|
11:41
Ктабрин алемда «Тарки-Тау-2012»
10-12-октябрдиз Махачкъалада, республикадин Р.
Гьамзатован тIварунихъ галай Милли библиотекадин фойеда «Тарки-Тау -2012» лишандик
кваз ктабрин выставка-ярмарка кьиле фена. Хайи чIалар квахьунин хаталувал пайда
хьанвай макъамда ихьтин мярекат тухунихъ иллаки еке метлеб ава.
Выставка-ярмаркада республикадин жуьреба-жуьре чапханайри иштиракна.
Литературадал, чIалал рикI алайбуруз ина аялар патал акъуднавай хкетрин кIватIалрилай
башламишна саки вири хилерай метлеблу ва итижлу ктабрихъ галаз таниш жедай
мумкинвал авай. Амма гьайиф хьи, Дагъустандин литературоведенидин, адан теориядин ктабрин, докторинни профессоррин илимдин монографийрин сан лап тIимил тир. И карди мад сеферда алай девирда чи критика зайиф хьанвайдан гьакъиндай шагьидвалзава.
Виридлайни девлетлуди Дагъустандин ктабрин издательство тир. Хайи литературадал рикI алайбурувай инал Дагъларин уьлкведин шаирринни писателрин ктабар, гьар жуьредин справочникар, фольклордин чешмеяр… къачуз жезвай.
Мярекатдин иштиракчияр чи са хейлин авторин ктабрихъ галазни танишарна. Маса миллетрин хьиз, лезги авторрин ктабрикайни рахана.
Алирза Саидован «Хкягъай эсерар» ктабдикай суьгьбет фидайла, профессор Гьажи Гашарова адан яратмишунрин жанрайрикай, эсеррин кьетIенвилерикай вичин фикирар лагьана. Лезги литературадик ада кутунвай пай чIехиди я. Адан эсерри къени халкьдин арада нефес чIугвазва, - къейдна профессорди.
Абдуселим Исмаилован «Эверзава Эмина заз» ктабдикай автор вич рахана.
- Етим Эмин Дагъустандин литературадин бине эцигайбурукай сад я. Ада гьар са гафуни, гьар са цIарцIи гьахъвилихъ эвер гузва. Ктабдиз ганвай тIварни и делилдихъ галаз алакъалу я. Етим Эминаз бахшнавай поэмайрилай гъейри, ктабда Кьуьчхуьр Саидаз бахшнавай эсерарни гьатнава, - лагьана А. Исмаилова.
Гуьгъуьнлай анал рахай Гь. Къурбана, А. Саидова, К. Абукова, А. Къардаша, А. Вагьидова ва масабуру выставка-ярмаркадин кьетIенвиликай ва ктабрикай чпин фикирар лагьана.
«Тарки-Тау-2012» выставка-ярмарка тешкилнавайбур РД-дин культурадин министерство, Р. Гьамзатован тIварунихъ галай Милли библиотека, РАН ДНЦ-дин, Россиядин культурадин Фондунин Дагъустандин филиал, Кеферпатан Кавказдин «Дагъвияр» тIвар алай литературно-художественный газет, «Лекь-Дагъустан» ва «Дагъустандин жегьилар» газетар тир.
Мегьамед Ибрагимов
Лезгинский национальный портал - ЛезгиЯр
Ниже приведены схожие материалы:
Категория: Лезгины в России |
Просмотров: 4204 |
Добавил: Alpana
| В материале упоминаются:
Оставьте свой комментарий!