Бес я халкь алцурарайди!

«Жители села Каладжух взбунтовались» тlвар алай статья акъатайла са т1имил вахтарилай тапаррикай туьк1уьрнавай жавабдин макъала акъуднава сайтдиз. Заз вахт хьаначир, адан патахъай гила са к1ус геж кхьизва жуван мнение.

Къаладжухвийрин патай Р.Г.Абдулатоповаз кхьей ачух чар за лезги газетдиз ракъурнай. Чар урус чlалал тир, ахпа Дашдемир Шерифалиева райондизни хуьруьз фена проблемайрикай хабарар кьунва.

2011-йисуз Лезги газетдиз Саидулла Шекиева местный журналист К.Ферзалиеваз гайи интервьюда килиг вуч лагьанватlа:

«Гъизвай яд хуьре 5-6 чкадал, гьар са магьледиз кьилдин булахар хьиз тухуда ва агьалийриз чпин гьаятрал кранар тухудай мумкинвал жеда. Агьалияр хъвадай целди таъминарунин месэла чна зулалди гьялна акьалтlарда». Пуд йис ахлатнава. Хиве кьур гаф вучиз кьилиз акъудзавач эрекьдин дуст Шекиева? Тахьайт1а адаз райондай куьмек гузвачни? Бес я халкь алцурарайди! Журналистриз авайвал хиве кьазвач куьне садрани. Шерифалиевазни куьне тапарар хъавунвайди я.

Жув чкадал алайтlа жемаатдихъ галаз хъсандаказ гьалдай проблемаяр. Гьа ихьтин са пара хъсан югъни алукьда мукьвал вахтара. Чна гьелелиг инсанрин кlватlал кlватlзава. Ахпа вирида санал къарагъна гьарай-вургьай акъудда. Чна садазни писвалзавай туш. Анжах хуьруьн проблемайриз фикир це. Кlанзавай маса шей авач хьи. Чунни куьн хьтин современный инсанар я, герек я талукь къайдаяр условияр.

Райадминистрациядин кьилин зам Салехъ Гаджимурадова муниципалитетда хьайи совещаниедал вилик кумаз гьазурнавай спектакль хъсан артистди хьиз кьилиз акъудна. Дербентдин лезги театрдин директор Алибек Мусаев зи яр-дуст я. Салехъан талантдикай за директордиз са хабар гуда.

Яд таъминарнавач лагьайла гьич авач лагьай ч1ал туш. Вирерай-архарай хъвазвани бес халкьди яд? Гьардан гьаятра герек я яд алай девирда. А куьне лугьузвай булахар ата бубайрилай авайбур я. Ви к1вале яд авани Салехъ? Тахьат1а кварарни къапар гваз хзанар булахрани архара авани? Авазвайди я вири, ядни ава ваз, газни ава ваз, спортзални ава, садикни ава, хъсан рекьерай физва вун, чухурдиз аватзавач, к1вач кьац1узвач, асфальт ава. Амма чаз ибур ахварайни аквазвач. Ахпани ваз халкь алцур ийиз хъсан к1валахни ава кьеж квай. Мадни хьурай вахъ. Тахьуй лугьузвач чна. Виридаз хъсан хьуй.

За статьяда къалурнавай проблемаяр квез т1вет1регъни акунач. Амма лугьузва дугундай цин ва къежел яйлахдин проблемаяр ава вам ад вири хъсан я. Таб я вири. Гьа дугундай яд вучиз ийизвач куьне бес? Садрани яб гузвач. Исятда вири хуьрер таъмин ийизва, инаг ваъ. Къежел кьилин месэлая я лугьузва. Гьамни дуьз я хьи, амма гьа проблемани гьялиз к1анзавач квез, багьнаяр ийиз четин я лугьузва. Им Саидулла лугьурда авуна к1ан тир кар я. Генани местный журналист Ферзалиеваз баркалла лугьун гьахъ я, ада кхьенвай обращенияр сайтра ава. Проблемаяр варавурд ийидай адалатлу са кас хьайт1ани ава хуьре.

Обращениедал Саидулладин къулни алач. Ам гьина ахвара ава бес, яйлахдин проблема гьал тавуна?

Хуьруьн проблемаяр за хуьруьз хъфейла Куругли Ферзалиевахъ галаз варавурд ийида ва администрациядизни къведа зун. Зун душманвалзавай инсан туш. За алакьдай куьмек ийида ва инлай кьулухъни гьак1. Маса кар авач ина.

