Поэзия Асефа МехманаВатан я зи Зи гьиссерин руьгьдин бегьер, Зи хайи чил, Ватан я зи. Зи уьмуьрдин экуь сегьер, Ватандин рехъ, виждан я зи. Чан зиди туш, чун патал я. Зи Ватандиз гун патал я. Ватан вични зун патал я, Ватан намус, рикI, чан я зи Накьвадин кIус жибиндаваз, Яргъаризни фида зун гваз. Зи Ватандии ширин аваз Зун сагъардай дарман я зи. Тестикьарда гаф кардал за, Зи камандал зи тардал за. Шадвалда шад хабардал за Ватан зи мез, чIал, ван я зи. Рик1ел жеда Гьикьван яргъаз хьайит1ани дагъларивай зун, Гьакьван артух диде-Ватан, к1вал рик1ел жеда. Заз дуынядин т1ям чирай, сифте хъвайи нек Мад дидеди авур лай-лай, ч1ал рик1ел жеда. Хайи хуьряй экъеч1ай югъ фейи жигъир, рехъ, Жува-жуваз къазанмишна къачур партал, пек. Гъил къакъажна къачур зегьмет, пелез атай гьекь, Сифте кирпич хкаж авур цал рик1ел жеда. Хьайит1ани гьамиша зун гуьзелрин юкьва, К1ани ярдин чинал алай хал, я заз мукьва. Мехъердайла дем кутур им, кьуьлерай чка, Жуван свасаз къачур пекдин шал рик1ел жеда. Ашукь хьунни и дуьнядал я еке девлет, Хьайиди туш ам садрани сергьятни къимет. К1анидазни чир тахьайт1а к1аяндан гьуьрмет, Ада чанда тур гьижрандин т1ал рик1ел жеда. |
Лента новостей
17.04.2024 03.04.2024 31.03.2024 30.03.2024 28.03.2024 22.03.2024 21.03.2024 20.03.2024 19.03.2024 19.03.2024 18.03.2024 14.03.2024 08.03.2024 ОПРОС
Рекламные публикации
13.03.2024 ЛезгиЯр на Facebook
Статистика
Наша Кнопка Онлайнда авайбур: 49 Мугьманар: 49 Иштиракчияр: 0 Сегодня нас посетили: |