|
22:12
Дишегьлийрин сувар мубарак!
Дишегьлийрин шад сувар мубарак! Куьн кьилел ислягь цавар мубарак! (Сажидин С.)
Къенин суварин югъ ЛезгиЯр сайтдин коллективди рик1ин сидкьидай чи дидейриз, вахариз, уьмуьрдин юлдашриз ва вири дишегьлийриз мубаракзава. Куь гьар са югъ, азизбур, бахтлуди хьун чи ч1ехи мурад я.
Квез. Аллагьди чандин сагъвал гурай, аялрикай рик1из регьят хьуй, чиле авай векьер кьван, цава авай гъетер кьван Сад Аллагьди бахтар кьисметрай квез. Сивел гьамиша мили хъвер, рик1ера гьамиша гатфар хьурай.
Чи лезги зари Сажидин Саидгасанова квез багъишнавай шиир фикирдиз гъизва:
Къе дуьньяни кваз къарагъна кIвачел,
Къарши ийива дидейрин сувар.
Сад Аллагьни кваз гьейран тир вичел,
Тебрикдин нубат атанва къе чал.
Гатфар цуькверив ацIанвай рувар,
Дишегьлийрин шад сувар мубарак!
Тербия гунин хизанрин кьилер,
Эркекрин дамах, эркекрин даях;
Чпел чан алай къизилдин гуьллер,
Къени ийизвай виридан кIвалер,
Дуьзмиш ийизвай чи гьар са кIвалах
Чун цава кьунвай лувар мубарак!
Югъ-йиф талгьана ийиз куьн тариф,
Сад Аллагьдиз за ийизва ялвар.
Куьн паталди чаз чанар туш гьайиф.
Камаллувилиз гьар сад са ариф,
Дишегьлийрин шад сувар мубарак!
Куьн кьилел ислягь цавар мубарак!
Лезги халкьдин портал - ЛезгиЯр.
Ниже приведены схожие материалы:
Категория: Новости ЛезгиЯр |
Просмотров: 4780 |
Добавил: LezGiYar
| В материале упоминаются:
Дорогие женщины, от всей души поздравляю Вас с праздником 8 марта, Международным Женским днем! Желаю Вам здоровья, счастья, теплого семейного благополучия. В Вашей жизни, чтобы присутствовали только положительные эмоции, только хорошее настроение, улыбки, смех и радость!
