Лезгинские народные песни (фольклор) - Форум ЛезгиЯр, лезги, лезгин, лезгины, лезги халкъ, лезгийриз, Лезги чiал, лезгияр

О сайте | Вопросы/Ответы | Словарь

Новости Сёла История Поэзия Голос Лезгин Народы Библиотека

Фото Видео Музыка

Статистика Форума

Обновленные темы

Популярные темы

Активные лезгияр

Новые пользователи

Подарок ребе...

Ответов [ 2 ]

Естественный...

Ответов [ 19 ]

Шиирар

Ответов [ 246 ]

обои	Ответов [ 1 ]

Ответов [ 2 ]

Ответов [ 1150 ]

Ответов [ 383 ]

Ответов [ 257 ]

Ответов [ 246 ]

Ответов [ 213 ]

Постов [ 2159 ]

Постов [ 643 ]

Постов [ 565 ]

Постов [ 376 ]

Lek5	Постов [ 326 ]

Дата [ 26.11.2024 ]

Дата [ 10.11.2024 ]

Дата [ 04.11.2024 ]

Дата [ 30.10.2024 ]

Дата [ 29.10.2024 ]

Новые сообщения · Участники · Правила форума · Поиск · RSS

Страница 1 из 1 1
Модератор форума: ДозаСчастьЯ, Ярушк@

Лезгинские народные песни (фольклор)

Лань@Админ	Сообщение 09.10.2011, 14:01 Сообщение #1
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Здесь будет собран лезгинский фольклор.) -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

LezGiYar	Сообщение 06.11.2011, 18:01 Сообщение #2
ЛезгиЯр Группа: Администраторы Сообщений: 565 Регистрация: 03.03.2010 Из: Азербайджан Пользователь №: 1 Отсутствует	ZUN LEZGİ YA Zun Lezgi ya. Zi Deeb,zi irs ya riklin damax, Kavkaz daglar, tunt Lezgi kul, Sharvili dayah. Pad Zheda rikl galtay chlavuz ca byazı alchah , Chileriz fı halkdal Lex giday lezgiyar. Şirin metsin chlalah hana, gadarna Kurkan, Sanikayni hanach ke Chaz, kvahna dıb nakan . Ginva damax, ginva Namus, layihval kakan, Viler michlna gelejehdih fıday lezgiyar? Chi bubayri hveyi pak gikl hana kve ? Chi devletar, Tarija, Edeb fizva ke Garay. Niz Van atuy Chilin tlaldin... cuza ya Garay, Stha techiz Varlu Mires Chiday lezgiyar! Usal akvaz saymish tiyiz viniyava zhuvanbur, Pachagarni Hanaro-Begler klanday patanbur, Chi Din, chi kin , ahni Namus tirni tapanbur , Juv aklahiz, charadaz nik guday lezgiyar!? Chung Chi chilel Iesi karkas ben Panagia geyrid Ben Şah pachag hanach zhuvan ben hanach Allag. Vuch FAD ANT kabulnachni garamni gunag, Giniz lezgival kurutma makinesi ki formu lezgiyar!? Mesliyat takvaz sada sadaz guda tagkimar, Sirer sadna urtah sa gar tejez myagkemar. K1uf virtleda, tum karada avay gakimar Ehna Yahuh kamal kuna huday lezgiyar! Chaz zı rugdin , chi insanrin kadir chız amac , Sada lagay GAF mukudan yapuz fiz amac, Bubani hwa - çipi chpel damax giz amac, Charadazni zhuvan hzan gigiday lezgiyar! Lezgidin GAF, lezgidin kIn klevi tushirni? Shergir, Vache, xacı Davud Lezgi tushirni? Chak kvaydini bes xaburın IWI tushirni? Karag klvachel, bubayrin tlvar huday lezgiyar! -------------------- В ЛС к администратору обращаются только с административными вопросами!

