна багъда зун ик1 ялгъуз?
Мугьман хьухь заз,мани лугьуз
Санал девран гьалин,билбил!




--------------------
Перейти в начало страницы
 
 
Сообщение 15.11.2013, 21:08
Сообщение #3


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ватан

Эй,зи ватан,зи хайи чил
Вун акваз зи шад я гуьгьуьл
Ат1урди туш вахъай зи вил
Зи бахтунин сегьер,Ватан!

Ватан к1ани я зун инсан...
Къурбанд я ваз зи ширин чан
Хуш я ваз зи багъни бустан
Авадан хьуй бегьер,Ватан.

Икрамзава за ви т1варц1из
Гуьзелвал ви хуш яз рик1из
Ширин я гаф "Ватан" мециз
Зи манини хъвер я Ватан.




--------------------
Перейти в начало страницы
 
 
Сообщение 15.11.2013, 21:47
Сообщение #4


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Лезги Чил

Ви сергьятрихъ авач кьадар -
Дуьзен чуьллер,Шалбуз дагълар..
Гьейран я вал къунши халкьар
Гьикьван масан я леги чил!

Вун акурла,даим рик1из
ашкъи къвезва шиир кхьиз
Т1ебиатдин гьар цуькведиз
Диде ватан я лезги чил.




--------------------
Перейти в начало страницы
 
 
Сообщение 18.11.2013, 00:57
Сообщение #5


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Лезгияр

Лезги тама зун пеш къалин къавах я
Зи лезги халкь Дагъустандин дамах я
Халкь дак!анди заз хаин я,алчах я
Чи лезгивал квадар тийин,лезгияр!

Лезги халкьдин рик1ин къастар михьи я
Адан тарих,Шалбуз дагъ хьиз,рехи я
Россия дуст тир лезги халкь ч1ехи я
Чи лезгивал квадар тийин,лезгияр!

Гьажи Давуд - пайдах лезги рухвайрин
- Лезгивал хуьх! - веси я чи бубайрин
Даим тереф хуьх чун к1ани архайрин
Чи лезгивал квадар тийин,лезгияр!




--------------------
Перейти в начало страницы
 
 
Сообщение 19.11.2013, 00:26
Сообщение #6


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Лезги Ч1ал

Эй къадим тир,зи лезги ч1ал
Вири халкьар гьейран я вал
Рагъ я вун нур вегьезвай чал
Уьмуьрдин гатфар лезги ч1ал...

Къачунва зи дамах меци
Лезги ч1алан гаф яз хци
Авац зат1 заз валай верц1и
Бахтунин лувар лезги ч1ал

Лезги гафар - ругьтин девлет
Ч1алаз,халкьар,ая гьуьрмет
Авайди туш ч1алан къимет
Рик1ин шагь дамар лезги ч1ал.




--------------------
Перейти в начало страницы
 
 
Сообщение 19.11.2013, 22:10
Сообщение #7


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Хва я зун

Кьилел живед бап1ах алай
Шагь дагъларин хва я зун
Вич женнетдиз ухшар авай
Къацу багъдин хва я зун

Ватан жуван уьтквемдиз хуьр
Тур гъидевай хва я зун
Квадар тийир ву санал т1уьр
Дуствал к1ани хва я зун

Халкьдин гуьгьуьл шадарзавай
Саз гъиллелай хва я зун
Къе лезги халкь шадарзавай
Самур вац1ун хва я зун




--------------------
Перейти в начало страницы
 
 
Сообщение 19.11.2013, 22:12
Сообщение #8


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Дагъви я зун

Шаир я зун,сифте камар къачузвай
Жуваз чидай,акур-такур лугьузвай
Чурурда за зи шииррин гафарал
Бязи ксар,халкьдиз хийир тагузвай

Шаир я зун,азадвилин гелевай
Билбилдин сес авай чуьнгуьр гъилевай
Дагъви я зун асландин рик1 къеневай
Шарвили я,гафуни дагъ ат1узвай




--------------------
Перейти в начало страницы
 
 
Сообщение 19.11.2013, 22:12
Сообщение #9


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Гъурбат

Минетзава за,Аллагь,Ваз
Гъурбат такуй лугьуз гьич заз
Ватан лугьуз жедач патаз
Жуван муг заз гьам ватан я

Гъурбатда дар жеда рик1из
къайи ядни (уь)ц1уь жез мициз
Кьуьзуь жеда,Валлагь,течиз...
Гъурбатдин гьава залан я

Жуван ватанда я зун шад
Гъурбатдин заз такурай дад
Акурт1а зи рик1 жеда пад
Валлагь,гъурбат заз дак1ан я.




