|
11:15
Лайихлу награда гана
И мукьвара тlвар-ван авай чи районэгьли Завир Шагьисмаилович Абдулкеримова вичин 75 йисан юбилей Дербент шегьердин «Гуьлуьстан» мярекатрин залда къейдна. Кьетlендаказ къейдна кlанда хьи, и шад мярекатдал Докъузпара райондин кьил Керимхан Абасова юбилярдив РД-дин кьил Рамазан Абдулатимпован къул алай «Хайи чилихъ авай кlанивиляй» шагьадатнама ва орден вахкана.
Республикадин кьил Р.Абдулатипован къарардалди 24-мартдиз гайи гьукуматдин награда 75 йисан юбилейдин вилик хъсан савкьат хьана. Завир Шагьисмаилович вичин уьмуьрдинни зегьметдин рекье гзаф агалкьунар къазанмишнавай лайихлу пешекар я.
2011-йисан 18-мартдиз а чlаван Дагъустан республикадин президент Мегьамедсалам Мегьамедован къарардалди З.Абдулкеримоваз гьукуматдин награда – «Дагъустан Республикадин лайихлу эцигунардайди» шагьадатнама ва орден ганай. Гьакlни ам «Республикадин вилик лайихлувилерай» ордендин сагьиб я.
Шак алачиз, вини дережада везифаяр тамамарай, халкь патал зегьмет чlугур, алай вахтунда лайихлу пенсияда авай касдиз республикадин дережада фикир гун, лайихлу къимет гун шад жедай кар я. Чна чи сейли районэгьлидиз и агалкьунар мубаракзава.
Завир Абдулкеримовакай, адан уьмуьрдинни зегьметдин рекьикай и мукьвара «Лезги газет» ва «ЭС» газетриз акъатай «Республикадин дережадин итим» макъалада гегьеншдиз кхьенва.
Чи мухбир
Ниже приведены схожие материалы:
Категория: Лезгины в России |
Просмотров: 2823 |
Добавил: Редактор
| В материале упоминаются:
