Сажидин Саидгасанован яратмишунар. - Страница 3 - Форум ЛезгиЯр, лезги, лезгин, лезгины, лезги халкъ, лезгийриз, Лезги чiал, лезгияр

О сайте | Вопросы/Ответы | Словарь

Новости Сёла История Поэзия Голос Лезгин Народы Библиотека

Фото Видео Музыка

Статистика Форума

Обновленные темы

Популярные темы

Активные лезгияр

Новые пользователи

Подарок ребе...

Ответов [ 2 ]

Естественный...

Ответов [ 19 ]

Шиирар

Ответов [ 246 ]

обои	Ответов [ 1 ]

Ответов [ 2 ]

Ответов [ 1150 ]

Ответов [ 383 ]

Ответов [ 257 ]

Ответов [ 246 ]

Ответов [ 213 ]

Постов [ 2159 ]

Постов [ 643 ]

Постов [ 565 ]

Постов [ 376 ]

Lek5	Постов [ 326 ]

Дата [ 17.12.2024 ]

Дата [ 26.11.2024 ]

Дата [ 10.11.2024 ]

Дата [ 04.11.2024 ]

Дата [ 30.10.2024 ]

Новые сообщения · Участники · Правила форума · Поиск · RSS

Страница 3 из 4 « 1 2 3 4 »
Модератор форума: ДозаСчастьЯ, Ярушк@

Сажидин Саидгасанован яратмишунар. (шиирар)

Сажидин Саидгасанован яратмишунар.

Слезинка	Сообщение 09.01.2014, 14:14 Сообщение #1
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Поэт Сажидин Саиджамалович Саидгасанов родился 2 мая 1933 года в селе Ашага-Стал Сулейман-Стальского района. Выпускник Дагестанского государственного университета им.В.И.Ленина, заслуженный работник культуры Республики Дагестан, заслуженный наставник молодежи Республики Дагестан, отличник народного образования ДАССР, член Союза писателей РФ. Перу С.Саидгасанова принадлежит книги стихов «Почему ты пришел не вчера?», «Колобок», «Чудеса», «Под звуки зурны», «Ожерелье преданий», «Мой Сулейман Стальский», «Пламя поэзии», «Тётушка-Воробьиха», «Кто даст мне ответы?». Автор исторической повести «Ашуг Узден». Его произведения переведены на русский и украинский языки, напечатаны в газете «Правда» и журналах «Крокодил», «Колобок», «Дошкольное воспитание». При его непосредственном участии в Сулейман-Стальском районе организован культурный центр «Кюринские зори», выпускается газета «Кюринские зори», учрежден «Благотворительный фонд имени Сулеймана Стальского». --------------------
	[Прикрепленный файл 3972865.gif (37.5 Kb) ]

Слезинка	Сообщение 17.01.2014, 23:20 Сообщение #61
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ГУН ЗА КВЕ СА МУШТУЛУХ Эй, Лезгияр! Гун за квез са Муштулух Къухмаз КIунтIал, цIай куькIуьрдай Хабардин, Иви къугъваз чилин гьар са Дамардин, Шарвилидин Шив хтанва Чамардин! Муьре Мелик, Давуд гьажи, Ярагъви, Етим Эмин, Сулейман я Чирагъ ви, И дуьньядиз чукIурайбур Суракь ви! Эй, Лезгияр! Гун за квез са Муштулух! Къухмаз КIунтIал Шарвилидин Шив ала! Дагъустандал шад манийрин Къив ала. Шагь, Шалбуздал цIаран тийир жив ала. Душманар кьаз, вацIуз гадрай шеледал, Ватан азад авур гуьрздал, гуьлледал, Пайдах хкаж КIелезхивен Къеледал! Эй, Лезгияр! Гун за квез са Муштулух! Дегиш жезва, женгер чIугваз, девирар, Дегиш жезва пачагьарни эмирар. Артух жезва Шарвилидин ивирар. Амма са халкь, часпар алаз, чаравал Акун тушни негьрин уьзуькъаравал?! Чи вил алай, чан Шарвили, пара вал!!! --------------------