LezGiYar	Сообщение 06.11.2011, 18:03 Сообщение #3
ЛезгиЯр Группа: Администраторы Сообщений: 565 Регистрация: 03.03.2010 Из: Азербайджан Пользователь №: 1 Отсутствует	Лезги мани --- Демина манияр Мехъер кIвале дем ава. Мехъер кIвале тIем ава. Мехъер кIвалин гьаятда Са маса алем ава. Ша лагь яран дидедиз. Ша лагь чамран дидедиз. Лезгинка ягь, капар ягь. Ша лагь сусан дидедиз. Кайванияр сад хьурай. Кайванияр шад хьурай. Гъенел алай къавумар Вири санал кIватI хьурай. Рушар атуй кьуьлериз. Сусар атуй кьуьлериз. Папари кьуьл тавуртIа, Регъуь хьурай гъуьлериз. Ша лагь яран бубадиз. Ша лагь чамран бубадиз. Ван чукIурай мехъерин Вири элдиз, убадиз. Кайванияр сад хьурай. Кайванияр шад хьурай. Гъенел алай къавумар Вири кIвализ кIватI хьурай. Фад атурай тамада. Шад атурай тамада. Арачидиз эрекь це, Хъвадай такьат куматIа. -------------------- В ЛС к администратору обращаются только с административными вопросами!

Лань@Админ	Сообщение 06.11.2011, 18:04 Сообщение #4
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Перизада Бахчейраван къизилгуьлер Перизада, гъай, гуьзел яр Къизилгуьлер я Семендер Перизаде, гъай, гуьзел яр. Зав килигай катран вилер Перизада, гъай, гуьзел яр Ваз тахьунлай, сад аман яр Перизада, гъай, гуьзел яр. Къацы векьин къеняй (о) къугIай Перизада, гъай, гуьзел яр Бахтавар хуьй ичин жалгъа Перизада, гъай, гуьзел яр. Шалбуз дагъдиз сагьар къуртIа Перизада, гъай, гуьзел яр Яраб жедатIа кани гада -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Лань@Админ	Сообщение 06.11.2011, 18:05 Сообщение #5
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	ДИДЕ РИК!ЕЛ ХТАНА ЗИ Куьчедай кьил туна чиле, К!ек!ес аваз гьар са гъиле. Физ акурла къари куьзуь, Диде рик!ел хтана зи. Къекъвез тижез тир ам зайиф, Акурла заз хьана гьайиф. Гьайифти рик! ат!ана зи, Диде рик!ел хтана зи. Жедай вичин кьудкъад йисан, Зи дидедиз тир ам ухшар. Хьана мазди вич сад кьваншар, Диде рик!ел хтана зи. Къекъвез тижез тир ам зайиф, Акурла заз хьана гьайиф. Гьайфти рик! ат!ана зи, Диде рик!ел хтана зи. Акур къалай вич заз сифте, Алат хьайла шумуд гьяфте. Гьефтедилай хьана хесте. Диде рик!ел хтана зи. Гьефтедилай хьана хесте, Сурал цуьквер десте-десте, Тхуй,Рик!ел атана зи, Диде рик!ел хтана зи. -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Лань@Админ	Сообщение 06.11.2011, 18:07 Сообщение #6
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Кавха Заз мекьида, чан диде. Къвезвани зи ван, чан диде? Заз мекьида кавал гъваш, Кавхадин свас къавал гъваш. Дагъдин чина дагъ ава. Дагъдин чина багъ ава. Кавхадин свас чирагъ я, Адан чина рагъ ава. Заз мекьида, чан диде. Ваз хьурай зи ван, диде. Заз мекьида кавал гъваш, Кавхадин свас къавал гъваш. Дагъдин синел къав ала. Тавдин синел къав ала. Кавха кIваляй катнава. КIвалин гъенел гав ала. Заз мекьида, кавал гъваш. Кавхадин свас къавал гъваш. Заз мекьида, чан диде, Хьухь баладин ван, диде. Дагъда къаяр бул жеда. Багъда къаяр бул жеда. Свас чи кIвализ къведалди Зи чанда мекь-фул жеда. Заз мекьида, чан диде, Хьухь зи ширин ван, диде. Заз мекьида, кавал гъваш. Кавхадин свас къавал гъваш. -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Лань@Админ	Сообщение 06.11.2011, 18:08 Сообщение #7
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Арачи Я арачи, арачи, Ша акъвазмир гара чи. Мелер ава пара чи, Кьуьлер ама фадра чи. Я арачи, арачи, Вахт къачумир пара чи. КIелер ава пара чи. Гам амазма тара чи. Я арачи, арачи, Ша акъвазмир хура чи. ЦIуру жеда хара чи, Вун атIуда яра чи. Я арачи, арачи, Ша ягъмир ара чи. Дустар жедач чара чи. Ви кьил гьатда сара чи. Я арачи, арачи, Ша атIумир чара чи. Вакай тахьуй къарачи, Чакай тахьуй арачи. -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Альтаир	Сообщение 06.11.2011, 23:16 Сообщение #8
Жегьил Группа: ЛезгиЯр Сообщений: 31 Регистрация: 02.11.2011 Из: Казахстан Пользователь №: 249 Отсутствует	А почему бы аудио не записать? песня ведь. --------------------

