Лента новостей
ОПРОС
Какое лезгинское издание вы читаете больше всего?
Всего ответов: 683
Поддержка проекта «ЛезгиЯр»
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 7
Мугьманар: 7
Иштиракчияр: 0


Сегодня нас посетили:

 
Главная » 2018 » Январь » 11 » Ч1алан пешекарар вучиз киснава?

12:00
Ч1алан пешекарар вучиз киснава?

Ч1алан пешекарар вучиз киснава?
Алай девирда хайи чlал амукьун патал лезгийри ийизвай алахъунар гъвечибур туш. И мукьвара зун са таниш дустуни интернетдихъ галаз са тlимил танишарна. Лезгийрин сайтда авай, ч1алаз талукь са гзаф макъалайрихъ галаз чун кьведни таниш хьана. Муькуь сайтда хайи ч1алакай къизгъин гьуьжетар кьиле физвай.

Ч1ал маса ч1аларин гафарикай михьзавай «уст1аррин» кхьинар акурла, зун мягьтел хьана. Ихьтин фикирдал алайбур Азербайджан пата авай чи лезгияр я. Абуруз ч1ал хъсандиз чизвач, ят1ани….

Ч1ал михьзавайди я лугьуз, кар алакь тийиз, хийирдилай гзаф зиян гузва. Урус ч1ални михьда лугьудайбур хьана са девирда. Арадал атай зат1 хьанач. Т1ебиатдихъ галаз алакъада авай зат1 хьиз я ч1ал, ам са ни ят1ани вичин игрушкадай кьун эйбежер кар я.

Шегьердин мектебра к1елзавай аялри хъсандиз кхьида абурулай. Гьа ихьтин ксариз ч1алан гьалар т1ач ийиз к1анзава. «Алам» журналдин работникри садазни яб гун тийиз, чпин ч1уру рехъ мягькемдиз кьунва. Алимар, словарар гьисаба кьан тийизвай ксариз ч1ал амукьна к1анзавани, тахьайт1а кьена? Миск1алар хьтин суалар гун жезва.

Дустуни зав к1елун патал вугай «Алам» журналдин са шумуд нумрайрай акурвал, и йисара «Алам» журналда ч1алан пешекаррин макъалаярни чапнава гзаф. Амма абуру ч1алакай хабар авай ксарин фикирар чет кепекдайни кьазвач. Б.Т1алибов, М.Гьаджиев, А.Гуьлмагьамедов, У.Мейланова, Р.Гьайдаров хьтин машгьур алимрин словарар абур патал къе къадирсузвилелди ягьатанардай усал зат1ариз элкъвенва.

Вич химиядин алим яз таниш тир Ярали Яралиеван фикирар абуру ч1алан алимринбурулай вине яз кьазва. Чаз аквазва Ярали Яралиеван «гьунарарни», ада ч1алакай кхьизвай комментарияр к1елайла заз чир хьана хьи, и алимдиз лезги ч1ал гьелелиг хъсандиз чизвач. Ван хьайивал, кьуьзуь инсан я и машгьур алим.

Ч1ал халкьдинди я. Адан къанунар алимри йисаралди зегьмет ч1угуна дуьздал акъуднавайди я. Илимдин рекьелди субутнавайди я. Вучиз къе кар течизвай ксари ч1ал кьиникьал гъизва? Алимар, пешекарар гьина ава? Ихьтин пис гьаларин вилик пад кьун герек я, газетарни сифте кьиле акъвазун чарасуз я. Месела, Лезги газетдин чинрилай алимри чпин фикирар кхьейт1а пис жедач. Чпи вуч ийизват1а чин тийизвай ксариз «ак1 ийимир» лугьун герек тушни? Ч1алан пешекарри абуруз дуьз рехъ къалурна к1анда. Абурун терсвили пис нетижадал гъида. Фикир ая, лезги халкь. Гьалар гьак1ни хъсанзавач.

Азиз тир редакциядиз: и зи макъала газетдиз акъудун т1алаб хьурай. Гьалар ик1 давам жез хьайит1а, ч1ал ч1ал яз амукьдач.