--------------------
Перейти в начало страницы
 
 
Сообщение 20.11.2013, 23:18
Сообщение #10


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ватан я им чи

Душманрин хуруз уьтквемдиз фейи
Халкьдиз мидаим куьмекар гайи
Пак лезги халкьдиз азадвал гъайи
Кьегьал рухвайрин ватан я им чи

Гатфарин либас - гьар жуьре цуьквер...
вуч ава,лагь,мад куьне заз иер!
К1ват1зава чна емишрин бегьер...
Берекатар гур ватан я им чи

Гьикьван гуьзел я чилерни цавар!
Гьар са югъ я чи гуьлуьшан, сувар
Шад хуррам хъуьрез гадаяр,рушар
Са хизан хьанвай ватан я им чи.




--------------------
Перейти в начало страницы
 
 
Сообщение 20.11.2013, 23:24
Сообщение #11


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Я Аллагь!

Къати жезва зи рик1ин т1ал
Акурла и дуьньядин гьал
Гьахъвал тестикь тийиз са гьал
Вучиз гьахъ лал я,чан Аллагь!

Пул авайди ава к1венк1ве
Акьулсуз кьил кьуна вине
Зайифдакай ат1уз тике
Им вуч гьал я,я чан Аллагь?!



--------------------
Перейти в начало страницы
 
 
Сообщение 20.11.2013, 23:41
Сообщение #12


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Дуьнья

Кесиб гьалдиз тагуз къимет
Гузва вуна даим зиллет
Садбуруз мал,бегьер,девлет
Кесибдиз - дар лакьан,дуьнья?

Халкьдиз вуна гузва вафат
1уру яз ви тартиб,суфат
Яргъаз хьухь вун,завай къакъат
к1андач заз жез са къван,дуьнья

Халкьдиз вакай жезва так1ан
Къакъуд мийир чавай ватан
Ви гуьгъутна аван шейт1ан
Гьахъвал ус хьуй,я чан дуьнья?

Пул авайдахъ агатиз вун
Зерре саймиш ийизвач чун
Ваз чир хьухь,зани ваз лугьун:
Валлагь,вун я шейт1ан,дуьнья.




--------------------
Перейти в начало страницы
 
 
Сообщение 21.11.2013, 14:17
Сообщение #13


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Кхьизва за

Жуван хайи ватандикай
Адан четин виждандикай
Шарвили хьтин асландикай
Рик1ел хкиз,кхьизва за

Кесибрин гьал акваз вилиз
Зерре кьарай авач рик1из
Тамам фикир текъвез кьилиз
Шиир,шехьиз,кхьизва за

Сабур авай инсандикай
Гьахъвал хуьзвай тарландикай
Бахтлу кесиб хизандикай
Лайих гафар кхьизва за

Гуьзел ярдин вилерикай
Абуруз ухшар гъетерикай
Зи рик1евай гьиссерикай
Гуьзел ч1алар кхьизва за

Жуван хайи дидедикай
Заз гайи пак нек1едикай
Ада ч1угур "шеледикай"
Рик1ин гафар кхьизва за

Четинвилер эх авуна
Азадвилихъ рехъ авуна
Умудар керчек авуна
Уьмуьрдикай кхьизва за.



--------------------
Перейти в начало страницы
 
 
Сообщение 21.11.2013, 19:11
Сообщение #14


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Инсан хьунухь квяй я ,дустар!

Ацукьна са чими к1вале
Къелем кьуна жуван гъиле
Агъзур хиял аваз рик1е
Шиир кхьин квяй я ,дустар!

"Акьахна са кьакьан тарциз
Хилел алай блбилди хьиз
Жуван ярдин тариф ийиз
Мани лугьун квяй я,дустар!

Гьар экуьнахъ,гьатиз рекье
Ктаб,дафтар кьуна гъиле
Алем чирун аваз рик1е
Мектебдиз фин квяй я,дустар!

Чир хьун жуваз гьуьрмет,хатур
Адетар хуьз,бубайрин тур
Герек хьайит1а,чанни кваз гуз
Инсан хьунухь квяй я,дустар!




--------------------
Перейти в начало страницы
 
 
Сообщение 21.11.2013, 20:25
Сообщение #15


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Хъсан тир

Кесибдин мал вагьшивилелдтарашдай
Зегьмет так1ан гъилер кьуьнтел еъакъаждай
Зайиф бенде,сура туна,алаждай
Намерд ксар авачирт1а,хъсан тир.

Чидачт1ани чпиз алем,я "А","Б"
Къалдай чеб,на лугьуди,я Каабе
Гьар гьафтеда чпихъ тахьай я арбе
Фурсухъанар хьаначирт1а,хъсан тир

Фитнедин сел къурдай гьахълу инсанрал
Чпин акьул зурбаз аквар гьайванрал
Агъуламишдай дуьз крар,иланрал
Патахъ крчар хьанайт1а,лап хъсан тир.



--------------------
Перейти в начало страницы
 
 
Сообщение 21.11.2013, 20:37
Сообщение #16


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Самур

Мет1ер яна,ашкъи аваз
Жеда зун ви ширин яд хъваз
Дидед ч1алал завди рахаз
Вун ван алаз физва,Самур.

Дагълар яз ви ватан хайи
Мурк1ар ц1рай ятар къайи
Гъурбат галай патахъ,гьуьлуь
Эвер гайла,физва,Самур

Акунай ваз шумуд душман
Четинди тир а дегьзаман
Гуьгьуьл ханва ви къецин къан
Так1ан патахъ физва,Самур

Ви яд патал акъатна къал
Халкь хьанва къе кьве патал
Артух ийиз лезгидин т1ал
Вун гьи гьуьлуьз физва,самур?

Ажалди зи кьадалди чан
Зи япара хьурай ви ван
Фагьумна кар пакад йикъан
За вал гъида абур,Самур.




--------------------
Перейти в начало страницы
 
 
Сообщение 22.11.2013, 23:32
Сообщение #17


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Муьгьуьббатдин вилаятда



--------------------
Перейти в начало страницы
 
 
Сообщение 23.11.2013, 00:19
Сообщение #18


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
К1аниди

Зун дуьньядал туна ялгъуз
Акурла зун,вуна наз гуз
Са низ ят1ани на чан лугьуз
Им вуч хабар,чан к1аниди?

Гайи саламни кьан тийиз
Захъ галаз гьич рахан тийиз
Зун патавни на тан тийиз
Вахъ вуч хьанва,чан к1аниди?

"Эхь" лагь на заз,т1армир зи рик1
Вун такваз зун я хьин гъарик1
Кьурурмир зун жуван вилик
Ая са дарман,к1аниди

И дуьньядал,икьван гуьзел
Ви шикил за хуьзва гъилел
Чун кьвед санал ширин мецел
Мус рахада,чан к1аниди?




--------------------
Перейти в начало страницы
 
 
Сообщение 24.11.2013, 14:55
Сообщение #19


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ярдин т1ал

Вун галачиз,хъуьт1уьн йифер
За пашмандиз акъудзава
Захъ авай и ц1ару вилер
Ви тандихъ лап магьрумзава

Санал хьайи ихтилатри
Зи рик1 михьиз ц1урурзава
Кьилиз тефей фикирри зун
Чан аламаз,кьурурзава

Ви киферихъ галаз къугъваз
К1анзавай зи жегьил рик1из
Амма хьанва къе лал зи саз
Алай симер юзан тийиз.



--------------------
Перейти в начало страницы
 
 
Сообщение 24.11.2013, 15:04
Сообщение #20


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Вун галачиз

Фана дуьнья,куьз вахчуна зи кьисмет
Куьз ганач на санал тир югъ чаз кьведаз?
Фикир тир зи хъвада лугьуз за шуьрбет..
Куьз кьисметна зи умудар чарадаз?

Гьал ч1уру я,гила вун заз гьатзамач
Недай ризкьи,хъвадай ядни к1анзмач
Ахварайни вун гила зав рахазмач...
Куьз кьисметна зи умудар чарадаз?

Тамарзлу яз туна ярдин киферихъ
Квахьна ахвар ,дуст авуна йиферихъ
Амач амач,килигдай кьван,вилерихъ..
Куьз кьисметна зи умудар чарадаз?

Юкъуз-йифиз яр карагиз вилерикай
Атирдин ял галукьзама ичеркай
Адан вилер пайда жезва гъетеркай ...
Куьз кьисметна зи умудар чарадаз?

Саздин симер шехьзава яр галачиз
Уьмуьрдикай вучда за,яр амачиз
Муьгьуьббатдин лук1 я зун,яр авачиз...
Кьисметнани зи умудар чарадаз?




--------------------
Перейти в начало страницы
 
 
Сообщение 04.12.2013, 18:57
Сообщение #21


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Рик1ин къене хуьзва за вун

Ви шикилдай аквазва заз
Гузвайди хьиз вуна ,руш,наз
К1ан жемир ваз зун кьилди таз
Рик!ин къене хуьзва за вун.

Ацукьнава пенжердал вун
Гуьздемишиз аквар гьал, зун
Гуьзел руш,за къе ваз лугьун:
Рик1ин къене хуьзва за вун.

Са зерре на фикир мийир
Тамамдаказ хьурай ваз чир
Гъилел кьуна жуван чуьнгутр
Рик1ин къене хуьзва за вун.

Мус аквада вун заз лугьуз
Шикилдиз ви теменар гуз
Гуьзлемишиз йифиз-юкъуз
Рик1ин къене хуьзва за вун.

Чан,ширинди,чан,азизди
Дуьньядал чун тахьуй кьилди
Мус илифда вун чи к1вализ
Жуван рик1 хьиз хуьзва за вун!




--------------------
Перейти в начало страницы
 
 
Сообщение 04.12.2013, 19:11
Сообщение #22


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Зи илгьамдикай ваз

Зи илгьамдин тарцел алай пешерал
К1анивилин дарман - миже илича
Акурт1а вун,ацукьзаваз чилерал
Илгьамдикай ви к1аник жеда халича.

Элкендаваз физ хьайит1а вун эгер
Рум гудай жеда илгьамдикай лепеяр
Алудайт1а на рик1елай зун мегер
Уьц1уьрда ада кьилкл кьакьан тепеяр

Зи ашкъидин вилаятдиз,азизди
Къвез хьайит1а,шиирдикай жеда лувар
Мугьман хьана,амукьайт1а яргъалди
Ийида вав ада ширин суьгьбетар

Зи пак илгьам мугьман хьана хиялриз
Эбеди яз мягькем тир муг ийида
Килиг гьа,ваз к1ан жемир муг чук1уриз
Гьа мукал ви чубарук хъвез-хъфида




--------------------
Перейти в начало страницы
 
 
Сообщение 06.12.2013, 23:03
Сообщение #23


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Бакуда авай ярдиз чар

Пак гьиссервай гвяйна вуна ви к1вачер
Вучиз завай яргъа хьанва,азизди?
Зи илгьамдал вучиз гьалчна на къванер
Вуч тахсир ваз акуна зай,азизди?

Кхьихь вуна заз,энгелвал тавуна
Гьи тахсирдин иеси зун хьанат1а
Шаир гада,Дагъустанда тек туна
Вучиз Баку шегьерда вун ават1а

Белки,а руш себеб я жал,зав рахай?
Салам гана паркуна зав гъил вугай?
Гьадахъ гиссер пайзавай хьиз хьанва жал
Тахьайт1а ваз закай фитне ганва жал?

Чи арада савайни гьатиз жедач
Чи к1анивал фитнедивай кьат1 жедач
Чи гьиссерал чна кьведа гел тийин
Гьиссерикай чаз накъварин сел тийин!

Рик1ел хкваш чи санал тир легьзеяр
Чун кьвед къекъвей гуьнеярни мегьлеяр...
Хъсан тушни,абур рик1ел хвейт1а?
Вучда ахпа,эгер рик1ер къайит1а?

Т1алабун я:хъша вун зи ватандиз
Фагьум-фикир ая вуна хъсандиз
Бахтлуди хьурай чун кьвед авай гуьлуьстан
Ватан хьурай чи кьведан к1вал - Дагъустан!




--------------------
Перейти в начало страницы
 
 
Сообщение 17.12.2013, 20:20
Сообщение #24


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Бахшзава за





--------------------
Перейти в начало страницы
 
 
Сообщение 17.12.2013, 20:37
Сообщение #25


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ша,илиф вун Хуьрелдал!
Мегьамед Ибрагимоваз.

Пак суфрайрик няметар кваз
П1узар хъуьрез,ширин рахаз
"Ильгьамдин сегьер" ктаф гваз
Ша,илиф вун Хуьрелдал!

Ваз и хуьре дуст ават1а
Вун кьегьал пак лезги ят1а
Заз эгер гьуьрметзават1а
Ша,илиф вун Хуьрелдал!

Цуьк акъатай багълар авай
Цуьквер хьтин рушар авай
Вич женнетдих ухшар авай
Ша,илиф вун Хуьрелдал!

К1анзават1а ваз хайи эл
Акъвазмир кьве рекьин сивел
"Хуьрел" т1вар алаз ви мецел
Ша,илиф вун Хуьрелдал!

Зи Хуьрелар женнет багъ я
Пакам серер пак са рагъ я
Ам к1анибур даим сагъ я
Ша,ша,илиф Хуьрелдал!




