Гуьлишан Лачиновна лезги чlалан тарсар гузвай муаллим я (Хуш хабар)

Тарсар гузвай муаллим 30 йисан стаж авай - Сулейманова Гуьлишан Лачиновна я. Гуьлишан Лачиновна 1966-йисан 3 июндиз Дербент райондин Белиждин хуьре дидедиз хьана. 

Гуьлишан Лачиновнади Белиждин хуьре сад лагьай нумрадин юкьван мектеб акьалтlарна, Дербент шегьерда В.И.Ленинан тlварунихъ галай педагогический училищида кlелна.

1981-йисуз акатна ва 1985-йисуз кlелна куьтягьна. Гуьлишан Лачиновнади Белиждин хуьре 1986-йисалай муаллимвал авуна. Гьа йисалай къенин йикъалди Гуьлишан Лачиновна лезги чlалан тарсар гузвай муаллим я.

Гьар базар йикъуз Беринга 23 куьчеда авай дараматда тарсар кьиле физва. Тарсуниз лезгияр ва гьакlни маса миллетар къвезва. Тарс са сят-сятни зура физва. Тарсунин себеб: Шегьерда авай лезгийрин чlал рикlел хкун, Лезги адетар, тарих чир хьун я.

Югъ къандавай инсанар гзаф жезва ва абурун гуьгьуьлар хкаж жезва. Ширин мез авай Гуьлишан Лачиновнади гьар са инсандиз (кlантlа гъвечlи, кlантlа чlехи) тийижир шеъ дуьздаказ гъавурда тваз алахъзава. Тарсариз рушар, гадаяр ва гьак|ни аялар къвезва. И мукьвара чаз Лезги тlуьнрикай мярекат тухуз кlанзава. Кlанзавайбурувай иштаракиз жеда. Чи мурад, Лезги чlал гьина аваз хьайитlани рикlел хуьн я. Дидедин чlалахъ къведай гьич са чlални авач. Гьавиляй тlалабзава лезги чlал чирун.

Ихьтин пак кар кьилиз атанвай Сулейманов Тамерланаз ва дараматдин КПЦ-дин чlехиди тир Исагаджи Османоваз, Гуьлишан Лачиновнадиз пара кьван сагърай лугьуз кlанзава, гьакlни агалкьунар мурадзава.