Чар кхьейди Залим Агьилов, Дербент шегьердай













Ниже приведены схожие материалы:

Похожие новости по теме:

Категория: Лезгинская правда | Просмотров: 765 | Добавил: Jurnalist | В материале упоминаются: лезги ч1ал


 
 
11.01.2018 22:47
 
Ваз гьакьван хъсан чизват1а, ая ман) ч1алан пешекарар амач - чи ч1авуз а пешеди кепекар гузвач, гьавиляй жуван хизан хуьдайвал коммерсантарни программистарни спортменарни банкирар хьана к1анзава. Исятда капиталист вахт я, гьарда вичин кьил хуьзва. вун гьакьван акьуллуди ят1а к1ват1 пешекарар, це абуруз пул, гьанал жеда к1валах. вун хьтинбурувай алакьзавайди масабурал элуькьиз я
Ответить       0  
Спам


2 Паша Стечкин  
 
 
13.01.2018 02:36
 
И кихьинарин автор са биц1и гьахъ туш. Чун опредялтса хьана к1анда сифте лезгийар вужар йат1а. Чун къавкъаздин халкьарикай йани, тахьайт1а азербижанарикай. Эхир ч1авара чи халкь къвердавай гьа патахъ элкъвезава. Къавакъаз халкьарикай къакъатзава. Ккилига кван, чи чикайрин т1варар: КасумКЕНТ, МагарамКЕНТ, КурКЕНТ, Бильбиль КазмаЛЯР, АзадОГЛЫ, ОРТА, ЮХАРИ,АШАГА СТАЛ, Докузпара, Гюльгерычай гьак мсб. Лезгийар ччарабурун чилейрал атанаван? Тахьайт1а им лезги ч1ала квай гафар йат1а? Заз чиз ваъ! Са ч1ав къведа, азербижанар атана лугьуда, гьей лезги чубанар, куьне чи чилерал вуч йизва? Доказат айа кван им чилер квез гьик1 связ ава!
Ахпа ч1алазни ккилигайла, чи ч1алаз гужуналди чуькьвенай кьван азербайджанрин гафар акурла, ихьтин ч1алал разаз дак1ан жезва! Вучиз чи ч1алаз кутазва гьабурун ч1алан гафар? Гьабурун миллат къавкъаз миллатрикай туш, гьабур туьрквер йа! Ик1 чи ч1алакай йагъанатар йизвай професорар проблема ттурь1а , са ч1авуз маса малимри чи лезги халкь туьрквер халкьарик кутада (ахпа жеда чакай кумикар, карачайар хьин халкьар). Ахпа чи къунши гьукумматди акваз-такваз т1ампна ахчуда чи чиллерни чи халкь азербижанрихъ элкъуьрда.
Гекъига кван гила лезгийрин музыканни чибуру йизвай кьуьлер, аварарни чеченарихъ галаз, са к1ус кьванни ухшар авани? Вирида ваъ лугьуда! Лезгийар азербайджанар хьищ манийарни лугьуда, кьуьллерни йида!
Ч1ал михьна к1анда!!! Сад заимствования йа мукуьди замещение исконных слов иностранными, взамен существующих!
Ина куь текстда месела гаф ава « таниш « им азербижанарин гаф я, лезгийриз « чирхчир» жуван хайи ч1алан гаф йа, «машгьур» лезгидал «т1варар-ван авай», «гуьзлемиш» -«вил алаз акъвазун», « тамашек»-« куилигун» ... ахпа « суз.сиз,сыз « им тюркверин суффиксар йа. Лезгийри авачиз, квачиз, гвачиз лугьуда, туш. Гьакьулсуз- гьакьул авачир, намуссуз- намус авачир, хъсансуз- хъсантушир.
Гьа вилйай лезгийар вуж йат1а , гьи халкьарикай йвт1а лагь, ахпа к1амай ихтилатар йиз гат1уна( башламиш ВАЪ).
      0  
Спам

avatar