Слезинка	Сообщение 17.01.2014, 23:30 Сообщение #62
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	НИЗ ВУЧ ШИРИН Я? Къал-чуьруьк квай гьуьжетдилай Пис кар авач къилетдилай. Къурбатдавай женнетдилай, Жуван ери-хуьр ширин я. ЯлайтIани яхцIур йиса, Акьуз жедач къачуз маса. ЯкIалайни чарай таза, Ахмакь касдиз къир ширин я. Хъсан кар жеч гьуьрметдилай, Пис затI авач ришветдилай, Гьарамзада лезетдилай, Ярдин гьалал сир ширин я. Чир хьун хъсан я гьар садаз, Гьим дерин я, гьим я даяз, Галукь тавур хъуьтIуьн аяз, Къацун таза цIир ширин я. Яман кIвалах фич рикIелай, Алуд мийир жув рекьелай. Ясиндилай течиз кIелай, Куьруь астахфир ширин я. Кими касдиз акьулдилай, Дуьз лагьай чухсагъулдилай, Вичиз чидай яхул даллай, КьацIанвай цин вир ширин я. Мугьман низ кIан жеда хъелай? Месэла тир патахъ гьялай. Катна фейи ви варцелай, Жейрандилай къуьр ширин я. Жув рекьимир кьураз-цIараз, Як гайитIан гъилел чараз, КIвалин къадир течир ламраз, Валлагь, мичIа куьр ширин я. Эминани Сулеймана, Шумуд садаз тарсар гана? Дили вакIаз хъвана-хъвана, Кьар бул авай хир ширин я. Сажидин, на лагь куьрелай, Элкъвена са цIуд хуьрелай, Къачур ругни кваз пIирелай, Авунвай таъсир ширин я. --------------------

Слезинка	Сообщение 17.01.2014, 23:31 Сообщение #63
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЯРГЪАЛ АКЪВАЗ Даим вичихъ бас-къастдавай, Яргъал акъваз а касдивай. Вичелай мад Кавказдавай, Алчах ерли кицIни декьий! Акун къене вич кьве чуьхвел, Гьар са гаф я цIай куькIуьр хьел. Хъуьртуьк квай цIай-вичик квай хъел, Хкатдалди цIицIни декьий! Вири зегьер кIватIна вичел, КъекъвезватIа гьикI ам кIвачел? Икьван ашукь тир кас мичIел, Чхра амаз рицни декьий! Сажидиназ агьни аллагь, Кутугай кар тушир, валлагь! Авачир кас рикIе Аллагь, Азраилди ам вичи кьий! --------------------

Слезинка	Сообщение 17.01.2014, 23:33 Сообщение #64
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ГЬИКI КЪАЧУДА Дишегьлиди дахайдан чан, Сад Аллагьди дагъайдан чан, Дуьньядал гьич тахьайдан чан, Азраилди гьикI къачуда? Дишегьлиди ханатIа ам, Аллагьди чан гъанатIа ам, И дуьньядал хьанватIа ам Ва кьенватIа, ам кучуда. --------------------

Слезинка	Сообщение 17.01.2014, 23:36 Сообщение #65
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЛЕЗГИ ХАЛКЬ Даим кьилел варз амай кьван, рагъ амай кьван, Пак Эренлар, Шагьни Шалбуз дагъ амай кьван, Шейх Мегьамед, Гьажи Давуд чахъ амай кьван, Эбеди яз сагъ амукьда чи лезги халкь! Эминанни Сулейманан чIалар авай, Яшайишдиз икьван къулай гьалар авай, Сад Аллагьди гайи девлет-малар авай, Эбеди яз сагъ амукьда чи лезги халкь! Намус вине кьуна къекъвез, чIугваз зегьмет, Къазанмишиз алахъин чун мад гьуьрмет. Чир хьайитIа тарихъдиз гуз дуьз къимет, Эбеди яз сагъ амукьда чи лезги халкь! Бубайри чав ирс яз тунвай цавар, чилер, Вилин нине хьиз алахъин хуьз, эллер. Чахъ амай кьван чи манияр, чи туьнт кьулер, Эбеди яз сагъ амукьда чи лезги халкь! Самур вацIун баркаван тир ятар авай, Берекатрин ризкьи авай гатар авай, Шарвилидин рикIер авай картар авай, Эбеди яз сагъ амукьда чи лезги халкь! Касдин чIехи, лепе рехи гьуьл амай кьван, Дуьнья машгьур лезгинкадин кьуьл амай кьван, Къуба, Хачмаз, Самур, Куьре чил амай кьван, Эбеди яз сагъ амукьда чи лезги халкь! Ислягьбур жен чи гьар йикъан экуьн ярар, Гьар мугьмандиз ахъабур жен чи варар. Чи чилерал аламай кьван пак нурар, Эбеди яз сагъ амукьда чи лезги халкь! --------------------