Шерифалиеваз проблемаяр хиве кьаз кич1е хьайи Мелик са вуч ят1ани работник я. Гьак1 хьайи кьунач ада хиве.

Школадикай пис раханвач зун Салехъ халу. За ваз гила халу лугьуда, са кьадар залай еке инсан я. На совещаниедал лугьузва лугьузвай хьи бес, школа пис я лагьанва статьяда. Авач хьи школадин ихтилат ана. Школадикай рахада са маса сеферда. Исятда аникай захъ хабар-фактар авач.

А гъизвай булахрин ятар виридаз жедайвал эхирдал кьван кьиле тухун хъия лагь сельсоветдиз. Алакьзавачт1а тадиз алуд к1валахлай ам. Я тахьайт1а фена на ая Салехъ халу. Ви иш-пеше вуч я мад?

Совет алудна са нефсинал часпар эциг тежедай кас эхцигмир ахпа. Жемаатди чпи сесер гана справедливидаказ авурай ин кар. Руководстводин к1валахарзавай кьве-пуд кас к1елетвийрин т1варар кьунва куьне. Абур халкьдиз хуш авай инсанар туш, нефс авай инсанар алай к1валахрилайни ахлудна к1анибур я. Икьван ч1авалди маса управленидани бязибур инсанар кармашнава. Амай бязи работникар Махачкаладай министерствойра к1валахал эцигнавайбур я. Абурни бухгалтерарни куьлуь работникар я. Райондин регьбердин куьмекчия лугьуз кхьенвай инсан садазни чизвач куьмекчи яни тахьайт1а маса шейъ. Адакай жемаатдиз хьайи са куьмекни авач садрани. Фукъиренар к1ват1нава герек авачир.

За вири ин крар зенгер авуна чирнава. Хуьруьн ч1ехиди хкягъирла тади къачуна к1ани туш. Вири рази жедай гьалдиз атун хъсан я.

Райондин депутат я лугьуз Сеймур ава К1елетви. Имани са куьн иесини туш. Са проблемани ийизвач ва жезвач гьализ. Фукъиренар к1ват1нава. Хабар кьаз к1анзава райадминистрациядивай са кар: вучиз проблемаяр гьализ жедай кар кьиле тухуз жедай алакьдай ксар хкягъзавайтуш куьне?

Салехъ халудиз теклифзава за са гьафтеда фена яшамиш хьухь гьахьтин шарт1ара-условийра, Къаладжух хуьре. Спектакль ахпа къалура. Сценаристар масабурни жеда ахпа. Гьа за кхьенвай статья совещаниедал к1елна, ахпа варавурда авуна кани тир. Вуна Салехъ халу ваз кани макьамар авуна куьтягьна проблемаяр. Им гьахъ туш види.

Къалурай проблемайрикай куьне садни авайди яз хсабнач почти. Са проблемани гьалдай рехъ акунач ва исятдани ксанва куьн.

Генани администрациядин ч1ехиди тир А.Алискеров хъсан я. Ада проблемаяр ава лугьуз хиве кьазва. Хиве кьунни инсандин культурныйвал чир жезвай кар я. А. Алискерова Салехъа хьтин спектаклияр гьазурзавач.

Салехъан гафаралди справка фальшивка я. Ни лагьана? Гьадан т1вар алай справкаяр субсидийрин отделдай ва мадани кар алай управленийрай Къалажухриз ганвай справкаяр жагъида квез. Вилер ахъайна ва кагьул тахьана фена тамаша ман. Ахпа таб яни, фальшивка яни чир жеда.

Шерифалиев журналистди администрациядин векилрин рик1 архайин хьуй лугьуз гьабуруз к1ани материал акъудна сайтаризни прессадиз. Хабарар кьуна жавабар ганвайбурни гьа са к1ерет1дин пуд-кьуд инсан я. Шерифалиевахъни са к1ус адалат хьанайт1а хъсан жедай.

Куьн т1ак1ан яз ийизвай кхьинар туш, райадминистрация. Са т1имил адалатни намус амукьна к1анза квехъ заз. Са хъсан кар авурла за куь таъриф авуна статья кхьида ин сайтдиз акъудда. Гьеле заз пара кхьидай вахт авач ва варавурд тавунвай проблемаярни ава. Абур мадни акъудда сайтдиз. Къаладжух хуьре са хъсан карни авач куьне авунвай. Им са еке хуьр я. Чна са хъсан кар гуьзлемиш ийида мукьвара. Гьеле заз мадани пара крар чизва. Вири винел акъудна к1анибур я.

P.S.