|
22:16
«Сагърай Керимов» - «Сагърай Крым»
И кьадар лезги ва Дагъустан халкьариз куьмекар гузвай чи баркаллу хциз, завай афериндин са шиир далгьана акъвазиз хьанач. Им гьакIан кьуру тариф туш.
Лайихлу хьайила, къейд тавуна акъвазунни, заз гьахъ аквазвач.
Дугъриданни адакай шиир ваъ, еке поэмаяр, повестар ва романар кхьин чарасуз я. Сулейман Керимова Дагъгьустандин халкьдин шаир СтIал Сулеймана хьиз лезги халкь ва Дагъустан дуьньядиз машгьур ийизва. Баркалла!
Сагърай Керимов
Лезги миллетдин дамахни даях,
Шарвили ухшар хваяр ава чахъ.
Камалдиз дерин, гьуьрметдиз къучагъ,
Сагърай Керимов Сулейман стха!
Хиве кьур кIвалах акъуддай кьилиз,
Экв я ам акур халкьдин кьве вилиз.
Гьуьрмет ийизвай диде тир чилиз,
Сагърай Керимов Сулейман стха!
Шумудни садан туькIуьрай кIвалах,
Гьуьрметлувилин я Земзем булах.
Къадим тир лезги халкь галай къвалахъ,
Сагърай Керимов Сулейман стха!
Гъил ахъа касдиз пара хьуй девлет.
Куьн хьтинбурал уьзяй я миллет.
Баркаллу деде-бубадин велед,
Сагърай Керимов Сулейман стха!
Зун лезги шаир, Сажидин я тIвар,
Шииратдин сир чирзавай устIар.
Дуьньяда авай вафалу дустар,
Сагърай Керимов Сулейман стха!
Крымда къе сувар ава.
Шумуд йис тир Крым чавай къакъудна?!
На лгьун чи эрчIи гъил тир атIайди.
Хрушева вуч чи кьилел акъудна?!
Агьни аллагь къаргъишар тир атайди.
Чи рикIерив хажалатар агудна.
Крым – ЧIулав гьуьлуьн дагъ тир гьулдандин!
Севастополь – сенгер къачуз тежедай!
Кьеблепатан даяхар тир Ватандин,
ЦIайлапанрин цIувай атIуз тежедай.
Халкьар лукIар хьурнай гъейри хизандин!
Азад хьана, Референдум авуна!
Крым хтун хъувуна мад хизандиз!
Чи дережа хкаж хьана тавуниз!
Ша, Путиназ, игитдиз хьиз хъсандиз,
Капар ягъин, са кIусни геж тавуна!
Гьикьван хъвер квай крымлуйрин сиверик!
Татар, урус, украинви сад хьана!
Ажугълувал квай бандеррин кьеверик!
Чапхунчийрин ниятрикай яд хьана,
Шадвилин шел кваз акурла эллерик!
Дявекарар – чеб терг хьурай дявейра!
Ислягь халкьдиз гун тийизвай секинвал.
Пачагь жез кIанз дуьньядавай уьлквейра,
Амеркади тум хьиз цазва хаинвал,
«Де мукIрат» гваз, къекъвез, рекьиз куьчейра!
Къуй, чир хьурай СССР - я Урусат!
Чеб хьтинбур ацукьардай чкадал!
Халкьдиз чизва, дяве, каш я чIуру зат!
Къал акъудиз, кар алачиз арадал,
Са югъ къведа жаваб гудай Гьарусат!
Зун Сажидин, лезги шаир шад я, шад!
Крым хтунун хъувуналди хизандиз.
Севастополь чиди хъухьун – ад я, ад!
Кьудратлувал хтана чи Ватандиз!
И кар эхиз тежер рикIер пад я, пад!!!
Саидгасанов Сажидин
Ниже приведены схожие материалы:
Категория: Сулейман Керимов |
Просмотров: 4342 |
Добавил: Редактор
| В материале упоминаются:
0