Слезинка	Сообщение 17.01.2014, 23:37 Сообщение #66
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	РАСУЛ Я Къадим тарих гапурралди атIанвай, Ивидалди кхьей векъи гьарфарал; Лезгинкадин кьуьл хьиз цIувди ацIанвай, Аламатдин макьамрални гафарал, Ашукь тир халкь, билбилар хьиз гатфарал, И дуьньядиз магьшурай кас Расул я! Дуст миллетриз авур ата-бубавал, Риваятрин таж кьилеллай Дагъустан; Къад асирдин Гомер хьана, зурбавал, Сулейманан шииратдин гуьлуьстан, Яратмишай эдебият- багъ-бустан, И дуьньядиз машгьурай кас Расул я! Шарвилидин бармак алай Дагъустан, Ярагъидин дин-исламдин тарикъат; Кьакьан гъетер кьилел алай Дегь Ватан, Дагъви халкьдин кьабулнавай шериат, Адан накь, къе ва пакагьан гьакъикъат, И дуьньядиз машгьурай кас Расул я! Паквал, Намус, Азадвал хуьз датIана, Ирс яз атай бубайрилай саламат? Имам Шамиль шейх женг чIугаз атана, ВикIегьвилел алем авур аламат, Дагъустандин кхьин тавур Камаллат, И дуьньядиз машгьурай кас Расул я! «Зи Дагъустан», «Кьакьан гъетар», «Дурнаяр», Къагьриманрин рекьин тийир руьгьер тир; «Дидеяр хуьх», «Гуржистандин Зояяр», Икьван чIавал къалур тавур тегьер тир, Шумуд са затI шииратдин бегьер тир, И дуьньядиз машгьурай кас Расул я! Куьз лагьайтIа, цаварилай чилерал, Рекье тунвай ислягьвилин посол я. Ам ихтибар авунвай чи эллерал, Шииратдин гъед хьиз куькIуьр кьилерал, Гьамиша яз аламукьдай рикIерал, Вирибуруз багьа инсан-Расул я! --------------------

Слезинка	Сообщение 17.01.2014, 23:40 Сообщение #67
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ГУЬЗГУЬДИН ВИЛИК РикIяй физва агъзур жуьре хиялар, Тамашайла гуьзгуьдай зун цлаллай. Аялризни хьанва чпин аялар, Буюрмишдай кас амач захъ къвалалай. ЧIулав чIарар амач кьиле, чуруда, Зиреквални амач эвел кIвачера. Амма рикIи кIвалахзама хуруда, Гваз къекъвез зун инай-аниз-куьчери. Гьа суфат я мидаим ваз аквазвай, Як базардай къачур яхун кIарабрин. Чарабурухъ гъам-хажалат чIугвазвай, Ухшар хьанва зун девришдиз арабрин. Шумудакай дердер чIугван, эх тежез, Югъ-къандивай мукьва жезва ажалдиз. РикIиз кIан яз, куьмек ийир рехъ тежез, Элкъвезва зун са данарбан-гачалдиз. ЧIарарин ранг тир жал, яраб, чIулавди?! Пелни цIалцIам тир жал бириш авачир. КанатIа зун алгь-аллагьдин ялавди? Пехилбуруз аквадай гум галачир. Намусдин хьиз гуьзгуьд вилик таб жедач, Жува жув гьикI алдатмишда, я эллер!? Туьнт сиркеди фер тегъидай къаб жедач, Гьакъикъатдиз гьикI акьалин за вилер?! Кам вегьенва пудкъадни цIуд яшариз, Халкьдин чина зи кьил вине-тик хьана. Давам гана мекьеризни кашариз, Гьахълувилин рекье рикI кана. Пеле авай биришар зи дерин я, РикIяй чIугур берекатрин хвалар тир. Къвезмай уьмуьр, вун гьи кьадар ширин я? Тесниф ийиз алакь тавур чIалар тир. Гуьзгуьдай жув аквазва жув жегьил яз, Вил вегьейла алатай цIун йисариз. Са-са чIавуз жувни жувал пехил яз, Тамашзава бедбахт хьайи ксариз. Гуьзгуьдиз зи чидач табун, лавгъавал, Чидач адаз зи рикIе вуч аватIа. Авунилай алакь тийир кавхавал, Вичелай мад залан тир гуж аватIа? Азиз халкьар, куьн зи буйдин гуьзгуь я, Квекай завай чуьнуьх жедач кимивал. Зун квел ашукь куь хва-стха, лезги я. Куьн я рикIиз гайиди зи чимивал! *продолжение в прикрепленном файле* --------------------
	[Прикрепленный файл _3-1-.docx (47.7 Kb) ]

Слезинка	Сообщение 27.01.2014, 23:50 Сообщение #68
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Лекь я лезги Лезги хицихъ лекьрен къадир, Аял чава амаз кIанда. Лезги чилин багьа атир, Гьамишалиг кумаз кIанда. Лезги – лекь я, Лекь я Лезги» Дагъвидин рикI хура авай. Гьич са халкьни тахьуй муьскуь, Чахъ галаз дуст ара авай. Чун лезгияр – дагъдин лекьер, Ватан хуьзвай аскерар я! Чи дагъларин тик тир кьилер, Лезгистандин сенгерар я! --------------------
	[Прикрепленный файл 8900148.gif (13.4 Kb) ]

