Лезгинские сказки - Страница 2 - Форум ЛезгиЯр, лезги, лезгин, лезгины, лезги халкъ, лезгийриз, Лезги чiал, лезгияр

О сайте | Вопросы/Ответы | Словарь

Новости Сёла История Поэзия Голос Лезгин Народы Библиотека

Фото Видео Музыка

Статистика Форума

Обновленные темы

Популярные темы

Активные лезгияр

Новые пользователи

Ответов [ 40 ]

Ответов [ 37 ]

Ответов [ 1 ]

Ответов [ 37 ]

Ответов [ 9 ]

Ответов [ 1150 ]

Ответов [ 383 ]

Ответов [ 257 ]

Ответов [ 245 ]

Ответов [ 213 ]

Постов [ 2159 ]

Постов [ 643 ]

Постов [ 565 ]

Постов [ 376 ]

Lek5	Постов [ 326 ]

Дата [ 21.03.2024 ]

Дата [ 03.03.2024 ]

Дата [ 01.03.2024 ]

Дата [ 28.02.2024 ]

Дата [ 26.02.2024 ]

Новые сообщения · Участники · Правила форума · Поиск · RSS

Страница 2 из 2 « 1 2
Модератор форума: ДозаСчастьЯ, Ярушк@

Форум ЛезгиЯр » Общий форум » Жуван чlалал » Лезгинские сказки

Лезгинские сказки

Латифа	Сообщение 27.02.2013, 13:03 Сообщение #31
Жегьил Группа: ЛезгиЯр Сообщений: 15 Регистрация: 11.02.2013 Из: Российская Федерация Пользователь №: 786 Отсутствует	ГЬАМБАЛ Хьана-хьанач кьван са гьамбал. Им авай чкада кIвалах авачир. Яшамиш хьунни четин тир, гьавиляй ам фена маса чкадиз вичиз са кIвалах жагъурун патал. Ина ида гьамбалвал ийиз хьана. Са пуд виш манат пул хьайила, ида, фена, са харапIаяр аваз, ина ацукьна, вичин пул гьисабзавай. И арада им акуна са папаз. И паб фена кавхадин патав, лагьана, бес флан кас вичин гъуьл я, ида кIвалахар ийиз^пул кIвализ хкизвач, кIандатIа килиг, адан жибинда пуд виш манат пул ава. Гьикьван и гьамбалди вичиз и паб чидайди туш, вич маса чкадай атайди я лагьанатIани, гьамбалдихъ кавха агъунач. Жибиндиз килигайла, ина пуд виш манат пулни авай. Пулни папав вахкана, гьамбал къарагьарна, ахкъудна. Гьайиф хьайи гьамбал, фена, са балхундин кIаник акъвазна шехьда. Идан ван хьана са девлетлу ханумдиз. Ханум айвандал экъечIна, жузада гьамбалдихъ вуч хьанатIа. Гьамбалди вичин кьилел атай кар и папаз ахъайда. Ханумди идаз лугьуда: "Фена а папан са аял жуванди я, лагьана, гваз хъша. Атана ада вавай аял вахчудайла, вуна ам ви аял я лагь". Гьамбал фена и пул къакъудай папан кIвализ, аял къецихъ экъечIайла, кьуна гада гваз хъфида. Аял шехьда, и шехьунин сесинал диде экъечIда. КилигайтIа, аял вичи пул къакъудай гьамбалди гваз хъфизва. Паб мад кавхадин патав фида. Кавхадиз чир жеда хьи, папа и кас алдатмиш авурди. Пул папавай вахчуна, гьамбалдив вахкуда ва напал мадни пул илитIда. Гьамбалдиз пул эцигдай чка авачир; идаз ван жеда хьи, бес и хуьре са шейх ава, нин затI хьайитIани ада хуьда, кIани вахтунда вахкуда. Гьамбал фена и шейхинин патав, вичин пул идав вугуда. Мад гьамбалди кIвалах авуна, са пуд виш манат мад хьайила, им вичин хуьруьз, вичин хзандин патав хъфирвал жеда. Гьамбал фена шейхинин патав, пул вахце лугьуз. Шейхини пул хиве хкьадач. Чара атIай гьамбал мад атана а ханумдин айвандин кIаник, шехьда. Ханумдиз мад и кесиб касдин ван хьана. "Вуч хьана?" - лагьана, хабар кьурла, гьамбалди вич шейхини алдатмиш авурвал ахъайда. Гьанай ханумди лугьуда: "Къе зун фида а шейхинин кIвализ, са тIимил вахтундилай вунни ша". Ханум кIвализ хтана, вичин къуллугьчи рушаз лугьуда, бес вич шейхинин кIвализ фида, вич фейи са тIимил вахтундилай атана, лагь: "Ханум, муштулух заз, хтай агьа ваз". ИкI лагьана, вич экъечIа, шейхинин кIвализ фена, ханумди атана шейхинин патав лугьуда: "Сапам алейкум шейх, зи итимни кIвале авач, и захъ авай пулар ви кIвале хуьз кIанзава". Шейхини "башуьсте, ханум, ваз гьикьван вахтуналди кIандатIани, гьакьван чIавалди хуьда", лугьуда. И арада атана гьамбалди вичин пул вахце лугьуда. Ханум алай чкадал сакIани тахьана, вич виляй ават тавун патал шейхини гьамбалдив пул вахкуда ва ханумдин къизилрилай вил аладарда. И арада къведа ханумдин къуллугьчи руш ва ада лугьуда: "Ханум, муштулух заз, агьа ваз! Ам хтана, кIвале ава". И ван атай ханумди, вичин ипекдин халат рушан къуьнерал вегьеда ва вичин къизилар кIватIна, хъуьчIуьк кухтада. Ипекдин халат жагъай руша кьуьл ийида, халумдини идахъ галаз кьуьл ийида, пул вахчур гьамбалдини ибурухъ галаз кьуьлда. Шейх килигна, вичини кьуьлиз эгечIна. Ханумди им акъвазарна, лугьуда: "За зи гъуьл хтана кьуьл ийизва, руша вичиз муштулух гана лагьана, гьамбалди вичин пул гьат хъувуна лагьана,. кьуьлер ийизва, вуна вучиз кьуьл ийизва?" --------------------