LezGiYar	Сообщение 07.11.2011, 15:42 Сообщение #9
ЛезгиЯр Группа: Администраторы Сообщений: 565 Регистрация: 03.03.2010 Из: Азербайджан Пользователь №: 1 Отсутствует	Quote (Альтаир) А почему бы аудио не записать? песня ведь. Эти песни уже записаны, это слова песен. -------------------- В ЛС к администратору обращаются только с административными вопросами!

ЖикIияр	Сообщение 07.11.2011, 16:01 Сообщение #10
Жегьил Группа: ЛезгиЯр Сообщений: 11 Регистрация: 18.10.2011 Из: Российская Федерация Пользователь №: 236 Отсутствует	Арачидин мани Ягь, гада, ягь, гада. Ша манияр лагь, гада. Ягь, гада, ягь, гада. Вун я къенин шагь, гада Ягь, гада, ягь, гада. Мад чIугвамир агь, гада. Ягь, гада, ягь, гада. Вуч хъсан я, пагь, гада. Лагь, гада, лагь гада. На манияр лагь, гада. Ягь, гада, ягь, гада. -------------------- Лучшее украшение жизни - хорошее настроение.

Лань@Админ	Сообщение 07.11.2011, 16:19 Сообщение #11
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Сир гьикI гуда (лезгинская народная песня) Гур булахдин къайи цикай Са истикан яд це на заз. Гада, за вав гъил гьикI гуда, Белки несиб жедач жал ваз. Бахтавар хьуй Эслидин йугъ, Мулдин цуьквер сурал алай. За вав рикIин сир гьикI гуда, Ярдин лишан хурал алай. Тарал алай лацу пIини, Гар галукьна яд хьанайтIа. Маса къайгъу жедайни заз, Чи кьведан рикI сад хьанайтIа. Эта песня есть в исполнении гр. "Сувар", которую вы можете скачать ЗДЕСЬ* и послушать.* -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Лань@Админ	Сообщение 09.11.2011, 17:45 Сообщение #12
ЛезгиЯр Группа: ЛезгиЯр Сообщений: 643 Регистрация: 11.10.2010 Из: Российская Федерация Пользователь №: 18 Отсутствует	Силибирдин цуьк (исп. анс. "Сувар") Силибирдин цуьк, Нив гватlа ви рикl? Тlатlайтlа за вун, Гькl хьурай, лагь гьикl? Алукlна зард пек, Ава вун гуз рекlв. Зи руьгь юзуриз, Къекъвемир вун тек. Векьерал таз гел, Физвани вун цел? Илчияр хьуй ваз Силибирдин эл. Гарал алайди, Гара авайди, Мехъерин сумаг Тара авайди. -------------------- В ЛС к администратору обращаются только с административными вопросами! Человек, который почувствовал ветер перемен, должен строить не щит от ветра, а ветряную мельницу. ©

Альтаир	Сообщение 13.11.2011, 19:01 Сообщение #13
Жегьил Группа: ЛезгиЯр Сообщений: 31 Регистрация: 02.11.2011 Из: Казахстан Пользователь №: 249 Отсутствует	Спасибо админы за музыку цю чанар сагъ хьуй!!!!! :yes: :yes: --------------------

Слезинка	Сообщение 25.10.2012, 21:16 Сообщение #14
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Гатфар атайла лугьудай мани Атана чаз гатфар Авуна чна яран сувар Амач гила живер,мурк1ар, Чаз бул хьана селлер, вац1ар. Мулдин цуьквер гъере-гъере, Чубарукар,вили лифер - Ажеб гуьзел вахт я гатфар. --------------------

