Лента новостей
ОПРОС
Как Вы сморите на то, чтобы издание «ЛезгиЯр» публиковало не только лезгинские новости?
Всего ответов: 691
Реклама
Реклама
ЛезгиЯр на Facebook
Партнеры ЛезгиЯр
Лезги литература
Статистика

Яндекс.Метрика

Наша Кнопка

Онлайнда авайбур: 36
Мугьманар: 34
Иштиракчияр: 2
samdag, salezgigada

Сегодня нас посетили:

 
Главная » 2013 » Март » 27 » Къафкъаздин билбил

12:01
Къафкъаздин билбил

Къафкъаздин билбил
Кьудкъад лагьай йисарин эхирар лезгийрин эстрада хкаж жезвай чIавар тир. Гьар юкъуз гьар хуьре са цIийи ансамбл арадиз къвезвай. Гьа чIаварин цIийи гьавайрихъ, аранжировка хъгана туькIуьр хъувунвай халкьдин манийрихъ, алатай девирдин композиторрин популяр хьанвай манийрихъ цIийи оранжировкада  яб акалун виридан рикIяй тир. Лезги чилерал эстрададин манийрин цIийи нефес атанвай. Фад - фад лезги авазрин фестиваларни кьиле физвай. КцIара, Дербентда, Ахцегьа, Кьасумхуьрел кьиле физвай фестивалра цIийи манидаррин тIварарни арадиз акъатзавай. Виридалай хъсан ансамблар вацIун чапла пата "Ая кам", "Ким", "Штул" тиртIа, эрчи пата  "Шагьдагъ", "Шагьнабат", "Къайи булах", "Кард" тIвар алай коллективар гьисабзавай.

"Шагьдагъ" вичиз кьетIен хатI, манияр, стил авайбурун камда виридалай вилик жергедиз  акъатнавай. Жегьил композитор Видади Зуьлфуькъарован регьбервилихъ квай ансамблда чи тIвар-ван авай сейли ашукь Нуьсретан хва Шагьнезеранни сегьнедиз цIийиз атанвай жегьил манидар Ларисадин мили ванцин дуэтди яб акалзавайбурун рикIериз фад рехъ жагъурнай. Вич такваз, мили ванци рикIер рамзавай Лариса халкьдин арада фад машгьур ханай. Са мехъерик Ларисадин мили ванцел мягьтел хьайи чи тIвар-ван авай зари Муьзеффер Меликмамедова адаз "вири Къафкъаздин билбил” лагьанай.

1966-йисуз Кьурагь райондин Хуьрехуьр тIвар алай иер маканда дидедиз хьайи Ларисадиз ана уьмуьрун кьисмет хьанач. Гьа йисуз хьайи зурзалагди кIвалер чкIурай хуьруьнвияр чпин кьилиз чара авуниз, маса чкайриз куьч жез мажбур хьана. Абдулгьалиман хзанди Мегьарамхуьруьн райондин КьепIиррин къазмайрал пун кутуна. Ларисадин аялвални гьа и хуьре фена. Аял чIавалай манийрал, макьамрал рикI алай и руша мектебда музыкадин тарсара акьван активвал къалурзавай хьи, бязи чIавариз муаллимди адан гьазурвилиз килигна ларисадив аялриз тарс гуз тадай. Районда кьиле физвай вири мярекатра кIепIирвийрин капIалдихъ Ларисани жедай. Кьве чIехи стха музыкантар хьуниз килигна ада лап аял чIаварилай абурухъ галаз хуьруьн демера манияр лагьанва. 

Мектеб акьалтlарай Лариса Дербентдин музыкадин училищедик экечIзава. Гьа йисара жуьреба фестивалра иштирак авур Лариса  КцIарин "Шагьдагъ" ансамблдин колективдихъ акатзава. Ансамблдихъ галаз адан агалкьунар мадни пара жезва. 1991-йисуз "Шарвили" културадин маканди кьиле тухвай "Лезгистандин авазар" тIвар алай фестивалда I чка кьур Лариса профессионал музыкантрин цIиргъина гьатзава. Гуьгъуьнин йисара Махачкъала, Каспийск, Краснодар, Москва ва маса шегьерра кьиле фейи концертри Лариса Межидовадин тIвар лезги эстрададин тарихдиз къизилдин гьарфаралди кхьена.

Эхиримжи йисара Ларисади вичин актрисавилин агалкьунар  винел акъудзава. Ада Дербентдавай С.Суьлейманан тIварунихъ галай Лезги Драм Театрда кIвалахзава.

Жегьил режиссер Алихана Дербентдин Лезги Театрдин сегьнеда эцигай каркам композитор Узеир Гьажибекован шира "Аршин малчи" тамашада Ларисади къугъвай Жагьан халадин рол виридан рикIяй хьана. Тамашачийринни, актерринни, театрдин кьиле авайбурунни. Дебютди кьил кьуна. Гуьгъуьнай режиссер Мирзабег Мирзабегова эцигай, Хуьруьг Тагьирани, Къияс Межидова санал кхьей "Ашукь Саид" тамашада Ларисади къугъвай Маралан ролуни адан актервилин талант винел акъудна. Лезги эстрададин чубарукди, вири Къафкъаздин билбилди Лезги театрда вегьей сифте камар тIарамбур хьанва. Чна адаз и рекъе чIехи агалкьунар тIалабзава ва театрдин сенятдин кукIушриз хкаж жедай югъ виливди хуьзва.

К. Аламви
«Алам» журнал




Ниже приведены схожие материалы:

Похожие новости по теме:

Категория: Разное | Просмотров: 2196 | Добавил: Jurnalist | В материале упоминаются: Журнал Алам, Аламви, Алам журнал
 
 
27.03.2013 19:59
 
Лезгияр, давайте учиться писать слово "Кавказ" по-лезгински Къавкьаз, давайте приучать себя к отстаиванию как своей истории так и исконно родных топонимов!!!
Ответить       0  
Спам

 
 
27.03.2013 21:12
 
Спасибо за вашу критику, однако автор данной публикации является К. Аламви
Ответить       0  
Спам

 
 
27.03.2013 21:33
 
smile
Кстати, это не критика, а предложение.
Единственный язык(имхо) из кавказских языков, который логически объясняет происхождение слова "Кавказ" - это лезгинский язык, мне кажется, мы должны дорожить этим, а не писать изобретенным в годы советской власти вместе с кириллицей слово Къафкъаз".
По-моему, предначертание гор держать крышу Земли, небесный свод вполне укладывалось в сознании человека с древнейших времен, что и нашло соответствующее отражение в родном языке.
Ответить       0  
Спам

avatar