Лезги Къадир (XVII век)


Пакаман шагьвар

Пакаман шагьвар, зи факъир гьалдикай
Агакьва сес яргъа авай эллерив.
Зулумрикай фелекдин, чав къалрикай,
ЦIигел хьункай, лагь, зун къизил гуьллерихъ.

Зи гъам чIугваз дидед рикIел хьанва тагъ,
Кими тижез вилерилай туькьуьл нагъв.
Зи бахт, вичел хажалатрин алаз дагъ,
Аватзава дерин-дерин вирериз.

Гурлу селлер къупмиш хьанва азгъундиз,
Къати я гар элкъвезвай чайгъундиз.
Лейлидивай къакъатнавай Межнун хьиз,
Авара яз катнава зун чуьллериз.

Жуван миллет маса гун туш жедай кар,
Мусибатри тавурай чаз дуьнья дар,
Чи миресрив агакьра зи дуьз хабар,
Аватункай лагь зи гими гьуьлериз.

Къадир я зун шадвал такур гьич кIвале,
Хажалатрин залан пар я зи шеле,
Ажалди вахт ганва, кьенвач зун гьеле,
Кхьена, дерт пайзава за эллериз.

Поддержим Лезгинский бизнес
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 683
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 30
Мугьманар: 29
Иштиракчияр: 1
leggi

Сегодня нас посетили: