|
15:50
Агалкьунралди шадарзава
Вичикай ихтилат физвай дагъви руш Саида Зекеряевади ЦIийи Каракуьредин юкьван школадин 11 – классда кIелзава. Рушахъ кIелунин рекьяй агалкьунар ава. Гьелбетда, сифте нубатда адаз тербия ганвай диде-бубадиз сагърай лугьуз жеда, ахпа са кIусни тIимил тушиз зегьмет чIугунвай муаллимриз.
Районда йисалай-суз гьар жуьредин предметрай кьиле фейи олимпиадайра Саидади тарифлу чкаяр кьуна. Иллаки лезги эдебиятдай адан агалкьунар тарифлубур я. Гьа и мукьвара райондин этапда аваз кьиле фейи олимпиадада руша сад лагьай чка къазанмишна.
Нетижада ада 21 – мартдиз республикадин дережадин олимпиадада иштиракна. Саидади лезги районрин мектебрин аялрин арада эдебиятдай 2-чка къазанмишна. Адан агалкьунар рикI шаддайбур хьана. И карда адаз тарс гузвай муаллим Суна Гьажибеговадин зегьмет чIехиди я.
Чна Саидадихъ генани еке агалкьунар хьун тIалабзава.
Али ЭМИРСУЛТАНОВ, «ЛезгиЯрдиз»
Ниже приведены схожие материалы:
Категория: Лезгины в России |
Просмотров: 3310 |
Добавил: Jurnalist
| В материале упоминаются:
0
