|
11:46
Узеир Гьажибегован ирсинин гелеваз
Алатай асирдин сифте кьилера чи ватанэгьли Узеир Гьажибегова тардин цIийи жанр, мугъамрин опера арадал гъана. Халкьдин музалатрин нотайрин сифте оркестрдани тарди кIвенкIвечи чкаяр кьуна. У.Гьажибегова арадал гъайи нотайралди халкьдин музалатар ягъунин школадин техникадин ва художественный сергьятар мадни гегьенш жез башламишна. Амма алай вахтунда чи халкьдихъ тар язавай устадар, Узеир Гьажибегован ирс давамарзавайбур лап тIимил ава. Жегьилар лагьайтIа, тупIаралди гьисабиз жеда. Абурукай сад и мукьвара Украинадин Крым Республикадай халкьдин алатрин международный конкурсда сад лагьай чка кьуна хтанвай Шамил Шерифалиев я. Гьеле школада кIелзавай чIавалай Шамила Ахцегьрин аялрин музшколада Низам Мирзоеван гъилик тар ягъиз чирна. Райондинни республикадин "Къугъугъ, руьгь”, "Зи къул, хайи Дагъустан” ва маса конкурсра кIвенкIвечи чкаяр кьаз хьайи жавандик мадни еке гьевес акатна. ИкI, ДГУ-да кIелзавай адаз Дагъустандин халкьдин алатарин государстводин оркестрда кIвалахиз теклифна. Гьа са вахтунда ада Махачкъаладин 5-нумрадин музыкадин школада Кибер Падишагьовавайни тар ягъунин сирер чирнавай. Университетда кIелун заочнидаказ давамариз хьайи ам Готфрид Алиевич Гьасанован тIварунихъ галай Махачкъаладин музыкадин училищедик экечIна.
Дагъустан Республикадин халкьдин алатрин оркестрда ва Дагъустандин государстводин филармонияда солист яз тар язава. Ансамблдик кваз ам Дондал алай Ростовда кьиле фейи аялрин оркестррин ва ансамблрин Вирироссиядин сад лагьай фестиваль-конкурсдин лауреат я. Ам РД-дин культурадин министерстводин премиядиз ва РД-дин Президентдин стипендиядиз лайихлу хьана. Училищеда Фарид Магьмудован классда авай ада мукьвал-мукьвал жуьреба-жуьре конкурсрани фестивалра иштиракзава.
Калуга шегьерда Шамил "Звонкоголосная Юность России” тIвар алай Вирироссиядин кьвед лагьай конкурсдин лауреат тIварцIиз лайихлу хьана. Алатай йисуз Нальчикда кьиле фейи Кеферпатан Кавказдин халкьарин музалатрай ачух фестивалда иштиракна.
Аниз Украинадин Севастополь шегьердай атанвай иштиракчийриз Шамилан алакьунар, вичин пешедал рикI алай тегьер акуна ва гьар йисуз кьиле физвай халкьдин алатарин международный конкурсда иштиракун теклифна. Училищедай Шамил мартдин вацра кьиле фейи конкурсдиз ракъурна. 15-17-мартдиз Крымдин инженервилинни-педагогикадин университетда халкьдин музалатрин "KrimAcco-2013” тIвар алай международный конкурс кьиле фена. Адан тешкилатчияр винидихъ тIвар кьунвай университет, Крымдин автономный республикадин (АКР) культурадинни искусстводин министерство, АКР-дин образованидинни илимдин, жегьилрин краринни спортдин министерство, вири Украинадин милли музыкадин союз тир.
Конкурсда аккордеон, баян ва симинин алатар номинацийрай Украинадин шегьеррай, Стамбулдин музыкадин консерваториядай цIудралди иштиракчийри чпин алакьунар къалурна. Абурун арада студентар, консерваторийрин муаллимар авай.
Шамила вичин алакьунар къалурай симинин алатар номинацияда саз, Украинадин бандура, тар, гитара, кемен язвайбуру иштиракнай. Конкурсда П.Чайковскийдин "Спящая красавица” балетдай вальс, тар галай оркестрдин Г.Мамедован 2-нумрадин концерт, Ж.Финнадин "Шмелиные буги” (Ж.Молинаридин обработка) устадвилелди тамамарай ада вишев агакьна баллар къазанмишна.
Адаз устадвиляй ва пешекарвиляй профессор, Украинадин Игит Р. Якутисан ва конкурсдин жюридин къуларни алаз диплом гана. И кар чна Шамилаз ва адан муаллимриз мубаракзава. Мукьвал вахтунда чна "сегьнедал маэстро Шамил экъечIзава” келимаяр гуьзетзава.
Дагъви ШЕРИФ, «Лезги Газет»
Ниже приведены схожие материалы:
Категория: Лезгинская правда |
Просмотров: 4160 |
Добавил: LezGiYar
| В материале упоминаются:
0
Узеир Гьажибегован ирсинин гелеваз лагьана адан вичин шикил эцигун гьич дуьз кIвалах туш! Уь. Гьажибегован ирсинин гелевайдакай кхьенвай макъала никай ятIа, сифте гьадан шикил гун лазим я. Ахпа, кIандатIа, Уь.Гьажибегован. Кьилди къачуртIа, Уь. Гьажибегован шикил гунин чарасузвал гьич авач!
Зун гьамиша "Лезги газетни" кIелзавай кас я ва ана Гьажибегован шикил гунни авунвач. Эгер Куьне анай ганай макъала ятIа, ана авай тегьерда, газетдин нумра, ам акъатнавай вахтни галаз (ссылка) це!
Зун гьамиша "Лезги газетни" кIелзавай кас я ва ана Гьажибегован шикил гунни авунвач. Эгер Куьне анай ганай макъала ятIа, ана авай тегьерда, газетдин нумра, ам акъатнавай вахтни галаз (ссылка) це!
Читатель
Это же каждую минуту 29-30-40-50 человек читают
:D
В день сколько выходит посчитай?
Это же каждую минуту 29-30-40-50 человек читают
:D В день сколько выходит посчитай?