|
20:54
Диана Юзбекова: «Телевидение зи уьмуьр я» (ФОТО).
ДИАНА ЮЗБЕГОВА. Интернетдай жагъай зи цIийи таниш. Москвада
яшамиш жезвай и лезги руша зи суалриз хайи чIалал жавабар гузвай. Ихьтин
викIегь руьгь авай, ватанпересвилин гьиссер сифте чкадал эцигзавай
рушахъ галаз за адан уьмуьрдикай, кIвалахдикай суьгьбетар ийиз эгечIна.
Малум хьайивал, Дианади Москвада МУЗ-ТВ каналда журналист яз кIвалахиз
саки 3 йис жезва. Ада "PRO-новости”, "PRO-обзор” ва "Популярная правда”
передачаяр кьиле тухузва. Идалай гъейри, чи ватанэгьлиди Россиядин ва
къецепатан уьлквейрин шоубизнесдани кIвалахзава. 22 йис тамам хьанвай
лезги рушахъ кIвалахдин жигьетдай ихьтин еке агалкьунар хьуни зун
кьадарсуз шадарна.
Дианадин ери-бине Кцlар райондин Пирал хуьр я. Ам 1989-йисуз Одинцово шегьерда Россиядин МЧС-дин генерал Насир Юзбегован хизанда куькIвей сифте гъед я. Шегьердин 10-нумрадин лицей акьалтIарай ам Россиядин халкьарин дуствилин университетда "Гьукуматдинни муниципальный управление” факультетдик экечIна. Алай вахтунда ам 6-курсунин студентка я. Агъадихъ заз кIелзавайбурун фикирдиз адахъ галаз хьайи суьгьбет теклифиз кIанзава.
- Диана, шак алач, къенин юкъуз вун неинки Россияда, гьакIни къецепатан хейлин уьлквейра машгьур хьанва. Жуван миллетдин векил икьван жегьил яз ихьтин дережайрив агакьун дамахдай кар я. Заз вуна лицейда кIелай йисарикай ва вун телевиденидиз атуникай суьгьбет авунайтIа итижлу жедай.
- Лицейда кIелзавайла, зун пара къал гвай, женжел руш тир. Авайвал лагьайтIа, къени зун гьахьтинди яз ама. Амма за хъсандиз кIелзавайвиляй муаллимри заз жува-жув тухунин тегьер багъишдай. Гьеле и йисарилай башламишна захъ гележегда чIехи сегьнеда халкьдиз жуван бажарагъ сейли ийидай фикир авай. Университетдик экечIайла, за вуздин общественный уьмуьрда активнидаказ иштиракзавай. Зи зиреквал, бажарагъ кьатIунай бязи танишри заз телевиденида кIвалахун теклифнай. Ингье къе за аял чIавалай захъ авай мурад уьмуьрдиз кечирмишнава.
- Телевиденида кIвалахун хуш яни ваз?
- Гьелбетда. Телевидение зи уьмуьр я. Захъ гзаф итижлу, тIвар-ван авай инсанрихъ галаз мукьувай таниш жедай мумкинвал ава. Идалай гъейри, гъвечIи чIавуз жуваз телевизордин экрандилай акур Голливуддин хейлин гъетерикай гьа и кIвалах себеб яз зи кIеви дустар хьанва. Мегер ихьтин кIвалах хуш жедачни!
- КIвалах четинди яни?
- Авайвал лагьайтIа, эхь. Хейлин вахтара гьатта йифен ахварни хана кIвалахуниз мажбур жезва. Жуьреба-жуьре шегьерриз, уьлквейриз командировкаяр тайинарайлани рекьера четинвилер тIимил ацалтзавач. Жува тухузвай передачаяр за гьамиша тамашачийриз бегенмиш жедай, геждалди рикIел аламукьдайбур ийиз алахъзава. Передачаяр кьетIенбур хьун патал гзаф зегьметни чIугуна кIанзава. Шукур Аллагьдиз, залай и кIвалах алакьзава. Гзаф танишри заз передачайрилай гуьгъуьниз зенгер ийиз мубаракарни ийизва.
- Маса кIвалахрал машгъул жезвани? Азад вахт гьикI акъудзава?
- Азад вахт захъ гьич жезвач ла¬гьайтIа, куьн чIалахъ тахьун мум¬кин я. Амма гьакъикъат гьа ихьтинди я. Маса кIвалахрал машгъул жедай мумкинвал захъ гьелелиг авач, университетда кIелуни и кардиз манийвалзава. Къведай йисуз диплом вахчурла заз радиодани кIвалахиз кIанзава. И рекьяй захъ тежрибани хьанва, шоубизнесдин хейлин сирерни заз таниш я. Заз чиз, четинвилер жедач. Бязи вахтара за урусдал шиирарни кхьизва.
- Диана, зи фикирдалди, чи газет кIелзавайбуруз, иллаки жегьилриз итижлу жеда, вахъ кIандай гада авани?