Слезинка	Сообщение 31.01.2014, 18:31 Сообщение #69
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Госдумадин депутат Гьажимет Сафаралиеваз «Рекьерин аллагьдин» неве Гьажимет, Куьн омбудсмен хьунал чун шад я, шад! Виридан хьиз, лезги халкьдин пак кьисмет, Бахтлуди хьун хушбурукай сад я, сад. Дерин чирвал,ватанперес, халкьперес, Квез хуш вахтар: зулни гатфар, гад я, гад. Чаз ван къвезва дуьз рахазвай ви шад сес, Куьн хьтинбур чи халкьарин ад я, ад! Сажидинни вири хьиз ви кIвалахрал, Ашукь инсан виш агъзурни къад я, сад! Ша, хъфин чун Цлахъ хуьруьн булахрал, Чаз кIанибур ислягьвал, фу-яд я, яд! Алай йисан эхирдалди Россиядин Гьукуматда миллетрин арада къалар гьялун патал ихтиярар ганвай векилни пайда жеда. И везифа кьуниз лайихлу тир ксарин арада машгьур лезги алим, РФ-дин Гьукуматдин Думадин Милли Месэлайрин Рекьяй Комитетдин кьил академик Гьажимет Сафаралиевни ава. Маса претендент милли медениятдин месэлайрай Президентдин советник Владимир Толстой я. Уьлкведин гзаф СМИ-йри Гьажимет Сафаралиев Россиядин омбудсмен хьуниз лайихлу тирди къалурзава. Ам гьам агьалийрин арада чIехи нуфуздин сагьиб хьиз, гьамни гзаф алакьу-нар авай тешкилатчи хьиз сейли я.Газетри кхьизвайвал, Россиядин милли месэлайрай омбудсмен лезги хьунухь мумкин я. Лезги хьайитIа, крарни вилик фида. Алай йисан июндиз В. Путинан серенжемдалди арадал гъайи РФ-дин Президентдин патав миллетрин арада алакъайрин рекьяй Советдик лезги халкьдин кьве векил акатнава. --------------------
	[Прикрепленный файл 7173634.jpg (6.4 Kb) ]

murad84	Сообщение 31.01.2014, 20:05 Сообщение #70
Жуванди Группа: ЛезгиЯр Сообщений: 276 Регистрация: 14.03.2013 Из: Российская Федерация Пользователь №: 848 Отсутствует	АЛПАНДИН ЦІАЙ РикІ пердеда, перде хурун кьефесда, Секин жезвач уьмуьр амай кьадарда. Вучиз зи рикІ гьатнаватІа гьевесда? Вуч кІан ятІа адаз завай и дарда? Я йиф авач, я югъ авач, кІвалах я. Вучин на вун, я азиз рикІ, кукІварда? На лугьун рикІ ивидин са булах я, Алпандин цІай твазва гьар са дамарда. Ам цІайлапан ятІа яраб цаварин? Сад Аллагьди Къавкъаз дагъдал рекье тур. Алпан къадим аллагь ятІа суварин? Ам кьуьл ятІа туьнт «Лезгинка» рикІе тур? Суалри зун гьелекзава, рекьизва! Заз жуван рикІ хуьз кІанзава саламат. Шагь-Дагъдин кІукІ хажалатрив рекъизва, Чи секинвал акула жез аламат. Лезгияр жен – дуьньяда тІвар-ван авай! Гьич садахъни чилер авач чахъ хътин. Рекьин тийир Шарвилидин чан хьтин, Гьич садазни эллер авач чахъ хьтин! Аранни Дагъ, ава Касдин гьуьлни кваз! Себеб ятар Земземар тир Алпандин. Берекатрин Женнет я чи чилни кваз, Вил алукьиз тахьурай агъабандин! Куьр вацІ вуч я – чІехи стха Самурдин! Кьурагь дагълар, Куьре – Аран, Ахцегьар – Лацу шегьер-имарат са абурдин! Квел шумудан хъифизматIа темягьар? Алпандин цІай къугъвазва чи дамарра, Хкахь тийиз, сел акьалтиз Самурдал! Шарвилидин шив амазма чамарда, Иес вилив хуьзва ада сабурдал. Чаз къурху туш цІаярикай, - цІая я чун! Чи рикІериа азадвилин сел ава! Мугьман патал эверайдаз – гьай я чун! Шад кьуьлерин мехъер ава, мел ава! ЦІу-чим гуда, цІа чрада, цІу-куда! ЦІун къативал аслу я гьар рикІелай. Эй Сад Аллагь, лезги халкь ви агуда! Алудмир чун азадвилин рекьелай! Сажидинахъ дердер, гъамар мад ава, Кьве патал пай авур лезги эл акваз. Вахъ-Алпан цІай къизмишардай чад ава, Гьикьван сабур кьан Ватандин шел акваз? [u] -------------------- Если Аллах со мной, какая разница, кто против меня?

Слезинка	Сообщение 01.02.2014, 15:17 Сообщение #71
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Юзбекова Дианадиз ( Москвадин телевидениеда къуллугъзавай бике рушаз) Лезги рушар – ислягь къушар, Куьн гьар сана аваз хьурай! Яргъи уьмуьр, жегьил яшар, Еке бахтар галаз хьурай! Бурма чIарар къуьнераллай Дианадиз баркалла лагь, Къизилгуьлдин цуьквераллай, Чигед стIал руш я валлагь! КцIар район, Пирал тир хуьр, Женжел рушал дамах ая. Телеканал хьанвай уьмуьр, Хенжел рушал дамах ая. Сажидина теснифай чIал, Зайиф ятIа, багъиш ая. Аферинар алай вичел, Чи бикедиз алхиш ая. --------------------
	[Прикрепленный файл 3073040.gif (101.4 Kb) ]

Слезинка	Сообщение 01.02.2014, 15:29 Сообщение #72
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ШИИРАТДИН ЯЛАВАР (Ктабдай) Гила кьванни акъудайла, Са шумуд ктаб; Рази кьванни жедатІа, Зи критик паб? --------------------

Слезинка	Сообщение 01.02.2014, 15:36 Сообщение #73
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЛЕЗГИСТАН Къавкъаз тир Албан цІаярин ватан, Тарих къизилдин цІарарин ватан! Шагьни Шалбуз дагъ, къадим лезги чІал, Азадвилин рагъ, чи хуьр, уба, кІвал, Хуьн патал кІвачел къарагъ, Лезгистан! Душманрин хура акъваздай мягькем, Лезги халкь я чун, чи садвал кІани. Намусдин вилик уьзуьагъ, уьткем, ЧІехи халкь я чун, азадвал кІани! Экуь бахтарин нурарин ватан, Дустариз ачух варарин ватан! Шарвилидинни Меликан Куьре, Ярагъидинни Давудан жуьре, Хуьн патал кІвачел къарагъ, Лезгистан! Женнетдин макан, дагъларин ватан, Са стхаяр тир халкьарин ватан, Сулеймананни Эминан пайдах, Гъалибвилерин замин тир пайдах, Хуьн патал кІвачел къарагъ, Лезгистан! --------------------
	[Прикрепленный файл 8244979.gif (30.0 Kb) ]

Слезинка	Сообщение 01.02.2014, 15:38 Сообщение #74
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	АМУКЬДА ЗИ ЛЕЗГИ ХАЛКЬ Кьибле, Кефер пад амай кьван, Лезгистандин ад амай кьван, Кьилел Аллагь Сад амай кьван, Зулни гатфар, гад амай кьван, Чи Земземрин яд амай кьван, Амукьда зи Лезги халкь! Касдин чІехи гьуьл амай кьван, «Лезгинкадин» кьуьл амай кьван, Дагъни Аран чил амай кьван, Дуьз кьатІидай кьил амай кьван, Бедендихъ кьве гъил амай кьван, Амукьда зи Лезги халкь! Кьакьан цава рагъ амай кьван, Шагьни Шалбуз дагъ амай кьван, Чахъ чи ник, сал, багъ амай кьван, Гьар са эркек сагъ амай кьван, Амукьда зи Лезги халкь! --------------------
	[Прикрепленный файл 2778373.gif (30.9 Kb) ]

Слезинка	Сообщение 01.02.2014, 15:41 Сообщение #75
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЛЕЗГИ МАНИ Заманайрин атІуз мензил, Гъам-хажалат ийиз кьезил, Леке квачир михьи къизил, Сагъ хьурай вун, лезги мани! Женгчи аскер азадвилин, Пак тир мурад абадвилин, Халис пайдах чи садвилин, Сагъ хьурай вун, лезги мани! Шарвилидин сес я ширин, Касдин гьуьл я акьул дерин, Гьам баркалла, гьам аферин, Сагъ хьурай вун, лезги мани! Чи гьар йикъан экуьн ярар, Кьуд патахъди ахъай варар! Лезгистандал гъизай нурар, Сагъ хьурай вун, лезги мани! Гьар са пата дустар авай, Билбиларни картар авай, Берекатлу къастар авай, Сагъ хьурай вун, лезги мани! --------------------
	[Прикрепленный файл 6699328.gif (8.5 Kb) ]

Слезинка	Сообщение 01.02.2014, 15:45 Сообщение #76
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	МЕЛГЬЕМ ГЪИДА МЕККЕДАЙ (Хабар ятІа, зи гьалдикай дустариз? Е. Эмин) Хабар ятІа, дустариз зи гьалдикай? Мидаим зи рикІе авай къалдикай, Къакъат тийир шииратдин тІалдикай Сагъар хъийиз дарман герек текъведай? Аллагьди заз, я хъсан, я писвиляй, Гана и бахт, я шадвиляй, я хъиляй, Вирибуруз экъисарна зун виляй, Рекьер-хуьлер артух ийиз къекъведай. Душман – пехил, халис дустар шад я зал, Ашукь Инсан цава авай Сад я зал, Къурзавайди шииратдин гад я зал, Рагъ хьиз гьар къуз квел кьил чІугваз хквезвай. Зал алайди халкьдин чан я бахтунин, Зал тІем алач цІайлапандин вахтунин. Зун билбил хьиз гуьлчуьмендин тахтунин, Квез гьар юкъуз жагъида и уьлкведай. Сажидиназ кІанда Ватан, инсанар, Заз багъиша, кватІа сад-кьве нукьсанар. Авун патал куьн гьар са кар хъсанар, Шииратдин мелгьем гъида Меккедай! --------------------
	[Прикрепленный файл 9623114.gif (7.4 Kb) ]

Слезинка	Сообщение 01.02.2014, 15:47 Сообщение #77
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЭкъечІдайла рагъ, нур чкІиз цавуз, Женнет гьуьруьйри манияр лугьуз, Экуьнин атир багъишдай чІавуз, Квез и гуьзел тир вахт акваз кІандай! Чи лезги чилин бахт акваз кІандай! Хкаж хьайила, рагъ кьакьан цавуз, Варз аквада квез свас хьтин ялгъуз. Кьакьан тир дагълар, кьил тийир агъуз, Квез и гуьзел тир вахт акваз кІандай! Чи лезги чилин бахт акваз кІандай! Рагъ акІидай вахт алукьай бере, Цифер рангламиш жеда гьар жуьре. Самурни Къуба, дамах гвай Куьре, Квез и гезел тир вахт акваз кІандай! Чи лезги чилин бахт акваз кІандай! И пуд чІаван за авуна тариф, Варз алай йифен гьикІ тийин тариф? КІанибур патал кьисметнавай йиф, Квез и гуьзел тир вахт акваз кІандай! Чи лезги чилин бахт акваз кІандай! Белки Сажидин рахана гзаф, Адан хиялар михьибур я саф. АватІа мажал, аватІа инсаф, Квез и гуьзел тир вахт акваз кІандай! Чи лезги чилин бахт акваз кІандай! --------------------
	[Прикрепленный файл 0020231.gif (9.9 Kb) ]

Слезинка	Сообщение 01.02.2014, 15:50 Сообщение #78
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ШАРВИЛИДИН НЕВЕЯР Я Агъзур сарин тарих авай женгинин; Ватан патал экъич авур ивияр, Ванцел ашукь азадвилин зенгинин, Шарвилидин невеяр я лезгияр! Хайи чилин пагьливан ва пачагь тир, Пара кьадар авазва чахъ дагъвияр. Гьич са карни авун тавур гунагь тир, Шарвилидин невеяр я лезгияр! Диде чилел, лезги чІалал ашукь тир, Инсанперес, намус - терез багърияр, Мугьман патал рикІер даим ачух тир, Шарвилидин невеяр я лезгияр! Самурдани, Къубадани, Куьреда, Авазва чахъ хва-стхадин ерияр. Садвал кІани и четин тир береда, Шарвилидин невеяр я лезгияр! Агъзур сарин мурад-метлеб – сад я чи: Бахтлубур хьун вири ватанэгьлияр. И дуьньяда гьатнавайди ад я чи, Шарвилидин невеяр я лезгияр! --------------------
	[Прикрепленный файл 5687549.gif (5.0 Kb) ]

Слезинка	Сообщение 01.02.2014, 15:53 Сообщение #79
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Ватандин хва регьят гаф я лугьуниз. Гьикьван четин я ам кьиле тухуниз?! Метлеб авач мад кьулухъди чІугуниз, Лазим ятІа – чандилайни гъил къачу!!! --------------------
	[Прикрепленный файл 8395530.gif (25.0 Kb) ]

Слезинка	Сообщение 01.02.2014, 15:55 Сообщение #80
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Уьмуьрдин дад чир жеда чаз эхирдай, Гьар са легьзе къизилдилай масан тир. Тух жедач хьи уьмуьр лугьур чехирдай, Рекьин тийиз хьанайтІа, хупІ хъсан тир! --------------------
	[Прикрепленный файл 6107551.gif (23.1 Kb) ]

