2024 йисан Яран Сувар мубарак хьурай квез, лезгияр!

Яран Сувар хквезва ибне вацран 18, 19, 20, 21, 22 йикариз. Виридалай кьилин йикъар 20, 21 гьсеб жезва. 21 - Ибне вацран "Яр" тIвар галай пайдин сифте югъ я. Суварин тарихдикай лагайтIа, къенин суварин са пуд агъзур йислай пара я.

Яран Сувар - чи халкьдин пара кIани суварикай сад я. Суварин тарихдикай рахайтIа, идалай вилик, залан кьуьд алатна гатфар атайла, инсанри суварин гьазур вилер акваз эгечIдай: суварин ширинлухар гьазурдай, кIвалер хъсандиказ михьдай, куьгьне перемрикай чирагъар ийидай (пекер арушнавай лаш) ва маса суварин гьазурвилер аквадай. Адет тирвал, ширинлухар гьазурдай, виридан кIвалера хъчадин хуьрек жедай, мугьманриз физ сувар мубаракдай ва нянин вахтунда чирагъарни куддай.

Суварин юкъуз, нянин вахтунда, чирагъриз цIаяр ягъдай (кIвале шумуд аял аватIа гьакьван чирагъарни хьун лазим тир), суварин суфра ачухдай (виридан кIвале хъчадин тIуьн жедай), ахпа сувар мубаракиз мугьманриз фида, кIвалериз пармакарни чантаяр вегьеда, ширинлухар пайда, манияр лугьуз шадвал кьиле тухуда, къецел алай цIун патав ацукьда. Суварин югъ жедалди гъилик яру гъал кутада. Яру епер алчударна алкъурзавайтир гъилерал. Яру гъал галачирди ва я тагьайтIа яру перемар алачирди яра ягъдай. Гьа икI халкьди Яран Суваризни ва амай сувариз хьиз чпин шадвал ва садвал къалурдай.

Экуьнеллагъ булахдал джегьил гадаяр хквез рушариз килигзавайтир, гьи руш хкведата виридалай фад, ам виридалай викегь руш жезвайтир.

Ягъазвайтир чехи цIаяр. Гьан цIаюн ванални хкадарзавайтир. ЦIай патавни мярекатарни, манияр ягъаз авайтир. Патав гвай эгьлиярни, рушарни, гадаярни, гъвечи аяларни къуьлериз авайтир. Какайриз рангар ягъазвайтир. Ширинлухар, шураяр ийизвайтир, як галай аш, цIканар, афарар.

Синидиз ширин затар аяр кIватIна кIвалани эцигдайтир. И синиярни галаз физвайтир мирасрин патав, эгьлийрини патав.

КIвалариз са садан патав фидайла, Яран Сувар мубаракзва, хъсан гафарив мурадар лугьузва.

Чип чуьнуьх жедай, аялар кIваларин ракIарин кIаник пармакар вегьезвайтир. КIвалин эгьлиярни пармак къачуна, гьаниз недай ширинлухар кутуна, элквена пармак чкадал эцигзва.

Пара кIани лезгияр, чи ЛезгиЯр тIвар галай Лезгийрин кIватIал квез Яран Сувар рикIин сидкьидай мубаракзва!

Куь кIвалера датIана шад мярекатарни, авазарни, акъай суфраярни хьурай. Куьн шад суфрайрин иесияр хьурай, виридан кIвалера берекат, бахт ва кIанивал хьун чи виридан чIехи мурад я.