|
10:35
Ахцегь Сулейман
Чи халкьдихъ жегьил бажарагълу шаирар йис финикди гзаф ава. Гьабурукай сад Сулейманов Сулейман я.
Жегьил шаир Сулейман 1995 йисан 8 лагьай январдиз Дагъустан Республикадин Кизилюрт шегьерда дидедиз хьана. Аял вахтар Ахцегь хуьре акъатай шаирди вичиз Ахцегь Сулейман т1вар къачуна.
Алай вахтунда сифте камар къачузвай лезги писательрин союздин член шаир гадади ДГУ-дин РДО-дин (русско-дагестанское отделение) кьвед лагьай курсуна чирвилерин сергьятар гегьеншарзава. Шииратдал к1евелай ашукь хьайи жегьилди гъвеч1измаз вичин хсуси шиирар яратмишиз эгеч1зава. «Гьеле мектеб к1елдай вахтунда заз гзаф Етим Эминан, Кьуьчхуьр Саидан, Ст1ал Сулейманан яратмишунри зурбаз таъсирна. Зазни гьабуру хьиз лезги халкьдин эдебиятда гел таз к1ан хьана» - тестикьарна шаирди.
Шаирдин эсерикай рахайт1а, (гьам лезги, гьамни урус ч1алал кхьизвай), адан яратмишунрин кьилин темада философияди, муьгьуьббатди, яшайишди еке чка кьазва.
Размышление
Мир наш потерял свое богатство,
Добро и честность канули в века.
Деньги, власть, но не любовь и братство,
Порочность с каждым годом всё крепка.
Если ты умен и размышляешь,
Другим твои слова уже не в счет.
А если знанье слепо презираешь,
То в народе обретешь почет.
Окутал мир, туманом словно мрак,
Нет милости в сердцах порабощенных.
Наряд богатый, а в душе бедняк!
Это участь в золото влюбленных.
Мир покидают алчные цари,
Богатство не забрать, вот в этом суть.
Лишь справедливость, словно луч зари,
Потомкам освещает жизни путь
Вун катна яр
Цавун гъетер, вилериз зи,
Аквазмач куь гуьрчек нурар.
Кесиб залай хьанач рази,
Вун катна яр, вун катна яр.
Мугьуьббатдив ац1урна рик1,
Зун таз гила, им вуч хабар?
Йикъар-йифер акъудун гьик1,
Вун катна яр, вун катна яр.
Ви вилериз женнетдин къуш,
Гьич садрани гъанач накъвар.
Бес вучиз зун туна нахуш,
Вун катна яр, вун катна яр.
Рик1ел хквез ч1улав вилер,
Шабалатдин яргъи ч1арар.
Гьатзава зи чанда дердер,
Вун катна яр, вун катна яр.
Женнет багъдай акъудна зун,
Батмишна хьи ширин ахвар.
Шадвилихъай галудна зун,
Вун катна яр, вун катна яр
Зун билбил я, амачир сес,
Ат1анва зи мезни лувар.
Жигер кузва ч1угваз нефес,
Вун катна яр, вун катна яр.
Эй марвар цуьк зи гъилериз,
Акьахна ви хци цацар.
Мугьуьббатдал хъвериз-хъвериз,
Вун катна яр, вун катна яр.
Шииратдиз талукь тир мешверал (совещание), писательрин съездрал иштиракзавай шаирдин эсериз урус шаир ва критик Александр Тимофеева, Москвадин писательрин союздин кьил, гьак1ни бажарагълу Россиядин политик Сергей Филатова еке къимет гана.
Мадни а съездал иштирак авур Дагъустан Республикадин кьил Рамазан Абдулатипова вичин пуд ктаб багъишна ва еке агалкьунар т1алабна.
Лезги халкьдин портал
Ниже приведены схожие материалы:
Категория: Лезгины в России |
Просмотров: 5234 |
Добавил: Редактор
| В материале упоминаются:
0
