Камран Къурбаналийрин: чи мукьвал тарихни "Самур" ЛМММ

И мукьвара (08.11.2018) цӏийи кьилелай къейдийятдай (регистрация) хъфенвай "Самур" културадин макандин кьилевайбурун сифте кӏватӏал хьана. Вири атанвачиртӏани кворум авай. Вилик къвазнавай проблемар гьялун патал гьарда вичин теклифар гана. Конструктив теклифар гьялдай рекьер, нупадин кӏватӏалда веревирд авун къарардиз атана.

"Самур" културадин макан алатай асирдин кьудкъад лагьай йисарин эхирра чи интеллигенцияди Бакуда арадиз  гъайи кӏватӏалрикай сифтеди я. А чӏавуз адан кьиле филологиядин илимрин кандидат, шаир Кичибег Мусаев акъвазна. А чӏвариз ада Бакудин Девлетдин Университетдин дараматда хайи чӏалал кӏелиз-кхьиз чириз канзавайбуруз гьяддин мектебни кардик кутуна.

Сифте редактор Фейруз Бадалов хьайи "Самур" тӏвар алай газетни ахъайна. Гуьгъуьнай "Самур" културадин макандиз филологиядин илимрин доктор, профессор Али Мусаева регьбервална. Али Мусаеван регьбервилик кваз "Самурдин" сергьятар гегьенш хьана. Лезгийри компакт уьмуьрзавай пара районра "Самурдин" ройон тешкилатар кардик акатна. "Самур" културадин макан, "Самур" милли меркездиз элкъуьрна цӏийи кьилелай къейдийятдай хъфена. "Самур" газетдин редактор дегишарна профессор Нуреддин Гьабибов, гуьгъуьнайни Седакъет Керимова эцигна. Лезги миски кардик кухтуна.

Са шумуд йисалай "Самур" милли меркездин регьбервилиз техникадин илимрин кандидат, доцент Мурадагъа Мурадагъаев атана, кӏватӏал чкӏидай йикъаз гъана.

"Самур" милли меркездин нупадин регьбер хкягъ хьайиди чи рехи кас Шаир Гьасанов хьана. "Самур" газетни милли меркез чандал хканатӏани, район тешкилатар туьхкӏуьриз хьанач.

Шаз рагьметдиз фейи Шаир Гьасанован чкадал цӏи адан командадай тир Имран Рзаев атанва. "Самур" цӏийи кьилелай къейдийятдай хъфена лезги милли медени меркез хьанва. "Самур" ЛМММ. "Samur" LMMM.

Цӏийи регьбердиз, цӏийи агалкьунар!

Исходный ресурс: Камран Къурбаналийрин