- Ваъ, авач. Гьелелиг зун адахъ къекъвенни ийизвач. Къуй вичи жагъуррай зун. Интернетдикайни лугьун тавуна жедач. Заз хейлинбуру кхьизва, бязибуру гьатта чпин гьиссерикайни хабар гузва. Зи фикирдалди, Интернетдин бинедаллаз дуствилин алакъаяр хвейитIани, жуван уьмуьрдин кьвед лагьай пай анай жагъурун дуьз туш. Садаз сад акуна таниш хьун им маса чIал я. Авайвал лагьайтIа, зи хейлин дустари Интернетдай чпиз уьмуьрдин юлдашар жагъурна, хизанарни кутунва.
- Заз малум тирвал, вуна лезгийри Москвада тешкилзавай "Яран суварин” концерт са шумудра кьиле тухвана. Медениятдин и мярекатдикай ви фикирар.
- Зун а концертриз гьар йисуз физва. Россиядин меркезда яшамиш жезвай дагъустанвийриз и шадвал себеб яз йиса садра санал кIватI жедай, хайи халкьдин манийрихъ яб акалдай, чи рикI алай манидарар аквадай мумкинвал жезва. Кьве сеферда за ам кьилени тухвана, садра текдиз, садра хъсан, тежрибалу, бажарагълу Юсуп Мегьамедовахъ галаз санал. И кIвалах заз кьадарсуз бегенмишни хьана. Сифте са тIимил кьван регъуьвал хьанатIани, телевиденида арадал атанвай жуван тежрибадикай менфят къа¬чуна, хъсандиз кьиле тухвана.
- Гележегдин фикирар гьихьтинбур я?
- Мад ва мад телевиденидин жигьетдай цIийи-цIийи дережаяр къачун. Тежрибалу ва пешекар телеведущий хьун зи мурад я. И кIвалахдилай гъейри, заз жува чирвилер къачузвай пешедай яшайишдин месэлайрални машгъул жез кIанзава. И карда зун паталди телеведущий тир Тина Канделаки чешне я. Зи фикирдалди, ам гзаф акьуллу ва вири патарихъай алакьунар авай дишегьли я. Актриса язни заз жуваз жув ахтармишиз кIанзава. Зи танишар тир хейлин артистри заз гьамиша лугьузва: "Диана, вун кинода къугъвана кIанда, гьикI хьи, ви акунар адетдинбур туш”. Килигин, Аллагьди гайивал жеда.
- Къуй, Диана вах, ви вири мурадар кьилиз акъатрай. Вахъ кIвалахдани еке агалкьунар хьун чи мурад я.
Низ чида кьван чахъ, лезгийрихъ, Россияда ва маса уьлквейра Диана хьтин бажарагълу жегьилар гьикьван аватIа! Абуру вирида, къенин макъаладин кьилин игитди хьиз, хайи чIал, адетар рикIел хуьзвайтIа, абуруз икрамзавайтIа хъсан тир. Жегьилар, акьалтзавай несил чи гележег я. Лезги халкьдин гележег мадни экуьди жедайвал, къуй бажарагълу жегьилрин кьадар, чеб гьина аватIани, артух хьурай.
Ниже приведены схожие материалы:
Дианадин ери-бине Кцlар райондин Пирал хуьр я. Ам 1989-йисуз Одинцово шегьерда Россиядин МЧС-дин генерал Насир Юзбегован хизанда куькIвей сифте гъед я. Шегьердин 10-нумрадин лицей акьалтIарай ам Россиядин халкьарин дуствилин университетда "Гьукуматдинни муниципальный управление” факультетдик экечIна. Алай вахтунда ам 6-курсунин студентка я. Агъадихъ заз кIелзавайбурун фикирдиз адахъ галаз хьайи суьгьбет теклифиз кIанзава.
- Диана, шак алач, къенин юкъуз вун неинки Россияда, гьакIни къецепатан хейлин уьлквейра машгьур хьанва. Жуван миллетдин векил икьван жегьил яз ихьтин дережайрив агакьун дамахдай кар я. Заз вуна лицейда кIелай йисарикай ва вун телевиденидиз атуникай суьгьбет авунайтIа итижлу жедай.
- Лицейда кIелзавайла, зун пара къал гвай, женжел руш тир. Авайвал лагьайтIа, къени зун гьахьтинди яз ама. Амма за хъсандиз кIелзавайвиляй муаллимри заз жува-жув тухунин тегьер багъишдай. Гьеле и йисарилай башламишна захъ гележегда чIехи сегьнеда халкьдиз жуван бажарагъ сейли ийидай фикир авай. Университетдик экечIайла, за вуздин общественный уьмуьрда активнидаказ иштиракзавай. Зи зиреквал, бажарагъ кьатIунай бязи танишри заз телевиденида кIвалахун теклифнай. Ингье къе за аял чIавалай захъ авай мурад уьмуьрдиз кечирмишнава.
- Телевиденида кIвалахун хуш яни ваз?
- Гьелбетда. Телевидение зи уьмуьр я. Захъ гзаф итижлу, тIвар-ван авай инсанрихъ галаз мукьувай таниш жедай мумкинвал ава. Идалай гъейри, гъвечIи чIавуз жуваз телевизордин экрандилай акур Голливуддин хейлин гъетерикай гьа и кIвалах себеб яз зи кIеви дустар хьанва. Мегер ихьтин кIвалах хуш жедачни!
