Сажидин Саидгасанован яратмишунар. - Страница 4 - Форум ЛезгиЯр, лезги, лезгин, лезгины, лезги халкъ, лезгийриз, Лезги чiал, лезгияр

О сайте | Вопросы/Ответы | Словарь

Новости Сёла История Поэзия Голос Лезгин Народы Библиотека

Фото Видео Музыка

Статистика Форума

Обновленные темы

Популярные темы

Активные лезгияр

Новые пользователи

Ответов [ 0 ]

Ответов [ 2 ]

Ответов [ 2 ]

Ответов [ 2 ]

Ответов [ 0 ]

Ответов [ 1151 ]

Ответов [ 386 ]

Ответов [ 258 ]

Ответов [ 246 ]

Ответов [ 215 ]

Постов [ 2159 ]

Постов [ 643 ]

Постов [ 565 ]

Постов [ 376 ]

Lek5	Постов [ 326 ]

Grom95

Дата [ 03.11.2025 ]

Тимон

Дата [ 01.11.2025 ]

tuuk	Дата [ 29.10.2025 ]

difficult

Дата [ 27.10.2025 ]

gold	Дата [ 26.10.2025 ]

Новые сообщения · Участники · Правила форума · Поиск · RSS

Страница 4 из 4 « 1 2 3 4
Модератор форума: ДозаСчастьЯ, Ярушк@

Сажидин Саидгасанован яратмишунар. (шиирар)

Сажидин Саидгасанован яратмишунар.

Слезинка	Сообщение 09.01.2014, 14:14 Сообщение #1
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Поэт Сажидин Саиджамалович Саидгасанов родился 2 мая 1933 года в селе Ашага-Стал Сулейман-Стальского района. Выпускник Дагестанского государственного университета им.В.И.Ленина, заслуженный работник культуры Республики Дагестан, заслуженный наставник молодежи Республики Дагестан, отличник народного образования ДАССР, член Союза писателей РФ. Перу С.Саидгасанова принадлежит книги стихов «Почему ты пришел не вчера?», «Колобок», «Чудеса», «Под звуки зурны», «Ожерелье преданий», «Мой Сулейман Стальский», «Пламя поэзии», «Тётушка-Воробьиха», «Кто даст мне ответы?». Автор исторической повести «Ашуг Узден». Его произведения переведены на русский и украинский языки, напечатаны в газете «Правда» и журналах «Крокодил», «Колобок», «Дошкольное воспитание». При его непосредственном участии в Сулейман-Стальском районе организован культурный центр «Кюринские зори», выпускается газета «Кюринские зори», учрежден «Благотворительный фонд имени Сулеймана Стальского». --------------------
	[Прикрепленный файл 3972865.gif (37.5 Kb) ]

Слезинка	Сообщение 01.02.2014, 17:13 Сообщение #91
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Сад Ватандиз буржлу я зун хайи тир, Лезгистандин Дагъни Аран багъишай. Къуьлуьн фуни чар булахар къайи тир, Абулейсан марф хьиз цавай иличай. Зун дидедин кумукьзава буржуник, Зал чан гъана, багъиш авур лезги чІал. Жуван хивез еке буржар къачуник, Кутаз туна вуна гьар къуз, гуьзгуь чІал. Эхиримжи буржни пара залан тир, Шииратдин вилик даим есир я. Буржар вири алудун зи план тир, Алакь тавун зи кьисметдин тахсир я. --------------------
	[Прикрепленный файл 5328927.gif (3.7 Kb) ]

Слезинка	Сообщение 01.02.2014, 17:16 Сообщение #92
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ДИДЕДИН СУЬРЕТ Вахтар физва чун жез чІехи, Са девирда аялар тир. Азиз диде, кьил тир рехи, Чун ви рикІин хиялар тир. Къе заз а ви гуьзел суьрет, Лув гуз физвай циферикай, Малаикрин галаз кІеретІ, Карагзава лиферикай. И дуьньядин гьар са нямет, Ваз кІандай чаз хьана, диде. Вун себеб яз бахтлу кьисмет, Заз Аллагьди гана диде. Диде, диде, ширин диде, Мез вирт, акьул дерин диде! Вил галама акунихъ мад, Ви милаим хъуьруьн, диде. Диде-Сад я, Сад я Аллагь1 Диде-багьа кас я, Валлагь1 Лугьузва заз даим рикІи, Дидедикай манияр лагь!. --------------------
	[Прикрепленный файл 4169128.gif (8.9 Kb) ]