Слезинка	Сообщение 04.11.2012, 21:27 Сообщение #15
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Зегьметдикай бендер... Экуьниилай нисиналди Чан векь ягъиз векьевай яр. Нисинилай негъеналди Хана дергес,рекьевай яр. Данахъардин булахарал Къара к1елер хуьзвай яр. Йиф малариг,югъ куьтендал, Чан ахварар хазавай яр. На яцариз ишт лагь гада, Ви яцаркай шивер хьуй,яр. На куьтендал гъил илиса, Ви гьар хула къизил хьуй,яр. Гуьзел ярди гвен гуьзава, Мукалдин хур чилелай физ. На жафаяр низ ч1угазва, Къизил гьекь ви пелелай физ. Кьакьан дагъдин кук1вал алаз, Кук1вал алаз,гвен гуьдай руш. Ви зирингвал заз акурла, Хуп1 хьанани вун рик1из хуш. --------------------

Слезинка	Сообщение 08.11.2012, 19:04 Сообщение #16
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Свас гъиз атайла,гададин патай рушари... Къумдин къавар,къумдин къавар, Саламалейк я къавумар! Къавумрин къава гуьзгуь, Це лагьай свас алагуьзлуь. Алагуьзлуь майдандава. Пекдин шалар гардандава, Пуд булахдин яд рекьева, Чиди наврузбег агъа я. Свас къизилгуьлдин чагъа я. Перизада Шагьселемаз, Кагьрабаяр гъваш къелемаз. Чи рушари лугьузава: Ви гапурдин къаг къацу пас. Ви гапурдин къаг къацу пас, Фад акъудир чи лацу свас.)) --------------------

Слезинка	Сообщение 08.11.2012, 20:05 Сообщение #17
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Цуькверин суварик лугьудай манияр... Чепер суван дигай яйлах, Шагь ацукьай къайи булах. Къайи булах михьиди я, Шагь Аллагьди гайиди я. *** Чепер сувуз фейи рушар, Мегьид хивел к1ап1ал хьана Ярди вугай са к1аь гамиш Савда ат1ай туп1ал хьана. --------------------

Слезинка	Сообщение 08.11.2012, 20:29 Сообщение #18
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Хипер дагъларай арандиз куьч жедайла,лугьудай: Я леле,я леле, Рекье циравар ава. Я леле,я леле, Цираврихъ тумар гала. Я леле,я леле, Гатфарин са хабар я, Я леле,я леле, Циравар бахтавар я. Я леле,я леле, Ч\|емни ниси бул жеда. Я леле,я леле, Гьардахъ ац\|ай къул жеда. --------------------

Слезинка	Сообщение 08.11.2012, 20:45 Сообщение #19
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Гьар няниз вацраз эвер гунин мани... Хата гъуц - Алапехъ, Вахъ зерелар гала,пехъ. Чавай хьухь вун яргъа, Бакъушдин - лап мукьваз. Атар,Мен секин тур, Алпанд вун ида кур. Хуькуьрмир на элдик, Вун Генан хьуй хьелдик. Чан гъуцар,куьн шад фад, - Алапехъ ая пад. --------------------

Слезинка	Сообщение 10.11.2012, 17:45 Сообщение #20
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Цанар цаз яцар акъуддайла... Цурай акъуддайла,яцар хъсандиз михьдай,абурун к\|вачер ва крчар чуьхуьдай,к\|вачерин кикер ч\|емеда твадай,крчаривни гардандив ч\|ем гуьц\|дай,гарданра птикар твадай ва лугьудай: Куьн ирид къат гужлу хьуй,яцар! Куь мярекат гурлу хьуй,яцар! Чили куь к\|вачер кьурай, Куь к1вачери чил кьурай! Куь векь к\|уьгьуь хьуй! Куь рехъ яргъи хьуй! Гъуцари куьн т1алрикай хуьрай! Гъуцари куьн пилийрикай хуьрай! Гъуцари куьн иланрикай хуьрай, Ният ч1уру шейт1анрикай хуьрай! Вач,алад,чан масанбур, Чаз цанар цуз,чан хъсанбур! --------------------

