Лента новостей
ОПРОС
Кто из этих национальных героев больше всего повлиял на ход истории?
Всего ответов: 1056
Поддержка проекта «ЛезгиЯр»
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 25
Мугьманар: 25
Иштиракчияр: 0


Сегодня нас посетили:

 
Главная » 2013 » Июль » 30 » Прививка - Кьиникьин раб

11:00

Прививка - Кьиникьин раб


Прививка - Кьиникьин раб Прививка - Кьиникьин раб
Эхиримжи йисара Россиядин вири регионра саки вири инсанриз гьар жуьре азарриз акси прививкаяр ийизва. Амма гзафбуруз прививкадин таъсирдикай хабар авач. Прививка-им явашарнавай микробар, гьайванрин ивидин сыворотка, инсандин эмбрионрин клеткаяр ва гьар жуьредин чандиз хаталу химиядин шейэр квай кьиникьин раб я. 

Лацу халатар алайбуру, вакцинация авун хийирлу ва чарасуз кар тирди инсанар инандирмишзава. Иллаки абурун лишандик таза ва мектебда амай аялар акатзава. Малум тирвал, прививкайрин къиметар чIехи я. Амма гьихьтин кар хьайиди ятIа, гьар са шейинихъ къимет авай чи гьукумат Россияда, багьа прививкаяр пулсуздаказ ийизва. Духтурри лагьайтIа, кIвалел, кIвалахал ва гьакI рекьерал гьалтайлани прививкаяр тавунвайбуруз туьгьметар ийизва, прививка тавунмаз алатзавач. Бязи вахтара суддиз вугуда лугьуз къурхуярни гузва.

Вучиз къенин юкъуз духтурар векъидаказ инсанрал тепилмиш жезва? Вучиз лагьайтIа, гьар са авур прививка чарарал лишанламишзава. Гьа и жуьреда эгер, духтурди вичин регионда 90-95% инсанриз прививкаяр авуртIа, адан кIвалахдин гьакъи хкажзава, тахьайтIа гузвай премиярни атIузва. Идан гьакъиндай телевизордай махсус корреспондентди репортаж къалурнай.

Алай аямда, прививкайрикай анжах хийир ава лугьуз, инсанар алдатмишзава. Месела яз, лацу халатар алайбуру XVIII-асирда оспа азар прививкайри тергайвал лугьузва. Амма им тапан я. Оспадал инсанри, анжах гигиена хвейила гъалибвал къачуна. Къенин юкъуз гзаф алимри прививкайриз акси яз кхьенвай ктабар ва макъалаяр ава. Абур кIелиз кIанибурувай Интернетдай регьятдиз жагъида.

Инсандин бедендиз гьахьай прививкадик квай вирус терг жезвач, ам мутацийрин куьмекдалди дегиш жезва ва ивидик кумукьзава, яшамиш жезва. Вакцинациядин къанунралди, прививка авунвай инсан са шумуд сеферда ахтармишна кIанзава. Адан иммунный системадин гьалдал гуьзчивалун чарасуз я. Гьелбетда, чина а серенжемар кьабулзавач ва бактерийрин хаталу доза кьабулнавай инсан, гзаф вахтара аялар, азардихъ галаз женг тухуз тазва. Анжах аял кIевера гьатна аквадай лишанар тамам хьайила ахпа, духтурри чпин гуьзчивилик кутазва ва гьа вахтунда азардин себеб прививкадивай ятIа субутиз гзаф четин жезва.

Къенин юкъуз неинки хатасузвал ва гьакI вакцинациядин хъсан нетижалувал шаклувилик кутазва. Вучиз лагьайтIа, ам фармацевтический компанийрин къазанжи бизнес я. Гьакъикъатда, прививкаяр инсанри гьар жуьреда гьиссзава: садбуруз антителаяр арадал къвезва, муькуьбуруз ваъ. Са бязибуруз прививкади варцарилай, гьатта йисарилайни таъсирзава. Амма абурун бине сад я – вакцинацияди иммунитет явашарзава, гзаф кьадардин вакцинацияди ам рекьизва ва кьиникьин бактерияр беденда авай прививка авунвайбуруз гьич хабарни авач.

Алай асирдин гзаф пис ВИЧ, гепатит, рак, язва ва маса азарар арадал гъизвай вирусар пайда хьун, гьа ихьтин фикирсуз прививкайрал инсандин бедендик хкуьрунин себеб хьун мумкин я.

Прививкадихъ галаз чи бедендиз ягъай гьар жуьредин вирусри, чпин арада сад-садахъ галаз какахьна арадал ван тахьай жуьредин гзаф хаталу азарар гъизва. Эхь, эхиримжи йисара пайда хьайи цIийи азарар гьа и жуьреда арадал атун мумкин я. Инсандин тIебиат ахьтинди я хьи, чи беденра тIебий, азаррикай хуьдай иммунный система кардик ква. Адан везифа бедендиз атай чара затIар тергун я. Гьавиляй, чи гьар садан буржи а система барбатI тавуна, адан мумкинвилер тамамдаказ ишлемишун я. 

Ингье, аялдин беден верем азардикай хуьзвай БЦЖ прививка гила субутнавайвал, гьакъикъатда файдасуз я, адакай гьатта хаталувални ава. Алимри тухвай ахтармишунри къалурзавайвал, прививка авунвай верем азардик начагъбурун кьадар, тавунвайбурухъ галаз сад я. Гьавиляй, США-да ва маса гьукуматра БЦЖ-дикай къерех хьанва ва начагъбурун кьадар чи гьукуматдихъ галаз гекъигайла лап агъада ава. Азардихъ галаз женг тухун патал тахсир квачир аялриз прививкаяр авуналди ваъ, анжах яшамиш хьунин гьалар хъсанарна ва гигиена хуьналди тухвана кIанзавайди чи гьукумат гъавурда акьун тавун чIехи сир хьанва.

Гьа икI, коклюш азардиз акси прививкади кьилин мефтI ва ЦНС харапIзава, аутизм азар арадал къвезва. Гзаф делилрай аквазвайвал, аялдин беденда пис дегишвилер атунин къурхувал аватIани, амма чи гьукуматда миллионралди аялриз кьиникьин доза гузва. Полиомиелитдиз акси сивиз кIвадардай стIалар, агъзурралди аялрин начагъвилин ва кьиникьин себеб хьанва. Ахьтин вакцинация США-да ва Европадин гьукуматра къадагъа авунва. Прививкадихъ галаз бедендиз ахъайнавай «кьенвай» вирусдивай гьихьтин кар ятIа, чан хквез алакьна ва ракдин буьвелар арадал гъана. Аялрин иммунитет туькIуьр жедай вахтунда бедендиз ягъай вири прививкаяр себеб хьана гьа ихьтин делилар гъиз жеда.

Эгер са эпидемия пайда хьайитIа, гьасятда СМИ-йри адан себеб гуя прививкадикай отказ авунвайвиляй тирди жемятдиз хабарар гузва. Гьа са вахтунда, начагъбурун жергейра прививка авунвайбурун кьадар гзаф тирди чуьнуьхзава ва гьукуматда 99%-дин вакцинацияди азардин вилик пад кьан тийизвайди малум я. Гьа са вахтунда чи арайра чпин аялриз тамамдаказ прививка авуникай отказ хьанвай инсанар яшамиш жезва. Абурун аялар са артух начагъ жезвач. Адет тирвал, ахьтин хизанра сагълам уьмуьр кьиле тухузва: гъвечIи чIавалай аялар лигимарзава, спортдал машгъуларзава, гигиена хуьзва.

АКДС-им алай аямда виридалайни пис вакцина я. Дифтериядин, коклюшдин ва столбнякдин клеткайрикай ибарат зегьерлу къаришма, пуд вацралай аялдин бедендиз кьуд сеферда ягъзава. Ам гзаф нахуш прививка я, са бязи аялар ам ягъайла кьулухъ геждалди гьараяриз шехьзава. А прививкадин хиве гзаф аялрин кьиникьар, суддин тIалабунар, са шумуд сеферда Европадин гьукуматра ам къадагъа авунвай, амма Россияда са сефердани.

Алатай асирдин 70-йисара Японияда АКДС себеб хьана 37 аял кечмиш хьана. Нетижада а прививкадал гьукуматди къадагъа эцигна. АКДС муькуь патахъай биологиядинни химиядин къаришма я. Адак чандиз зарарлу химиядин компонентар гзаф ква. Абурукай гзаф хаталубур ртуть квай мертиолят лугьудай пестецид, алюминиядин оксид ва формальдегид. Абур лагьайтIа къуватлу зегьерар я. Европада мертиолят ишлемишунал кIевелай къадагъа эцигнава. Россияда лагьайтIа инсанар опытар тухузвай кроликриз тешпигь хьанва. Низ абурун таъсирдикай чириз кIан хьайитIа, гьатта мектебда къвезвай химиядин ктабрай, я туштIа Интернетдай чириз жеда.

Къенин юкъуз чи гьукуматда гьар садаз, прививкайрикай отказ жедай ихтиярар ава. Прививка авунач лугьуз вичин аялар мектебдиз, я туштIа аялрин бахчадиз кьабул тийидай садазни ихтияр авач. Аялриз прививка авунин кар диде-бубадилай аслу я. Кьилинди ам я хьи, гьар сада рикIел хвена кIанда, азаррикай хуьзвай халисан къуват – им лигимарнавай, сагълам, къуватлу, михьи беден я, ам лагьайтIа инсандихъ ава. Къуватлу бедендиз – къуватлу иммунитет ава, ахьтин иммунитетдиз гьич са азардикайни къурхувал авач.

Аялдиз сад лагьай прививка адет хьанвайвал, гьеле роддомда амаз ийизва. Амма винидихъ лагьайвал, гьар са диде-бубадивай вичин аялдиз 157-нумрадин «Об иммунопрофилактике инфекционных болезней» федеральный закондин 11-статядал асаслу хьана прививка авуникай отказиз жезва. Амма гзаф вахтара чаз аквазвайвал, аялдиз прививка авун патал дидедал меслятни тавуна, закондиз аксидаказ духтурри серенжемар кьабулзава. Федеральный закондал асаслу хьайила прививкаяр, анжах медецинадин къанунри аксивал къалур тийизвай гражданриз ийизва, акI хьайила, аял хьайи сифте йикъара адан гьал тайинариз четин я.

Вакцинациядин хаталувиликай тамамдаказ чириз кIанибурувай агъадихъ галай ктабрай ва материалрай кIелиз жеда:

1. «Беспощадная иммунизация» - Александр Коток.
2. «Прививки в вопросах и ответах для думающих родителей» - А. Коток.
3. «Как вырастить ребенка здоровым вопреки врачам» - Роберт Медельсон.
4. «Отравленная игла. Скрываемые факты о вакцинации» - Элеонор Макбин.
5. "Ртуть, не идущая из головы" - Д. Миллер.
6. "Ртуть, вакцины и медицина" - М. Сиркус.
7. "Правда о прививках: занавес приподнят" - Р. Блейлок.
8. "Ложь, наглая ложь и статистика о ртути" -  Р. Блейлок.
9. "Тиомерсал и аутизм - обновленные данные" - А. С. Мохаммед.
10. "Лавина исследований о связи ртути и аутизма" -  Д. Гейер, М. Гейер.
11. "Вакцины, содержащие тиомерсал" - Э. Язбак.
12. "От эпидемиологии, клинической медицины, молекулярной биологии и атомов до политики: обзор материалов по связи между мертиолятом и аутизмом" - Д. Гейер, М. Гейер.
13. Доклад РНКБ "Вакцинопрофилактика и права человека — мнения специалистов разных дисциплин". 
14. "Токсичность ртути: генетическая предрасположенность и синергические эффекты" - Б. Хейли.

Абу АМИР ад-ДАГЪИСТАН, ЛезгиЯрдиз







Ниже приведены схожие материалы:

Похожие новости по теме:

Категория: Лезгины в России | Просмотров: 6105 | Добавил: Jurnalist | В материале упоминаются: лезги чIал

avatar
1
Уважаемый АДМИН.если Вам не трудно удалите пожалуйста эти Сегодня 11:24 ,Сегодня 11:25 комментарии - техническая ошибка ! Спасибо !
avatar
2
Пара дуьз лугьузва...Гьана авакьван рапар ягъзава, герек тучир...Диде-бубадивай ихтияр къачу лагьана чар гузва, абри ваъ лагьайт1ани рапар ягъзава, ягъ тавунизхьуй санал къваздач...
avatar
3
Гьахъ рахайтIа чна чи алриз рапар ягъиз турди туш. Тьфу тьфу акьалтзава. smile smile smile
avatar
4
у каждой вакцины есть способ её проведения.если его нарушить то конечно будут последствия.ув.автор вы представили список литературы, но не помотрели на оффициальный сайт ВОЗ (http://www.who.int/immunization/newsroom/thiomersal_information_sheet/ru/).тут все убедительно написано про ртуть содержащие вакцины. без прививок,тем более без БЦЖ,сейчас на улицу страшно выйти.посмотрите на каком уровне сейчас туберкулез в россии...его будет еще больше если эту вакцину не делать.а то что возникают побочные реакции у людей,так это на любоет лекарство возможен такой эффект.все эти нежелательные реакции можно избежать если квалификация врача достаточна высока.
avatar