Слезинка	Сообщение 01.02.2014, 17:20 Сообщение #93
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Гьайиф чарар чІулав авур цІарарал! Гьайиф чІарар рехи авур крарал! Гьайиф! Гьайиф! Ватан патал чан гайи, ЧІур акьалтиз къегьриманрин сурарал! --------------------
	[Прикрепленный файл 3564522.gif (5.7 Kb) ]

Слезинка	Сообщение 01.02.2014, 17:25 Сообщение #94
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЯЛВАР Хуш я лугьуз ярар-дустар, межлисар, Зав хъел хьана, кьве чин алай иблисар. Гунагьар каз кьуртІа, завай силисар, Къуй, зи дуван авурай Сад Аллагьди! Халкьдин рекье кузва лугьуз цІукІ хьана, Хаинриз зи кІан я таран кІукІ хана. Уьмуьр тухвай муьгьуьббатдин лукІ хьана, Къуй, залай гъил къачурай Сад Аллагьди! Агъдин лацу ранг кьадалди чуруди, Гьич са карни авунач за чІуруди. Халкьдиз багъиш ганачтІа, рикІ хуруди, Къуй, зи тахсир авурай Сад Аллагьди! РикІе авай мурадрин дагъ кьакьан тир, Дережа зи, шукур Аллагь, юкьван тир, Зун зи халкьдин къавук квай са чукьван тир, Къуй, зи зегьмет акурай Сад Аллагьдиз! Зи уьмуьрдал шадни я зун, сефилни. Яшар пара, агьилни я, жегьилни. Руьгь девлетлу шаирни я, саилни, Къуй, маса рехъ тагурай Сад Аллагьди! Захъ авайди кьве гъил, са кьил, мез я зи. Халкь кесиб яз, кІватІай девлет квез я зи? Ватан патал къуллугъ авун ферз я зи, Къуй, дуьз рекьяй ракъуруй Сад Аллагьди! Лезги чилин ширин я заз булахар, Диде чилихъ гелкъуьн я зи кІвалахар. Жуван халкьдал ийизва за дамахар, Къуй, шад уьмуьр хугурай Сад Аллагьди! Эмина хьиз чІалар лугьуз рикІевай, Сажидин я Сулейманан рекьевай. Дуьзвал, гьахъвал патал даим йикьевай, Къуй, руьгь Вичел чІугурай Сад Аллагьди! --------------------
	[Прикрепленный файл 2039960.gif (8.4 Kb) ]

Слезинка	Сообщение 01.02.2014, 17:29 Сообщение #95
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	КIАНДАЙ Гагь варз кьилел, рагь рагъ кьилел, Акун – са бахт тушни чилел? И дуьньядин гуьзелвилел, Ашукь жедай вилер кIандай! Авур гьуьрмет тийиз къуьхуьн, Сада-садан хатурар хуьн. Жегьилвилин ялав туьхуьн Тийир къизил гуьллер кIандай! Аквазвай са сефер вилиз, Къуллугъ ийин Диде чилиз. Шадвалдайвал кьиляй-кьилиз, Мехъерарни мелер кIандай! Дуьнья гуьзел ятIа гьикьван! Гъетериз куьн тамаш кьакьан! Сад Аллагьдин Тахтуниз кьван, Хкаж жедай цIилер кIандай! Дуьньядикай вил атIудач, ВацI атана, гьуьл ацIудач. Шад манидин зил атIудач, Муьгьуьббатдин чуьллер кIандай! Инсанрин шад ийиз гьалар, Теснифин, дуст, цIийи чIалар. Сажидинан рикIин тIалар, Кьезилардай эллер кIандай! --------------------
	[Прикрепленный файл 1056177.gif (8.4 Kb) ]