vahid	Сообщение 07.05.2013, 19:16 Сообщение #32
Маналу Группа: ЛезгиЯр Сообщений: 61 Регистрация: 06.11.2011 Из: Российская Федерация Пользователь №: 252 Отсутствует	ПЕПЕ ХАЛА (мах) Хьана кьван, хьаач кьван са пепе хала. Къужа адан фад кечмиш хьанвай. Пепе халади текдиз пуд хва хуьзвай. ЧIехи хва какадин кьил алайди, юкьванди чIарчIин гардан галайди, гъвечIидини кьалунин кIвачер квайди. Рухвайрин назиквал чиз, Пепе халади абурув я цан цаз тунач, я векь ягъиз. Вири четин кIвалахар ада вичи авуна. Рухвайриз, лагьайтIа, я гатун зегьемвал, я хъуьтIуьн аяз, я зулун къати гарар, я гатфарин бул марфар акунач. Абур, къванцин кIаник экъечIзавай хъипи векьер хьиз, сефилдиз чIехи жезвай. Эхирни Пепе хала кьуьзуь хьана. Ам, кефсуз яз, месе гьатна. Гьиьван кIвалахда?! Са йифиз, цIайлапан ягъиз, къати марф акатна. КIвализ тIилияр къвез башламишна. Къавуз кул гана кIанзавай. — Завай къавал экъечIиз жедач, — лагьана чIехи хци. — зи какадин кьил хада. — Завайни жедач, — лагьана юкьван хци, — зи чIарчIин гардан гару кьатIда. — Зи кьалунин кIвачер кьежена, кьвечIил жеда, — назик сес акъуда гъвечIи хци. Маса чара амукьнач: месикай хкечIна, азарлу Пепе хала верхи кулни гваз къавал акьахна. Хейлин вахт алатна, амма пепе хала хтана акъатнач. Экв хьана, марф акъвазайла, чIехи хва къецел экъечIна. Адаз къавалай аватна, гьаятдин юкьвал ярх хьанвай чпин диде акуна. — Аман, чан диде, вун кьена хьи! — ада кьве гъиливни вичин кьил кIевиз чуькьвена. адан какадин кьил кьве пад хьана. ЧIехи стхади гуьгъуьниз атай юкьван стхадайни гьарай акъатна: — Зи гардан хурай, диде, вун къавал ракъурай! — лагьана, ада кьил галтадна. Гьасятда адан чIарчIин гардан галатна. — Зи кIвачер хурай, диде, къавал акьах тавур! — шез-шез, мет-кьил гатана гъвечIи хцини. Адан кьалунин кIвачер са шумуд чкадилай кьатI хьана. Пепе хала кьенвачир. Явашдиз къарагъна, ада вичин вилерилай къвезвай накъвар михьна, сифте чIехи хцин кьилелай гъил алтадна, лагьана: — Ви кьил гьулдандинди хьурай, бала! Ахпа юкьван хцин гардандивай гъил гуьцIна, лагьана: — Ви гардан пагьливандинди хьурай, хва! Эхирдай гъвечIи хцин кIвачеривай гъил гуьцIна, лагьана: — Ви кIвачер дагъдин яцранбур хьурай, чан бала! Дидедин вилик сад-садалай гуьрчег пуд кьегьал акъвазна. — Лагь, диде, ви къуллугъ! — хуруз гъуд яна, такабурлу кьилер агъузна абуру. — Чан балаяр, куьн икI акун фадлай зи эрзиман тир. Гила дидедин сурад кьилиз акъатна, — гьакI лагьана, дидеди гьамишалугъ яз вилер акьална. -------------------- Гаф ава виртедлай щирин, гаф ава дустар гъакъудин.

