Лезгидин пак кьин

Жуван халкьдин дерин тарихдал ва девлетлу ирсинал дамах ийиз, жув Шарвилидинни Къванцигададин, Вачединни Жаваншаран, Гьажи Давуданни Ярагъ Мегьемедан несил тирди чиз, жув Алпан хьтин гьукумат хьайи, Къавкъаз дагълариз, Каспи гьуьлуьз, лезги кьуьлуьниз машгьур т1варар гайи, асирралди мидяйрин хура гьамиша вик1егь яз къалурай лезги халкьдин велед хьунал дамах авуналди, и пак Кьуркьандал гъил эцигна, Аллагьдин михьи т1варц1ел, бубайрин сурарал, лезги Намусдал 

Инсаф течир кьисметди чун, сагъ са миллет, гужуналди кьве патал пайзавай сергьятдин ц1ар амай кьван, зи рик1евай хер сагъ хъижедач. Эхир нефесдалди за жуван акьул, къуват, чан лезги халкь садхъувун паталди къурбанд ийида. Миллетдин къайгъуйрилай чпин хийир вине кьаз, жемятдин малдиз гъил ийизвай къуллугъчияр, чпин гафар сад, крар масад тир тапархъанар, еке къуллугъар кьуна анжах чпин асайиш паталди миллетни кваз маса гузвай хаинар, жемятдин к1вал-мал ат1узвай угърияр, миллетдин сагъвилиз зиян гузвай анашачияр ва ичкибазар за халкьдин хаталу душманар яз гьисабда.

Чилерин-цаварин вилик, Садаллагьдин вилик, зи сирдашрин вилик за кьин кьазва хьи, жуван хивез къачузвай кардин четинвал ва жавабдарвал за жуван фикирдалди гьиссзава ва зун и барка алай пак кардив садан жебирни авачиз, жуван хушуналди эгеч1зава. 

Анжах тек жуван рик1ин игьтияждилай гъейри маса са темягьни захъ авач. Эгер за и Пак Кьин ч1урайт1а, къуй зи т1варц1ел, зи эсил-несилдал ивидалдини чуьхуьз техжер лянет къурай! Къуй зи дуван Садаллагьди ва къенин шагьидри авурай! 

Гьар са хаиндиз ажал! Сагърай лезги халкь! Амин!