Слезинка	Сообщение 01.02.2014, 15:57 Сообщение #81
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЛЕЗГИ ЧІАЛ Заманайрин атІуз яргъал мензилар, Вун я дердер авурди чи кьезилар. Дуьньядал халкь авурди чи несилар, Сад-Аллагь, сад – вун я, азиз Лезги чІал! Аллагь-Сад я, Диде-Сад я, ЧІални-Сад, Ватан-Сад я, тІварни-сад я, кІвални-сад. Чи рикІерин хъверни-сад я, тІални-сад, Вирт хьиз ширин затІ я мециз, Лезги чІал! Вун-чи рикІ я, вун-чи акьул, мез я чи. Вун галачиз амай бахтар квез я чи? Гьам межлисра, гьам женгера - сес я чи, Галат тийир, гъалатІ тийир, Лезги чІал! Дидеди хьиз чун хайи чІал, хвейи чІал, Гъалибвиляй гъалибвилихъ гъайи чІал, Чун гьамиша буржлу я ваз, гужлу чІал, Гьиссер дерин, сесер ширин, Лезги чІал! --------------------
	[Прикрепленный файл 3606667.gif (69.4 Kb) ]

Слезинка	Сообщение 01.02.2014, 16:03 Сообщение #82
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Дуст кьаз алахъ гьар са викІегь касдикай, КичІе тушир кьиникьикай, ясдикай. Лугьуз жедач, вун кьейитІа, женгина, Вичин хцел ви тІвар хкиз хасдикай. --------------------
	[Прикрепленный файл 1010508.gif (5.1 Kb) ]

Слезинка	Сообщение 01.02.2014, 16:05 Сообщение #83
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Рагъ алай югъ дакІан инсан садни жеч, Рагъ авачиз берекатлу гадни жеч. Марф тахьайтІа, цавал, чилел ядни жеч, Гьар са кардиз кьадар хьунухь лазим я. --------------------

Слезинка	Сообщение 01.02.2014, 16:07 Сообщение #84
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЭБЕДИ ХЬУЙ Дуьнья ислягь, дуствал мягькем, берекат, Пуд затІуни артухарда шадвилер. Сада садаз гьуьрмет ийиз гьерекат АвуртІа, чи мягькем жеда садвилер. Лезгистандин шад манияр, туьнт кьуьлер, Эбеди хьуй, эбеди хьуй, эбеди! Авадан хьуй хуьрер, кІвалер, шегьерар, Дустар галаз бахтлу хьурай зи эллер. Сад Аллагьди бул гурай чаз бегьерар, Гьар са карда гьахълу хьурай зи эллер, Лезгистанда – гур мехъерар, гур кьуьлер, Эбеди хьуй, эбеди хьуй, эбеди! Тарих хуьнуьх, ватан хуьнуьх, чил хуьнуьх – Чаз бубайри веси я тур, зи эллер! Намус маса гана, жуван кьил хуьнуьх, Душманрив чаз гуз тун я кІур, зи эллер! Лезгистандин къизилгуьллер, генг чилер, Эбеди хьуй, эбеди хьуй, эбеди! Чи лезги чІал, лезги намус, лезги чил, Абур пудни чаз багьа я, зи эллер! Чарадан кІус леке квачир, гуьзгуь чил, Лезгистандин гьамиша тик тир кьилер, Эбеди хьуй, эбеди хьуй, эбеди! --------------------
	[Прикрепленный файл 1826528.gif (4.5 Kb) · 8771356.gif (4.5 Kb) ]

Слезинка	Сообщение 01.02.2014, 16:10 Сообщение #85
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЕТИМ ЭМИН (Вил атIудач дуьньядихъай ширин я. Е.Эмин.) Гъам-хажалат амаз гьар са дереда, Дагълар уях жезвай четин береда, Дуьнья машгьур авур макан Куьреда, Шаирдин ван тунай Етим Эмина. Муршидривай къачур илим-Рагъ хьана, Шииратдин кьакьан тир Шагь-Дагъ хьана, Гьар са нагъма нямет ширин багъ хьана, Билбилдин ван тунай Етим Эмина. РикIин чирагъ куз, ишигъ гуз алемдиз, Илгьамдин яд ганай шуьше-Къелемдиз. Чан къурбандиз муьгьуьббатдин мелгьемдиз, Къизилдин ван тунай Етим Эмина. Дагъ хьиз хура акъвазна цIун-вацIарин, Хъуьренай ам чIавал Тумакь яцарин, ЦIуруриз мефт, ишигъ вилин лацарин, Асирдин ван тунай Етим Эмина. Багъри элдихъ рикI тIаз эхир нефесдал, Жавагьиррин таж теснифнай гьевесдал. Гьар са шиир алцумиз дуьз терездал, Несилдин ван тунай Етим Эмина. Зун-Сажидин - ви Багъдин са серин тир, Ашукь кас я ви Пак тIварцIел ширин тир. Гьар келима метлеб жегьет дерин тир, Магьирдин ван тунай Етим Эмин. --------------------
	[Прикрепленный файл 8342641.gif (49.0 Kb) ]