Слезинка	Сообщение 10.05.2013, 14:12 Сообщение #33
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Басня«Маймунни харат устIар». Садра тама маймундиз Пакаман са береда Акуна: гъвар атIузвай, Тахта ийиз, Агьмеда. Са зур метри атIана, КIун язавай хъиткьердиз. Муькуь падни атIана - Мад цIийи кIун а фердиз. Гуьзетзавай чинеба Маймунди кар харатдин: Иеси жез кIан хьана Адаз ихьтин сенятдин. Агьмед гъвечIи геренда Къайгъу аваз къекъечIна. Маймун адан чка кьаз Далдадикай хкечIна. КIунар вири акъудна Вири санлай, атана. Агат хъувур хъиткьерда Маймундин тум акIана. Алакьнач тум хкудиз, ЦIугъдай кьван туьд галатна. КичIе хьана бегьемдиз, Маймун гьалдай аватна. Кьулухъ хтай Агьмедаз Язух маймун акуна, Тум рикIелай фидайвал Адан дуван авуна… Гьамзатан и хкетди Гузва ихьтин насигьат: ЭкечIдалди са кардик, Чира адан гьакъикъат. Гьамзат ЦIадаса © --------------------

Слезинка	Сообщение 20.04.2014, 15:01 Сообщение #34
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	© --------------------

Geller	Сообщение 05.01.2015, 22:40 Сообщение #35
Жегьил Группа: ЛезгиЯр Сообщений: 11 Регистрация: 24.12.2014 Из: Российская Федерация Пользователь №: 1547 Отсутствует	--------------------

Слезинка	Сообщение 30.03.2015, 14:27 Сообщение #36
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Гатфар атана (Мах) Тамуз гатфар атанвай. Къвердавай йикъар яргъи, йифер куьруь жезвай. Живедикай гъвергъверар милидиз хъуьрезвай. Гьайванар хьуьтlуьн ахварай аватзавай. Таран хилел ацукьнавай цуцIулди далудиз рагъ гузвай. Къуьр акурла адаз салам гана цуцIулди: - Экуьн хийир, къуьр стха! Къуьр хъуьрена: - Агъбат хийир! Гатфарин ракъини чим акъудзавани ви кlарабриз, цуцIул стха? - Вуч гатфар? ЦIи гатфар жер-вал туш. - Им жери кар яни? - Чlалахъ тушни? Жуван лацу хамуниз килиг. Гатфар атанайтlа ви лацу хам алатна, адан чкадал цlийи рехи хам хкведай. Къуьр вичин хамуниз килигна фикирдиз фена. ЦуцIулди ара датIана гъургъурзавай: - Тамуз килиг садра, кьуд пад живер, муркIари кьунвай хулар, тарарин кьецlил хилер я. Ихьтин гатфар женни?! Къуьр цуцIулдин гафарикай шерзум хьана. Са шумуд вацра гатфарин рехъ хвейи чапрасдик шел акатнавай. Адаз я гъвергъверар ахквазмачир, яни чими чкайрай хтана тарара чпиз цlийи муквар расиз манийрал илигнавай чубарукар. ЦуцIулдин чlалахъ хьанвай къуьр. Тамун муькуь гьайванри лагьайтIа, гатфарин сифте йикъарикай кефер хкудзавай. Абуру чипин мукар къуру пешерикайни амукьайрикай михьзавай. Гьайванри чпин шарагриз чан-рикl ийиз, абуруз тlуьн жагъурзавай. Къуьр акурла кьуьгьуьрди лагьана: - Къуьр стха, ша илифа! Гатфар мугъманар кьабулдай бере я. - Вуч гатфар? Гатфар жервал туш лагьана цуцIулди. - Вун цуцIулдин чlалахъ жемир. Килиг садра зи шарагриз, гатфар атаначиртlа, абур винел жедайни? - Абурал цацар вучиз алач? - Цlийиз хьанва лугьуз. Са тlимил чlавалай цацарни акъатдайди я. - Гатфар атанайтlа зи хамни дегиш жедай. - Акl ятlа, ша чна тамун муькуь гьайванривай хабар кьан,- лагьана кьуьгъуьрди.Кьуьгъуьрди адаз сарак кьиф кьуна кумадиз гьахьзавай сикI къалурна: - Ваз сикIрен яру хьанвай хам акунани? Вири гатфарин аламатар я. Дустlар вирив агакьайла абуруз вичин шарагар кьамукай кьаз, цик кутаз-хкудзавай сев акуна. - Севрез вичин шарагар рекьиз кlанзвай хьтинд я, - лагьана ванцик зурзун кваз къуьре. - Туш, я чапрас. Ада вичин шарагар эхъуьрзава. Къуьре севревай хабар кьуна: - Сев стха, ваз гатфар атанвай чlал гьинай хабар хьана? - Кумада жуван тапац фитlиниз ксанвай зун. Садлагьана зи чинал тlап-тIапиз са вуч ятlани авахьна. На лугьумир, им цlразвай жив я кьван. КуьцIвенвай кумада вил ахвариз финни? Авайвал лагьайтlа, вижеваз гишин хьанвай зазни шарагриз. - Акунани ваз, къуьр стха? Гатфар атанва. Кьуьгъуьрдин гаф сиве амаз са крчун пепе галкlана къуьрен япукай. Чапрасди кичlела цlугъна, ахпа чилел къатадарна. Кlамуз аватай адав агатай кьуьгъуьрди гъиле са вуч ятlани кьунвай: - Къуьр стха, ваз пара тади фейи хьтинд я. Заз вуч жагъанатIа аку. Им кlанчlуник галкlана амай. Къуьре хвешила гьарайна: - Кьуьгъуьр стха, ваз жагъанвайди зи алахьзавай хам я. Гила заз цlийи, рехи хам хкведа. Ничхирриз зун валарин арадай ахквадач мад. ЦуцIулди заз тапарарнава. Гатфар атанва кьван, - хвешила хкадарзавай къуьре. © --------------------

Yagada	Сообщение 22.12.2017, 11:16 Сообщение #37
Ц1ийи кас Группа: ЛезгиЯр Сообщений: 2 Регистрация: 22.12.2017 Из: Азербайджан Пользователь №: 2032 Отсутствует	Ayar muxar ya ! --------------------

wellnemo7	Сообщение 21.03.2024, 17:40 Сообщение #38
Ц1ийи кас Группа: Пользователи Сообщений: 4 Регистрация: 21.03.2024 Из: Российская Федерация Пользователь №: 2744 Отсутствует	Vstranice.ru Встранице https://vstranice.ru Vstranice.ru Знакомства Dating 123456791011 --------------------

wellnemo7	Сообщение 21.03.2024, 23:34 Сообщение #39
Ц1ийи кас Группа: Пользователи Сообщений: 4 Регистрация: 21.03.2024 Из: Российская Федерация Пользователь №: 2744 Отсутствует	Vstranice.ru Встранице https://vstranice.ru Vstranice.ru Знакомства Dating 123456791011 --------------------

wellnemo7	Сообщение 22.03.2024, 14:25 Сообщение #40
Ц1ийи кас Группа: Пользователи Сообщений: 4 Регистрация: 21.03.2024 Из: Российская Федерация Пользователь №: 2744 Отсутствует	Vstranice.ru Встранице https://vstranice.ru Vstranice.ru Знакомства Dating 123456791011 --------------------

wellnemo7	Сообщение 06.04.2024, 00:15 Сообщение #41
Ц1ийи кас Группа: Пользователи Сообщений: 4 Регистрация: 21.03.2024 Из: Российская Федерация Пользователь №: 2744 Отсутствует	Vstranice.ru Встранице https://vstranice.ru Vstranice.ru Знакомства Dating 123456791011 --------------------