--------------------
Перейти в начало страницы
 
 
Сообщение 17.12.2013, 21:01
Сообщение #26


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ч!ИМЧ!ИР

"Ч1имч1ир" лугьуз зи п1узарри эвезда
Гъам-хажалат рик1из хьайи береда
Ви пак суьрет вилерикай карагда
Таакурла ви ажайиб тан,зи ч1имч1ир

П1инид тарцел ацукьна хьиз,лап сегьер
Твазва вуна хуьре ширин ви сесер
К1евелай вал гьейран я хьи чи нуьк1вер
Гуьгьул пашман такуй гьа чаз,ъи ч1имч1ир

Шаир я зун,вакай шиир кхьизвай
Ви гьахъвилел садрани шак тийизвай
Гъвеч1и ят1ан,а ваз икрам тийизвай
Садни авач къушарикай,зи ч1имч1ир

Вун сефил яз акурла,зун сефил я
Чи кьведанни рик1ер пара гъафил я
К1анзавайди шад межлисдин гуьгьуьл я
Шад ая ман чи гуьгьуьлар,зи ч1имч1ир!




--------------------
Перейти в начало страницы
 
 
Сообщение 17.12.2013, 21:09
Сообщение #27


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Шаир Алирза

Шииратди цуьк акъудай береда
Вучиз вуна чка кьуна мягьфеда?
Яратмишиз женни "къванцин бахчеда"?
Чи арадай вучиз фенай,Алирза?

Уьмуьрдин дад тамамдиз гьич такуна
Чи эбеди "уьлкведиз" вун фад фена
Асирривай ч1ур тежер са гел туна
Къакъатна вун чавай,шаир Алирза.

Пагь,накъвар къвез зи ц1ару тир вилерал
Аватзава ви ктабдин чарарал
Фиккирик кваз физва зунни ахварал
Чавай яргъаз хьана шаир Алирза.



--------------------
Перейти в начало страницы
 
 
Сообщение 21.12.2013, 00:15
Сообщение #28


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Сулейман

Лезгийрин ад машгъур авур дуьньядиз
Зурба я т1вар,Сулейман,ви халкьариз
Зерре кьванни к1елиз-кхьиз тийижиз
Яратмишай ядигарар,алай зар.

К1елайла на съездал ви шиирар
Гьейран хьана амукьналдай шаирар
"Гомер! лугьур Горькийди ваз ганай т1вар
И дуьньядиз машгьйрай твар,Сулейман.

Ви гьунарар Москвадани акуна
Ленинан пак орден вуна къачуна
Ви гьунарар вири халкьдиз акуна
Лезги халкьдин руьгьдин даях,Сулейман.



--------------------
Перейти в начало страницы
 
 
Сообщение 21.12.2013, 00:23
Сообщение #29


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Ашукь Сакит Куьчеридиз

Ви т1вар,Сакит,чи рик1ера авазва
Ви пак тир ч1ал даим мецел рахазва
Чуьнгуьр кьуна,зунни рекьел алазва
Гьайиф,ашукь чавай къакъат хьана хьи.

Халис устад,абур тир вун чуьнгуьрдин
Ашукь тир вун,сес авай са билбилдин
Зурба ашукь тир вун лезги чи халкьдин
Чуьнгуьр цлал,тек яз,баят хьана ви.

Машгьур хьанай ви т1вар вири дуьньядиз
Экъеч1дай вун пашман гуьгьуьл шадариз
Гич тай хьанач ви ажайиб сесиниз
Тезенаг ви гъиляй ават,хьана хьи.

Женнет багъда авай са билбил хьайи
Саздал алай симерикай са сим хьайи
Агьмеданни Саидан кьве вил хьайи
Гьайиф,ашукь,чавай къакъат,хьана хьи.



--------------------
Перейти в начало страницы
 
 
Сообщение 21.12.2013, 00:31
Сообщение #30


ЛезгиЯр
Группа: ЛезгиЯр
Сообщений: 2159
Регистрация: 02.12.2011
Из: Российская Федерация
Пользователь №: 284
Отсутствует

 
Диде

Ви пак ачух к1анивили
Муг авунва и зи рик1е...
Гьазур я зун вун паталди
Къурбанд ийиз зи чан,диде.

Пашман тахьуй а ви вилер
Гедкъведа зун вахъ лап иер
Рик1елай фич хъсанвилер...
Вун захъ авай сад я,диде!

Гузва за ваз ширин салам
Акун к1ан я заз вун сагълам
Шиирриз зи гузвай илгьам
Нурлу Зуьгьре гъед я диде.



--------------------
Перейти в начало страницы
 
Форум ЛезгиЯр » Общий форум » Жуван чlалал » Владик Батманован яратмишунар. ("Билбил" ктабдиз акъатнавай шиирар)
  • Страница 1 из 2
  • 1
  • 2
  • »
Поиск: