Лента новостей
ОПРОС
Кто из этих национальных героев больше всего повлиял на ход истории?
Всего ответов: 1056
Поддержка проекта «ЛезгиЯр»
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 23
Мугьманар: 23
Иштиракчияр: 0


Сегодня нас посетили:

 
Главная » 2017 » Февраль » 16 » Самурдин мектеб. Адан кьисмет гьихьтинди жедатIа?

11:46

Самурдин мектеб. Адан кьисмет гьихьтинди жедатIа?


Самурдин мектеб. Адан кьисмет гьихьтинди жедатIа? Самурдин мектеб. Адан кьисмет гьихьтинди жедатIа?
Мегьарамдхуьруьн райондин Самур хуьре 1946-йисуз Муртузали Муртузалиеван регьбервилик кваз чкадин жемятдин куьмекдалди мектебдин сад лагьай корпус эцигнай. Гуьгъуьнлай хуьруьн агьалийрин кьадар артух хьунихъ галаз алакъалу яз, мектеб алава пуд корпусдалди гегьеншар хъувуна.

1989-йисуз Самурда цIийи мектеб эцигиз гатIуннай. Амма 1991-йисуз уьлкведа кьиле фейи вакъиаяр себеб яз ва пулдин такьатрин кьитвиляй эцигунрин кIвалах­рал кIукI гъиз хьанач.

Са шумуд йис арадай фейила, 2008-йи­сан сентябрдин вацра хуьре кьвед ла­гьай­ сеферда цIийи мектеб хкажиз гатIун­на. Самурвийрин кьисмет акьван агъурди хьана хьи, кьвед лагьай сеферда мектеб эцигиз гатIунайдалай инихъ та­мам 9 йис алат­наватIани, дарамат къе­ни ишлемишиз вахканвач.

2017-йисан 10-январдиз «Кавполит» сайтда Фаина Къачабегова­дин «Да­гъус­тандин халкь такIан хьан­ва»­ тIвар алаз Самурда эцигзавай мектебдикай ва и хуьруьз талукь маса ме­сэ­лайрикай кхьенвай макъала чапнава­. (http://kavpolit.­com/articles/dages­tan­­­skij_na­rod_v_opale-30987/). Чна газет кIел­за­вай­­­бу­руз а макъалада мектебдиз та­лукь яз ганвай малуматар теклиф­за­ва.

Вили Каспийдин ва виш йисарин ме­гъуьн тарар экъечIзавай лианрин тамун арада ван алаз авахьзавай Самур вацIун къваларив гьа ихьтин тIвар алай хуьр экIя хьанва. Ина гьеле 2008-йисуз эцигиз гатIу­най мектебдин дарамат гилани ишлемишиз вахканвач.

Алай вахтунда тарсар тухузвай мектебдин дарамат куьгьне хьанва, ам акваз-акваз чкIизва. Ина чирвилер къачузвай школьникри чпин уьмуьр гьар юкъуз­ хаталувилик кутазва. Аялрин бахча ла­гьайтIа, Самурда садрани хьайиди туш.

Гьукумдин официальный делилралди, мектебдин дарамат эцигна акьал­тIа­рун патал пулдин такьатар бес жезвач. Амма чка­­дин агьалияр и кардихъ агъаз­вач. Абурун фикирдалди, мектебдин эци­гунар эглеш хьунин себеб Самурдин халкь инай яд тухудай имаратар эцигуниз акси экъе­чIунихъ галаз алакъалу я.

Чкадин агьалийрихъ ва чирвилер гудай цIийи дарамат эцигун патал тендер къазанмишай пудратчик Байрам Байрамовахъ га­лаз­ санал чун куьгьне ва, мумкин я, геле­жегдин мектебриз килигиз фе­на. Къенин юкъуз аялри алатай асирдин 50-йисара накьвадин керпичрикай эцигнавай куьгьне хьанвай мектебда чирви­лер­ къачузва. Бязи корпусар михьиз чкIан­­ва, спортзалдин цлари сварар ганва. Къенепатан акунарни ина Советрин девирдилай инихъ ерли дегиш хьанвач: куьгьне партаяр, еке хъиткьерар авай цIранвай кIарасдин пол, кьуларикай авунвай къенепатан къав.

Къецепатан къав муьрхъуь кьунвай ле­­­куьниз (легв) ухшар хьанва, вични да­тIа­­­­­на уьцIезва. Къенепатан къав ават тавун­­ па­тал­ бязи чкайрал махсус даяхар­ ку­­тун­ва. Ихь­тин шартIара кIелзавай аял­рин­ уьмуьр гьакъикъатдани хаталувилик ква.

«Аквазвани квез: и корпусдин цал уьцIен­ва, ангье къав ават тавун патал кутунвай дая­хар. Гьеле гатфарихъ и класс­да аялри чирви­лер къачузвай. Къав кIарас­дин даяхрин куь­мек­далди кьунвай дараматда гьар юкъуз аялри кIелзавай», — суьгьбетзава Байрам Байрамова.

Са пай чкIанвайдан къаншарда цIийи мектебдин дарамат хкаж хьанва. Кьилин корпусдал къавни гьалднава. Пищеблок, спортзал эхцигна, къенепатан кIвалахар тамамарна, лазим тир тадаракар маса къачуна, мектеб алай чка аваданламишна кIанзава.

Исятда пудратчикдиз зиянар жезва: кIуьд йисан къене ам объект хуьзвай къаравулчийриз пул гуниз мажбур хьанва­, та­хьай­тIа, эцигунра менфят къачузвай вири материал чуь­нуьх­да. ГьакIани ракьун тIвалар ва мад са вуч ятIани квахьнава.

«Проектдин смета санлай къачурла 167 мил­лиондиз бара­бар тир. 2008-йисуз эцигунрив гатIунна, гьар йисуз 5-10 миллион манат пул чара ийизвай. 2016-йисуз лагьай­тIа, са ке­пекни ахъайнач. Вири и йисара чара авунвай пулдин кьадар 50 миллиондиз барабар я. И объектдал кIвалахзавай инсанар зегьметдин гьакъидикай магьрум хьана. Чун, пул авач лугьуз­, гъавурда твазва», — шикаятзава Байрам Байрамова…

( Макъала куьруь авуна гузва )

P.S.  И макъала интернетдин сетда пайда хьайидалай гуьгъуьниз «Лезги газетдин» редакцияди РД-дин образованидин ва илимдин министерстводиз Самур хуьре хкажзавай мектебдин эцигунрин кIвалахар вучиз, квехъ галаз алакъалу яз акъвазарнаватIа, абурал мус чан хкидатIа ва цIийи мектебдин дарамат гьи йисуз ишлемишиз вахкудатIа хабар кьазвай чар рекье тунва.

Министерстводай редакциядив жаваб са вацран къене агакьун лазим я. Килигин…



«Лезги Газет»







Ниже приведены схожие материалы:

Похожие новости по теме:

Категория: Лезгины в России | Просмотров: 1810 | Добавил: Jurnalist | В материале упоминаются: лезги ч!ал

Оставьте свой комментарий!
avatar