Забит Ризванов (1926-1992) - поэт и прозаик. Широко известен как автор книги «История Лезгин». Среди прочего, внёс существенный вклад в сборе и напечатании материалов о фольклоре лезгин.

Эл кIанда

Гьар цуькведик са атир, ни,
Гьар билбилдихъ вичин мани,
Гьар шаирдихъ вичин шиир авайди я!
Гьар игидихъ вичин яракь,
Гьар кьегьалдихъ вичин суракь,
Гьар са элдихъ вичин шаир авайди я!
Пис кIвалахдин хьайила Ван,
Чарад патал эцигдай чан
Мелгьем инсан авайди я!
Чирагъ хьтин шиир кIанда,
Гьахьтин шиир яратмишдай
Шаир кIанда! КIанда эвел!
Шаирдизни,
Шиирдизни
Чеб рикIере туначими
Виш йисарив агакьардай
Эл кIанда,
Эл!


Гьинал-гьанал

Ша захъ галаз гьуьжет ая, шаирар,
Ша, мугьман хьухь чи мехъеррик, мелерик.
Гьинал-гьанал кIелиз жеван шиирар,
РикIин кIусар пайзава за эллериз.

Зун девирдин атир галай инсан я,
Шадвилер хьиз гъамарни захъ авазва.
Заз яшайиш жуван чан кьван масан я,
Гьахъсузвилин рикIяй заз гьахъ аквазва.

Кимерални, рекьерални жеда зун,
Шад касс алай чкадал за мехъерда.
Ша талгьанмаз, элдин патав къведа зун,
Герек чIавуз за гьадазни эверда.

Зи гафарин чIалахъ хьухь куьн, шаирар,
Къайи хьанвай рикIерани цIайда за.
Гьинал-гьанал кIелиз жуван шиирар,
Жуван элдиз бахтлувилер пайда за.

Источник ©

Поддержим Лезгинский бизнес
Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 691
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 37
Мугьманар: 37
Иштиракчияр: 0


Сегодня нас посетили: