Яран Сувар Мубаракрай!

Играми ЛезгиЯр порталдин иштиракчияр, квез Яран Сувар чи сайтдин коллективдин патай мубаракрай! Куь к1валера гьамиша шад мярекатар хьурай, ачух суфраяр куь к1валера т1имил тахьуй. Такурай чи халкьдиз залан йикъар, ислягьвилив ац1урай дуьнья. 

  

Яран Сувар - чи халкьдин рик1 алай суварикай сад я. Суварин тарихдикай рахайт1а, идалай вилик, залан кьуьд алатна гатфар атайла, инсанри суварин гьазур вилер акваз эгеч1дай: к1валер хъсандиказ михьдай, куьгьне перемрикай чирагъар ийидай (пекер арушнавай лаш) ва суварин ширинлухар гьазурдай. 

Суварин юкъуз, нянин вахтунда, чирагъриз ц1аяр ягъдай (к1вале шумуд аял ават1а гьакьван чирагъарни хьун лазим тир), суварин суфра ачухдай (виридан к1вале хъчадин т1уьн жедай), ахпа сувар мубаракиз мугьманриз фида,к1валериз бармакар чантаяр вегьеда, ширинлухар апайда, къецел алай ц1ун патав ацукьда, манияр лугьуз шадвал кьиле тухуда. Суварин югъ жедалди гъилик яру гъал кутада. Яру гъал галачирди ва я тагьайт1а яру перемар алачирди яра ягъдай. Гьа ик1 халкьди Яран Суваризни ва амай сувариз хьиз чпин шадвал ва садвал къалурдай 

Гьуьрметлу ЛезгиЯр, квез виридаз сувар мубаракрай! Куь кIвалера гьамиша суварин авазар хьурай!