Слезинка	Сообщение 01.02.2014, 16:22 Сообщение #86
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЧАЗ ВУЧ КІАН Я Чаз вуч кІан я? Анжах са кар – Ислягьвал чи аялриз, Фирягьвал чи хиялриз! Чи чил, Чи гьуьл – Аллагьди чаз багъишай! Чаз вуч кІан я? Анжах са кар – Чи садвал, Чи азадвал. Жуван хайи къвакъвад вал. Чи кІвал, Чи мал, Аллагьди чаз багъишай! Я лезгияр, Чаз ихтияр авачни? Жуван гьалал, Дидед чІалал, КичІе тушиз рахадай, Дерди-бала, Халу, хала, Ярар-дустар аквадай? Итимар яз, Етимар хьиз, Квез я къекъуьн накьварал?! Дагълар – чибур, Багълар – чибур! Сергьят кІевиз ракьарал! Хъуьрез стха-вахарал! Чаз вуч кІан я? Ислягьвал чи несилдин! Я дяве туш, Я деве туш, Пурар алай къизилдин. Чаз чи тарих, Чи пак къилих, Дуствал дерин, Сесер ширин билбилдин! Къарагъ, зи халкь! Гъиле кьуна Чирагъ, зи халкь! Квез я тІуьр фу, Алаз тфу? Лезгистандин, Гуьлуьстандин багъ аваз! Чина чими, Цавун гими – рагъ аваз! Шарвилидин. Пак ивидин, Шагьни Шалбуз – Дагъ аваз! --------------------
	[Прикрепленный файл 8354301.gif (39.6 Kb) ]

Слезинка	Сообщение 01.02.2014, 16:25 Сообщение #87
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Душманар – негь, дустариз экв куькІуьрдай, Захъ кІвал ава, Захъ чІал ава лезгидин. Душман – инкар, дустарин кар туькІуьрдай, Захъ мез ава, Захъ сес ава гуьзгуьдин! --------------------
	[Прикрепленный файл 9416618.jpg (18.6 Kb) ]

Слезинка	Сообщение 01.02.2014, 17:05 Сообщение #88
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	АД ЖЕДА Лацу шегьер, КІеледин хев, Шалбуз дагъ, Шагьидар я, эбеди яз кьилел рагъ. Шарвилини адан несил сагъ я, сагъ! Абур хьана, абур ава, мад жеда! Лезгистандихъ мадни зурба ад жеда! Диде Чили Шарвилидиз хур гана, Лезги халкьди адан гъиле тур гана, Вили цава цІайлапанди нур гана, Чапхунчияр яд хьана ва яд жеда! Лезгистандихъ мадни зурба ад жеда! Мегьаммед ал-Ярагъияр, Эминар, Сулейманар – я чи халкьдин заминар! Гьикьван чна лагьайтІани Аминар! Женг чІугуна авур кІвалах фад жеда! Лезгистандихъ мадни зурба ад жеда! Лезги чилел Шарвилидин ван ала! Чи дагъларал рекьин тийир чан ала! Халкь кьве патал авурбурал къан ала! Эхир Самур себеб яз чун сад жеда! Лезгистандихъ мадни зурба ад жеда! Игитвилин гьисс хкажиз цавариз, Чи гьар са югъ тешпигь ийин сувариз! Шарвилидин къуватар гуз лувариз, Дагъдин Лекьер вири санал кІватІ жеда! Лезгистандихъ мадни зурба ад жеда! --------------------
	[Прикрепленный файл 7390315.gif (49.7 Kb) ]

Слезинка	Сообщение 01.02.2014, 17:07 Сообщение #89
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЖЕДАЙДИ СА ГЬАРАЙ ТИР Гьич садазни чидач кьилел къведайди, Чир хьанайтІа, къал-макъал тир жедайди. Гьарам девлет шехьиз-шехьиз недайди, И дуьньядал жедайди са гьарай тир. Ажеб хьана кьисметдин гел гьал тежез, Са бязибур элуькьзава лал тежез. КІватІай девлет къияматдин мал тежез, И дуьньядал жедайди са гьарай тир. Акьуллубур кІан ятІа хьун аялар, Гьич садахъни тахьуй чІуру хиялар. Гунагькарар рекьидайла, жез ялар, И дуьньядал жедайди са гьарай тир. Къанихвилин муьрхъ ягъайтІа рикІериз, Хъач экъечIда халкь къекъведай рекьериз. Къалгъанрин тум вегьена хьуй никIериз, И дуьньядал жедайди са гьарай тир. Сажидиназ чидай, вацІал цІай ийиз, Ам вердиш я, эверайдаз гьай ийиз. АлахъайтІа зун ахмакьрин тай ийиз, И дуьньядал жедайди са гьарай тир. --------------------

Слезинка	Сообщение 01.02.2014, 17:09 Сообщение #90
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Лугьуз жедач уьмуьрдин шив, Кек галкІана алукьайтІа. Азраилди агална сив, Ажалдин дерт галукьайтІа, Зи сурал къвез манияр лагь! --------------------
	[Прикрепленный файл 2566687.jpg (28.7 Kb) ]