Слезинка	Сообщение 10.11.2012, 18:34 Сообщение #21
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	...Цанар цаз эгеч1дайла... Ник1ин къерехдал инсанар к1ват1 жедай.Абуру гьазурвилер ийидай:гьерер тук1вадай,фу чрадай... Ирид ч1улав гьер тук1уна- Ирид ч1улав гьер чрана, Ирид ч1улав гьер ргана. Ирид фарин гъуьр сафунай яна. Гъуьр санихъ авуна, Палар санихъ авуна. Ирид акадик ц1амар кутуна, Ирид акада ц1ай авуна. Ирид акадин фар чрана, Паларикай киц1ин хап1а авуна. Паларин хап1а ирид чакуна цана. --------------------

Слезинка	Сообщение 10.11.2012, 21:45 Сообщение #22
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Яран сувариз, къавуз кул гуз-гуз,ик1 лугьудай: Цавун рекьер ат1ана, Эрен вахар атана. Хуьре-хуьре къекъвена, К1вале-к1вале къекъвена. Сана т1уьна афарар, Сана т1уьна хинк1арар. Вири чпиз акуна, Чеб садазни акунач. Эренрив гва хабарар. Квачир чпик тапарар. Куьне тадиз кьивер це, Рагъ-бубадиз эвер це! Цифер марфар анихъди, Ракъар варцар анихъди! Пепе-шепе т1имил хьуй, Ник1ера бул техил хьуй! Ц1аяр чна куьк1уьрна, Йиф ч1агайди т1уьк1уьрна. Эрен вахар хъфизва, Абурун крар туьк1уьзвач!.. --------------------

Латифа	Сообщение 27.02.2013, 13:17 Сообщение #23
Жегьил Группа: ЛезгиЯр Сообщений: 15 Регистрация: 11.02.2013 Из: Российская Федерация Пользователь №: 786 Отсутствует	АЙ ГУЬЛУЬМ Гадади: Кьакьан синел за сил цада, (2 сеф.) За сил цада къушариз гуз. За жибинда ичер твада, (2 сеф.) Цел физавай рушариз гуз. Ай гуьлуьм, буьлбуьлим, жейраним, (2 сеф.) Чан эрзиман, алагуьзли. (2 сеф.) Руша: Кьакьан синел сил цаналди, (2 сеф.) Сил цаналди, сил жедай туш. На жибинда ич туналди, (2 сеф.) Ич къачудай руш жедай туш. Ай гуьлуьм, буьлбуьлим, жейраним, (2 сеф.) Чан рикI алай шуьше къелем... (2 сеф.) Гадади: Таз тараллай пад яру ич, (2 сеф.) КIеник феналд, аватдани? РикIиз кIани ярдихъ галаз (2 сеф.) Къекъуьналди, галатдани? Ай гуьлуьм, буьлбуьлим, жейраним, Зардин ягълух хуравай руш. (2 сеф.) Руша: Таз тараллай пад яру ич, (2 сеф.) КIеник феналд, аватдайд туш. РикIиз кIани ярдихъ галаз (2 сеф.) Къекъуьналди, галатдайд туш. Ай гуьлуьм, буьлбуьлим, жейраним. (2 сеф.) Ваз чи хуьре тай авайд туш. (2 сеф.) --------------------

Латифа	Сообщение 18.03.2013, 13:49 Сообщение #24
Жегьил Группа: ЛезгиЯр Сообщений: 15 Регистрация: 11.02.2013 Из: Российская Федерация Пользователь №: 786 Отсутствует	ЗУЬГЬРЕ ХАНУМ Хордалди лугьудай мани Кьил кутазвайди: За кагьазар, бала, кхьидайла, Агъадихъай, бала, рагь атана. Яр, вун рикIел, бала, акьалтайла, Зи вилерлай, бала, нагьв атана. Хор: Перизада, бала, Зуьгьре ханум, (2 сеферда) Яр Яхулиз, бала, катна залум (2 сеф.) Кьил кутазвайди: Ирид гьуьлер, бала, анихъ галай Ярдин дидар, бала, акваз кIан тир. Дуьньядилай, бала, кIан хьайи яр, Ахварайни, бала, акваз кIан тир. Хор: Перизада, бала, Зуьгьре ханум, (2 сеф.) Яр Яхулиз, бала, катна залум (2 сеф.). --------------------