Слезинка	Сообщение 01.02.2014, 17:36 Сообщение #96
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЗИ ЛЕЗГИ ХАЛКЬ Зи лезги халкь, терездин кьве хилевай, Вун як яни кьасабчидин гъилевай? Гьакимрилай аслу хьана кьилевай, Кьадар-кьисмет, хъиляй хьиз вай-зай авур? Са стхаяр – са диде, са бубадин, Акъвазарна къаравулар арада; Мелни мехъер са хьуьруьн, са убадин, Лагь, вучиз чIур ийизватIа чарада? Зи лезги халкь, цIигел хьанвай садвилихъ, Ви арада вучиз Кьулан вацI хьана? Сефилвални акахьна чи шадвилик, РикIерал чи алат тийир кьацI хьана. Ша, Лезгияр! Женгерани мелера, Сад жен вири, мурад патал еке тир. Шад мехъерар къурмишин чи кIвалера- Лезгистанда! –Къагьриманрин уьлкве тир! Сагъ хьурай халкь – зи эвел, зи гележег!- Лугьузва за – Сажидина стIалви. Халкь паталди чIугвада за даим женг, Багьавиляй гьар са къван, са ккIал ви! --------------------
	[Прикрепленный файл 2434836.gif (44.1 Kb) ]

Слезинка	Сообщение 01.02.2014, 17:47 Сообщение #97
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	КУЬРЕ Кьурагь дагълар. Самур, Аран, Бегьерар я Лезги таран. Къурмишзавай сувар Яран, Муьгьуьббатдин рагъ я, Куьре! Куьре Мелик, ПІирер Шагьид, Мегьаммед я ЧІехи Муршид. Етим Эмин, Кьуьчхуьр Саид, Сулейман са дагъ я, Куьре! Кьурагь, Ярагъ, чи Кьасумхуьр, Чирагъар я даим куькІуьр. Сад Аллагьди авур туькІуьр, Женнетдин Пак багъ я, Куьре! Сажидина лагьай бейтер, Чиле – цуьквер, цава – гъетер, Чир хьана заз а ви къейдер, Намус михьи агъ я, Куьре! Тикрар6 Куьредин нур, Куьредин рагъ, Лезги чилин берекат я. Дуьнья машгьур Шагь, Шалбуз-Дагъ, Чи иман, чи – тарикъат я! Лезги хуьрер – дерин сирер, Гьар са хуьр – са Шагь я, Куьре! Чи дагъларал хьайи хирер – Чи намус, чи – ягь я, Куьре! --------------------
	[Прикрепленный файл 7682422.gif (2.2 Kb) ]

Слезинка	Сообщение 01.02.2014, 17:50 Сообщение #98
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЖАГЪАНАЧ ЗАЗ РЕГЬЯТДИЗ Гьич са карни жагъанач заз регьятдиз. Кьисмет патал даим кукІун-чухун я. Бахтуни вич къалурна заз кьегьятдиз, Белки гьа кар себеб яз зун яхун я. Шаирвили сагъарна зи азарар, Адан руьгьди хкажна зун цавариз. Ашкъидин цІу канатІани пІузарар, Зегьметди зун элкъуьрна са сувариз. Хари гада хьанач, кІвале: кьвед авай. Зи аялвал хъендик хьана дяведин. Пилоткадал тиртІан ашукь, гъед авай, Язух къвезва гьар са кьейи неведин. Лагьанач за са кІвалахни - четин я, Уьмуьр жузван тухвана заз кІанивал. Мурадрин дагъ, шукур Аллагь буьтуьн я, Рази я зун кьисметди заз гайивал! --------------------
	[Прикрепленный файл 1120019.gif (7.1 Kb) ]

