|
06:34
Сад лагьай чка кьуна
Сулейман-Стальский райондин ЦIийи хуьруьн юкьван школадин футболдин
командади мини-футболдай райондин школайрин арада сад лагьай чка кьуна.
Абуруз и гъалибвал "Сулейман-Стальский район” МО-дин кьил, райондин
депутатрин Собранидин председатель Нариман Абдулмуталибова тебрикна ва
школадин гьаятда мини-футболдин майдан туькIуьрун хиве кьунай.Ингье, са акьван вахт арадай тефенмаз искусственный газонар хкана чкадал ала. И карди, школьникрик хьиз, муаллимрин рикIерикни еке ашкъи-гьевес кутунва. Районрин арада кьиле фейи зоналный къугъунра сад лагьай чка кьуналди, ЦIийи хуьруьн командади республикадин кIвенкIвечивиле иштиракдай мумкинвал къачунва. Хкянавай командадик 5 кас ЦIийи хуьруьн юкьван школадин чIехи классра кIелзавай аяларни ква. Райондин физический культурадинни спортдин ва жегьилрин крарин рекьяй управленидин начальникдин заместитель Руслан Гьажалиева лагьайвал, райондин кьиле авай ксари спорт вилик фин патал жегьилриз дуьз тербия гунин карда алакьдай вири куьмекар гузва. Конкурс И мукьвара, Виридуьньядин жегьилрин йикъаз талукь яз, райондин И.Тагьирован тIварунихъ галай Культурадин дворецда Етим Эминан шиирар устадвилелди кIелунай райондин школьникрин, жегьилрин арада 11 йисалай 30 йисалди яшда авайбурун чIехи конкурс кьиле тухуда. И кар патал 5 касдикай ибарат тешкиллувилин комитет, жюридин членар тайинарнава. РУО-дихъ галаз санал тешкилзавай и конкурсда кIвенкIвечи чкаяр кьурбуруз къиметлу пишкешар, гьуьрметдин грамотаяр, дипломар гуда.
Источник - Лезги газет
Ниже приведены схожие материалы:
Категория: Спорт |
Просмотров: 3860 |
Добавил: Лань@Админ
| В материале упоминаются:
0
