2023 йисан Яран Сувар мубарак хьурай квез, лезгияр!

Яран Сувар хквезва ибне вацран 18, 19, 20, 21, 22 йикариз. Виридалай кьилин йикъар 20, 21 гьсеб жезва. Суварин тарихдикай лагайтIа, къенин суварин са пуд агъзур йислай пара я.

Яран Сувар - чи халкьдин рикI алай суварикай сад я. Суварин тарихдикай рахайтIа, идалай вилик, залан кьуьд алатна гатфар атайла, инсанри суварин гьазур вилер акваз эгечIдай: кIвалер хъсандиказ михьдай, куьгьне перемрикай чирагъар ийидай (пекер арушнавай лаш) ва суварин ширинлухар гьазурдай. Дегь чIавара, кьуьд куьтягь хьана гатфар эгечIдайла, инсанри суварин гьазурвилер аквадай. Адет тирвал, ширинлухар гьазурдай, виридан кIвалера хъчадин хуьрек жедай, мугьманриз физ сувар мубаракдай ва нянин вахтунда чирагъарни куддай.

Суварин юкъуз, нянин вахтунда, чирагъриз цIаяр ягъдай (кIвале шумуд аял аватIа гьакьван чирагъарни хьун лазим тир), суварин суфра ачухдай (виридан кIвале хъчадин тIуьн жедай), ахпа сувар мубаракиз мугьманриз фида, кIвалериз пармакар чантаяр вегьеда, ширинлухар пайда, къецел алай цIун патав ацукьда, манияр лугьуз шадвал кьиле тухуда. Суварин югъ жедалди гъилик яру гъал кутада. Яру епер алчударна алкъурзавайтир гъилерал. Яру гъал галачирди ва я тагьайтIа яру перемар алачирди яра ягъдай. Гьа икI халкьди Яран Суваризни ва амай сувариз хьиз чпин шадвал ва садвал къалурдай.

Экуьнеллагъ джегьил гадаяр булахдал хтана рушариз килигзавайтир, гьи руш хкведа булахдал виридалай фад, ам виридалай викегь руш жезвайтир.

Чехи цIаяр ягъазвайтир. Гьан цIаюн ванални хкадарзавайтир. ЦIай патавни маниярни, мярекатарни ягъаз авайтир. Патав гвай эгьлиярни, рушарни, гадаярни, гъвечи аяларни къуьлериз авайтир. Какайриз рангар ягъазвайтир. Ширинлухар, шураяр ийизвайтир, як галай аш, цIканар, афарар.

Ширин затар кIватIна синидиз кIвалани эцигдайтир. И синиярни галаз физвайтир мирасрин патав, эгьлийрини патав.

Са садан патав фидайла кIвалариз, Яран Сувар мубаракзва, хъсан гафарив мурадар лугьузва.

Аялар кIваларин ракIарин кIаник вегьезвайтир пармакар, чип чуьнуьх жедай. КIвалин эгьлиярни пармак къачуна, гьаниз недай ширинлухар кутуна, элквена пармак чкадал эцигзва.

Пара кIандай лезгияр, чи кIватIал квез Яран Сувар рикIин сидкьидай мубаракзва!

Куь кIвалера датIана шад мярекатарни, авазарни, акъай суфраяр хьурай. Куьн шад суфрайрин иесияр хьурай, виридан кIвалера бахт, берекат ва гьуьрмет хьун чи виридан чIехи мурад я.

Гьуьрметлу зари, Римма Гьажимурадовадин шиир, куь фикирдиз гъизва:

Гатфар атана

Чи ракIарар гатана
Яран сувар атана.
Гатфар тирди кьатIана
Чубарукни хтана.

Суьгьуьрдин гъил галукьриз,
Яр ягъана кIурукIриз.
Къацу либас алукIриз
Яран йикъар атана!

Кьил хкажна векьери
Вил ахъайна цуьквери,
Хвеши жезва нуькIвериз,
Лугьуз:- Гатфар атана!

Лезгийрин КIватIал - «ЛезгиЯр»