Слезинка	Сообщение 01.02.2014, 17:52 Сообщение #99
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЧИ СТІАЛ ВАЦІ Дагълар хъуьрез, живер цІараз, Авахьда вун синер кьураз. Гьар гатфариз, гьар са Яраз, Мани яда, хунча храз, Ширин ванцел, чан СтІал вацІ! Кьулухъ туна Магъу дере, Дустар кьада гьар са хуьре. Жув паталди гьич са зерре, Темягь тийир Земзем шире, Вал шад я эл, чан СтІал вацІ! Суваб кІвалах я дуьз рахун, Гагь куьк жеда, гагь вун яхун. Чарх акурла, ийиз кухун, Гагь-гагь жеда вакай ахун, Атайла сел, чан СтІал вацІ! Мублагь тир кьер жеда ваз дар, Муькъвер тухуз, гваз физ бандар. ТипІигъ, АрхитІ, мад Алкьвадар, Акур чІавуз ви мукьвадар, Хкатда хъел, чан СтІал вацІ! Багъни бустан, дигиз никІер, Шадарда гьар садан рикІер. Гьар са къанал яз ви сенгер, ВацІ – зегьметчи, чи рикІ-жигер, Мехъерни мел, чан СтІал вацІ! Кьурагь-Арагъ вацІ яз уртах, ЧІугвада вун Арал патахъ. Галат тийиз фидайла яхъ, Шумудав на кьада кьуршах? Галаз мад хел, чан СтІал вацІ! Мугъу дере, Мамрач, Каспи, Халкьдиз яд гун я ви кеспи. Гагь рагъул жез, гагь вун аби, Векьер-къацу, никІер хъпи, Жеда ви цел, Чан СтІал вацІ! Сажидиназ чида къадир, Ваз ухшарбур жеда надир. ЧкІуриз кьуд патахъ атир, Куьревийрин ви тІвар шад тир, Ала мецел, чан СтІал вацІ! --------------------
	[Прикрепленный файл 5899128.gif (39.5 Kb) ]

Слезинка	Сообщение 01.02.2014, 17:57 Сообщение #100
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	БУБАДИН ТАРСАР Гатайдаз на рак, кар гьатна кІеве, Куьмек гунин бурж гьатзава хиве. Эверайдаз – гьай, суалдиз - жаваб, Дуьздаказ гунуг – кІвалах я суваб! Мукьвадахъ галаз – мукьад яз къунши Кьур касдиз четин кар жедач наши. Халкьдиз куьмек гуз экъечІай гъилиз, ИчІи къаб кьуна, хкведач кІвализ! --------------------
	[Прикрепленный файл 8548131.gif (54.5 Kb) ]

Слезинка	Сообщение 01.02.2014, 18:05 Сообщение #101
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Ламра ягъайла хатадай кІуру, Аватна лугьуз, женнетдиз инсан; Гьар акур ламраз са бязибуру, Кьисмет хьун патал гележег хъсан, Вич ягъун патал кхьизва хуру. --------------------
	[Прикрепленный файл 5985379.jpg (21.2 Kb) ]

Слезинка	Сообщение 01.02.2014, 18:07 Сообщение #102
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Келледа акьул авайда дерин, ТуькІуьрда кІвалах мецелди ширин. Кьабулда вун хуш мугьман хьиз азиз, Я чинебан сир акъуддач къециз! --------------------
	[Прикрепленный файл 9532659.jpg (10.6 Kb) ]

Слезинка	Сообщение 01.02.2014, 18:09 Сообщение #103
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	АМ ГЬИ БУЛАХ Я Ам гьи булах я инсанди Дад такуна фейиди? Ам гьи кIвалах я хъсандиз Гад такуна фейиди? Ам гьи гьулдан я, ракь я Чад такуна фейиди? Ам вуч лигим яракь я? Яд такуна фейиди? --------------------
	[Прикрепленный файл 7195485.gif (19.8 Kb) ]

Слезинка	Сообщение 01.02.2014, 18:11 Сообщение #104
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Къадир течир инсандин, Икрамайди пулуниз! Садра кьванни хъсандиз, Тамаш мяфед кьулуниз! --------------------

Слезинка	Сообщение 03.02.2014, 13:12 Сообщение #105
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	КВЕВ ГУЗВА ЗИ СИР Эй кьакьан дагълар, гуьнеяр аскIан! Кул-кусдин тамар, булахрин кIамар! Квев гузва зи сир, зи хайи макан! Эй шадлу мехъер, зун я ви чамар! Алмас хьиз михьи булахар къайи, Техилрин никIер, емишдин багълар! Квев гузва зи сир, заз бахтар гайи, Рехи дагъларин кукIвар гимишдин! Экуьнин ярар, пакаман шагьвар! Рагъ экъечIдай вахт, цавун кIан яру! Квев гузва зи сир, ахъайна лувар, Лув гузвай гьава къазуниз хуру. Эй ислягь лифер, эй дагъдин лекьер! Хъвазвай гьавадай илгьамдин чехир! Квев гузва зи сир, дагъларин рекьер, Яхди финалди, авачир эхир! Куьн я зи эвел, куьн я зи эхир! Куьн я гележег, зи пакагьан югъ! Тек са квев гузва зи ченебан сир, Кьилел гуьллейрин къвайитIани юргъ! --------------------

Слезинка	Сообщение 13.07.2014, 20:45 Сообщение #106
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ГЕРЕК Я Девиррилай девирдалди лув гана, Катзава вахт, женгер хьана тарихдин. Шумуд душман вичи кягъай цIув гана, Дагъви халкьдин сирер чирна къилихдин. Эхиз тежер гужар акур вахтуна, Садвал хуьнуьх чи бахтунин куьлег я! Лезгистандин тIвар хуьн патал Тахтуна, Гьар девирда Шарвилияр герек я! Шагь-дагъ, Шалбуз, Земземдин яд Самурдин, Азадвилин даяхар я, даяхар! Лезги халкьдин абурлувал сабурдин, Берекатрин булахар я, булахар! Багьа я чаз са кап кьван чил, ругни кваз, Адан гьар къван, кик1ални кваз куьмек я. Хуьн паталди тара авай мугни кваз, Гьар девирда Шарвилияр герек я! --------------------

Слезинка	Сообщение 13.07.2014, 20:48 Сообщение #107
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Гъетерихъ кьван авай буйдин кьакьанвал, Къагьриманар ава Лезги Ватанда! Гьам Зегьметда, гьам Женгина кIубанвал, Эбеди яз хуьзва чна чи чанда! Дуствилер хуьз, Къадим Лезги адетар, Хкахь тийир цIай рикIе хуьз зирек я! Сад хьун патал Дагъустандин миллетар, Гьар девирда Шарвилияр герек я! Ислягь уьмуьр хуьн паталди, чан гана, Къейи ксар – Игитар я, Игитар! Чапхунчияр терг хьайила, къван гана, Руьгь амачир мийитар я, мийитар! Гъед тиртIа ам, ивичIнавай чилерал? Шарвилиди къалурай Рехъ, Экв я чаз! Ашукь жедай Ватандални Эллерал, Гьар девирда Шарвилияр герек я! --------------------

Слезинка	Сообщение 13.07.2014, 20:48 Сообщение #108
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЯРУ ПАЙДАХ КΙАШ - МУКАЛДИН Ι Гьикьван ват я фагьумиз за иердиз, Гьар са карда дуст дустунин – далу тир. Хуьре-кΙвале, кΙантΙа алад шегьердиз, Садаз масад – буба, хала, халу тир. Гьайф, гьихьтин девир гъиляй акъатна! Я инсанар, куьз куьн кьиляй акъатна? Мукьвал-мукьвал дустар къведай мугьмандиз, Мугьман авай кΙвал элкъведай мехъериз. Саданни чин аквадачир пашмандиз, Рахун – мани, къекъуьн элкъвз кьуьлериз. Гьайф, гьихьтин девир гъиляй акъатна! Ярар-дустар, куьн ни хъиляй къакъатна? прод. следует --------------------

Слезинка	Сообщение 13.07.2014, 20:49 Сообщение #109
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Кьейи, хайи, мел-мехъериз кΙватΙализ, Ван акьалтдай далдамдинни зуьрнедин. КΙутадинни кΙашунин ван чатал жез, Клубрани – театр кьуд пердедин, Гьайф, гьихьтин девир гъиляй акъатна! Залум фитне, вун гьи хъуьртяй акъатна? Диде-буба герек амач аялриз, Гьар сад вичиз кΙани патаз катзава. Вуч кьван чΙуру крар къвезва хиялриз, Сада масад ягъиз, рекьиз гьатзава. Гьайф, гьихьтин девир гъиляй акъатна! КΙвал жагъайбур чпин кΙваляй акъатна! КΙашни Мукал – дустар хьана, Сад хьана, Зегьметчийрин уьлквени тир азад тир. И чΙехи тир дуьньяда чи Ад хьана. Чал душманар хъуьруьрзава фасад тир. Гьайф, гьихьтин девир гъиляй акъатна! Гужлу СССР чи кΙаняй акъатна! --------------------

Слезинка	Сообщение 13.07.2014, 20:50 Сообщение #110
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	ЧукΙур ийиз – регьят, кΙватΙиз четин тир, Маканрикай – садлагьайди Ватан я. Азарлудахъ галукьайди батин тир, Муьрхъведи кьун – иесисуз гьулдан я. Гьайф, гьихьтин девир гъиляй акъатна! Зегьмет чΙугуз, халкь къве къуьняй акъатна! ΙΙ Африкадин негрийрикай лукΙарна, Европадиз Америка – гъуьл хьанва. Афгъанистан, Ирак…шумуд кукΙварна, Россияни чукΙурунал вил хьанва. Гьайиф, ихьтин девир акваз вилериз! Инсаният физва чиляй-чилериз! Югослав хьиз чукΙур хъийиз кΙватΙалар, США-дик тΙуб хукуьрзавач, мягькем кьаз. ООН чна хуьзватΙа вуч паталай? Алахъзавай терсина пад мягькем кьаз! Гьайиф, ихьтин девир акваз вилериз! Са гьахъ девир ахквазматΙа эллериз? --------------------

Слезинка	Сообщение 13.07.2014, 20:50 Сообщение #111
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Америка – аллагь, доллар – шагь хьана, Амай пулар элкъуьрзава чарариз. Галукьайди чахъ ни чΙуру агь хьана? Хкаж жезвай чΙавуз Космос гурариз! Гьайиф, ихьтин девир акваз вилериз! Дявекарар къвез уьлквейрин кьилериз! Яру пайдах – КΙашни Мукал саналлай, Экспонатар хьурна куьгьне музейдин; Гьукуматар хкаж жезва кΙанеллай, Къишлахарни элкъуьрзава Уьзендиз. Гьайиф, ихьтин девир акваз вилериз! Чи девлетар физватΙа гьи гьуьлериз? Артух рахун – къай гунуг я сивериз, Амалдарри кΙвалахзава кис хьана. Ламарини яб хугузмач Севериз, Къвердавай чи гьал аквазва пис хьана. --------------------

Слезинка	Сообщение 13.07.2014, 20:52 Сообщение #112
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	Гьайиф, ихьтин девир акваз вилериз! Ийиз женни пабвал чара гъуьлериз?! Сажидиназ – хьайид хьана, яш хьана. Бес чи къвезмай гьал гьикΙ хьурай халкьарин!? Вад пипΙен Гъед, вучиз вакай Хаш хьана? Къизил – кΙаник кваз муьрхъуь кьур ракьарин. Гьайиф, ихьтин девир акваз вилериз! Вахт пуч тийин, ша, куьс гун чи Гъилериз!!! --------------------

Слезинка	Сообщение 12.03.2015, 15:42 Сообщение #113
ЛезгиЯр Группа: ЛезгиЯр Сообщений: 2159 Регистрация: 02.12.2011 Из: Российская Федерация Пользователь №: 284 Отсутствует	--------------------