- КIвалах четинди яни?
- Авайвал лагьайтIа, эхь. Хейлин вахтара гьатта йифен ахварни хана кIвалахуниз мажбур жезва. Жуьреба-жуьре шегьерриз, уьлквейриз командировкаяр тайинарайлани рекьера четинвилер тIимил ацалтзавач. Жува тухузвай передачаяр за гьамиша тамашачийриз бегенмиш жедай, геждалди рикIел аламукьдайбур ийиз алахъзава. Передачаяр кьетIенбур хьун патал гзаф зегьметни чIугуна кIанзава. Шукур Аллагьдиз, залай и кIвалах алакьзава. Гзаф танишри заз передачайрилай гуьгъуьниз зенгер ийиз мубаракарни ийизва.
- Маса кIвалахрал машгъул жезвани? Азад вахт гьикI акъудзава?
- Азад вахт захъ гьич жезвач ла¬гьайтIа, куьн чIалахъ тахьун мум¬кин я. Амма гьакъикъат гьа ихьтинди я. Маса кIвалахрал машгъул жедай мумкинвал захъ гьелелиг авач, университетда кIелуни и кардиз манийвалзава. Къведай йисуз диплом вахчурла заз радиодани кIвалахиз кIанзава. И рекьяй захъ тежрибани хьанва, шоубизнесдин хейлин сирерни заз таниш я. Заз чиз, четинвилер жедач. Бязи вахтара за урусдал шиирарни кхьизва.
- Диана, зи фикирдалди, чи газет кIелзавайбуруз, иллаки жегьилриз итижлу жеда, вахъ кIандай гада авани?
- Ваъ, авач. Гьелелиг зун адахъ къекъвенни ийизвач. Къуй вичи жагъуррай зун. Интернетдикайни лугьун тавуна жедач. Заз хейлинбуру кхьизва, бязибуру гьатта чпин гьиссерикайни хабар гузва. Зи фикирдалди, Интернетдин бинедаллаз дуствилин алакъаяр хвейитIани, жуван уьмуьрдин кьвед лагьай пай анай жагъурун дуьз туш. Садаз сад акуна таниш хьун им маса чIал я. Авайвал лагьайтIа, зи хейлин дустари Интернетдай чпиз уьмуьрдин юлдашар жагъурна, хизанарни кутунва.
- Заз малум тирвал, вуна лезгийри Москвада тешкилзавай "Яран суварин” концерт са шумудра кьиле тухвана. Медениятдин и мярекатдикай ви фикирар.
- Зун а концертриз гьар йисуз физва. Россиядин меркезда яшамиш жезвай дагъустанвийриз и шадвал себеб яз йиса садра санал кIватI жедай, хайи халкьдин манийрихъ яб акалдай, чи рикI алай манидарар аквадай мумкинвал жезва. Кьве сеферда за ам кьилени тухвана, садра текдиз, садра хъсан, тежрибалу, бажарагълу Юсуп Мегьамедовахъ галаз санал. И кIвалах заз кьадарсуз бегенмишни хьана. Сифте са тIимил кьван регъуьвал хьанатIани, телевиденида арадал атанвай жуван тежрибадикай менфят къа¬чуна, хъсандиз кьиле тухвана.
- Гележегдин фикирар гьихьтинбур я?
- Мад ва мад телевиденидин жигьетдай цIийи-цIийи дережаяр къачун. Тежрибалу ва пешекар телеведущий хьун зи мурад я. И кIвалахдилай гъейри, заз жува чирвилер къачузвай пешедай яшайишдин месэлайрални машгъул жез кIанзава. И карда зун паталди телеведущий тир Тина Канделаки чешне я. Зи фикирдалди, ам гзаф акьуллу ва вири патарихъай алакьунар авай дишегьли я. Актриса язни заз жуваз жув ахтармишиз кIанзава. Зи танишар тир хейлин артистри заз гьамиша лугьузва: "Диана, вун кинода къугъвана кIанда, гьикI хьи, ви акунар адетдинбур туш”. Килигин, Аллагьди гайивал жеда.
- Къуй, Диана вах, ви вири мурадар кьилиз акъатрай. Вахъ кIвалахдани еке агалкьунар хьун чи мурад я.
Низ чида кьван чахъ, лезгийрихъ, Россияда ва маса уьлквейра Диана хьтин бажарагълу жегьилар гьикьван аватIа! Абуру вирида, къенин макъаладин кьилин игитди хьиз, хайи чIал, адетар рикIел хуьзвайтIа, абуруз икрамзавайтIа хъсан тир. Жегьилар, акьалтзавай несил чи гележег я. Лезги халкьдин гележег мадни экуьди жедайвал, къуй бажарагълу жегьилрин кьадар, чеб гьина аватIани, артух хьурай.
Мегьамед ИБРАГЬИМОВ. Лезги Газет
Ниже приведены схожие материалы:
Категория: Лезгины в России |
Просмотров: 8189 |
Добавил: LezGiYar
| В материале упоминаются:
Оставьте свой комментарий!