Латифа	Сообщение 18.03.2013, 13:58 Сообщение #25
Жегьил Группа: ЛезгиЯр Сообщений: 15 Регистрация: 11.02.2013 Из: Российская Федерация Пользователь №: 786 Отсутствует	Шехьмир, шехьмир, чан алагуьзли … Кьил кутазвайда: Чамарчияр зарб къвезва. Сусан кьил пис элкъвезва. Хорди: Шехьмир, шехьмир, чан алагуьзли. Кьисмет я сусан, алагуьзли. Кьил кутазвайда: Енгейри фад дуьгьуьр твада, Бубад адан пазу кьада. Хорди: Шехьмир, шехьмир, чан алагуьзли. Кьисмет я сусан, алагуьзли. Кьил кутазвайда: Аста кIваляй ам акъудда, Дидедивай гил къакъудда. Хорди: Шехьмир, шехьмир, чан алагуьзли, Кьисмет я сусан, алагуьзли. Кьил кутазвайда: Буз балкIандал ам акьахда, Гадад кIвализ фад хутахда. Хорди: Шехьмир, шехьмир, чан алагуьзли. Кьисмет я сусан, алагуьзли. Кьил кутазвайда: Чин чIурнавай бег хуьквезва, Милиз-милиз свас хъуьрезва. Хорди: Шехьмир, шехьмир, чан алагуьзли. Кьисмет я сусан, алагуьзли. Кьил кутазвайда: Бегдин гьиле, агь, таз ава: Свас ишехьиз, зурзазава. Хорди: Шехьмир, шехьмир, чан алагуьзли. Кьисмет я сусан, алагуьзли. --------------------

Латифа	Сообщение 18.03.2013, 13:59 Сообщение #26
Жегьил Группа: ЛезгиЯр Сообщений: 15 Регистрация: 11.02.2013 Из: Российская Федерация Пользователь №: 786 Отсутствует	Рушан къужахда сагъвечIи гада вугана, адаз лугьудай А тахт, тахт хьуй, Тахт барка хьуй. Ирид хва хьуй, Хват хьтин са руш хьуй, Гьамни хтун тарцяй Аватна, кьий. А тахт, тахт хьуй, Тахт барка хьуй, Къул ацIай рухваяр хьуй, РакI ацIай шаламар хьуй, Хадайбур рухваяр хьуй, Храдайбур гамар хьуй. А тахт, тахт хьуй, Тахт барка хьуй. Хуз хьиз гьуьлуьк кукIуй, ЧIиж хьиз кIвалик кукIуй, Ваз кIвал мубарак хьуй, Чан цIийи свас. --------------------

murad84	Сообщение 19.03.2013, 08:41 Сообщение #27
Жуванди Группа: ЛезгиЯр Сообщений: 276 Регистрация: 14.03.2013 Из: Российская Федерация Пользователь №: 848 Отсутствует	-------------------- Если Аллах со мной, какая разница, кто против меня?
	[Прикрепленный файл 1366725.jpg (8.7 Kb) ]

бицlek	Сообщение 27.04.2013, 13:45 Сообщение #28
Ц1ийи кас Группа: ЛезгиЯр Сообщений: 2 Регистрация: 27.04.2013 Из: Российская Федерация Пользователь №: 927 Отсутствует	хъсан манияр я)) сагърай куьн --------------------

бицlek	Сообщение 27.04.2013, 13:50 Сообщение #29
Ц1ийи кас Группа: ЛезгиЯр Сообщений: 2 Регистрация: 27.04.2013 Из: Российская Федерация Пользователь №: 927 Отсутствует	Гатфар бере, жагъун кIане, Кьве хъикьифдин верг хьанайтIа, Куьк якIун хинкIардин винел, Хкайнекни серг хьанайтIа..... и мани рикlел аламани? --------------------

Лечетви	Сообщение 27.04.2013, 14:33 Сообщение #30
Жуванди Группа: ЛезгиЯр Сообщений: 209 Регистрация: 03.03.2012 Из: Албания Пользователь №: 434 Отсутствует	Цитата (бицlek) Кьве хъикьифдин верг хьанайтIа вуч хъсан гафар ят1а акуе....вергерни дефицит ен? -------------------- Дагъдин синел акъуда зун, Зи дердиниз чара жервал. Лезги чилел кучука зун! Са капаш нукьв пара жервал...